|
رد: سؤال مهم جدا لاستاذ سيف ولكل خبراء المنتدى برجاء سرعة الرد للاهمية
عتقد ان الوحيد اللى يرد على الكلام دة هو البنك وسالك فى البنك مش غلط و مفهوش مشاكل بالعكس دة هو الصح لان مش كل البنوك زى بعضها مع احترامى الشدييد لكل من ساهم بالمشاركة و لهم منى كل احترام و تقدير و عرفان و شكر لجهودهم البنائة
|
انا بعت عربيتى امبارح ومحتاج رأيكم ازاى اخد على الراجل ضمانات زيادة....
استاذ سيف والاخوة المحترمين فى المنتدى الجميل دة
ممكن استفسار بسيط انا امبارح بعت العربية بتاعتى لواحد اعرفة بس كنت عاوز اخد علية ضمانات زيادة انا عربيتى لسة عليها اقساط للبنك كتبت معاة عقدين ابتدائى بالبيع وادانى المقدمة اللي دفعتها وجزء من الاقساط كمان وهو هيكمل الباقى بس الفكرة بقا انا عاوز اعرف اية الضمانات اللي اقدر اخدها علية تانى زيادة عشان اضمن حقى بالتفصيل لو سمحت لانى هروح اعملوا توكيل فى الشهر العقارى بعد يومين منتظر الرد |
رد: انا بعت عربيتى امبارح ومحتاج رأيكم ازاى اخد على الراجل ضمانات زيادة....
انا مش هاقدر افيدك بنسبة 100 فى المية لكن هاؤلك على اللى اعرفة
الموضوع بينقسم الى شقين ....شق جنائي وهو انة يعمل حاجة بالعربية ودة حلة انك تاخد علية اقرار وتعهد اقرار انة استلم العربية من تاريخه وسعتة وتعهد ان العربية فى حوذتة وانة مسئول عنها مسئولية جنائية كاملة من تاريخه وساعته اما الشق الادارى فهو التخوف من عدم سداد اقساط البنك وطبعا البنك ميعرفش غيرك انت وممكن يتخذ اجراءات قانونية ضدك وحلها الامثل انك تروح انت وهو البنك وتنقل باقى الشيكات علية هو ودى انا مش متاكد منها او انك تاخد علية شيكات بباقى قيمة السيارة .... كلامى دة اجتهاد مش متاكد منة بصراحة |
رد: انا بعت عربيتى امبارح ومحتاج رأيكم ازاى اخد على الراجل ضمانات زيادة....
ياريت تخلية يكتب اقرار استلام العربية
اول الورقة حرر بتاريخ وساعتة وتكتب التاريخ و الساعة و تكتب فيه تحمل كافة المسئولية المدنية والجنائية عن السيارة من تاريخة ويمضي بأسمة الثلاثي ورقم بطاقة قومي وياريت تصور البطاقة وتدبسها في الورقة دي وتمام اوي كدا ياباشا هتحميك دي من اى جريمة لاقدر الله + العقد الابتدائي اوعي تقطعة في اى حال من الاحوال لانه ممكن يحميك من اى مخالفات جسيمة اهو ممكن تقدمة لوكيل النيابة لو لاقيت مخالفات مش بتاعتك ويشيلها من عليك و الكلام دا علي المخالفات اللي بتتم في الفترة اللي معاه العربية دلوقتي مابين العقد و التوكيل. موضوع اقساط البنك دا بقي اعتقد انك تعملها كمبيالات عليه عشان تضمن حقك وانه في اى وقت ميمتنعش عن السداد بتواريخ مثلا الشهور القادمة. او شوف ازاى تتفقوا علي النقطة دي وقولة لو انت مكاني تضمن حقك ازاى في الموضوع دا وشوف هيقولك اية والله لو محترم هيريحك ويمضيلك علي ورق يثبت شهريا ان انت ليك مبلغ مين بتدفعة اقساط ودا تكملة لمبلغ العربية. وشوف اتنين شهود يمضوا عليها. |
رد: انا بعت عربيتى امبارح ومحتاج رأيكم ازاى اخد على الراجل ضمانات زيادة....
ألف شكر للأستاذ الفاضل mr_astra على ردك الوافى
وشكر كبير اوى للأخ الفاضل romio4lovee واستفدت فعلا من كلامكم جدا وخصوصا نقطة انى اكتبة اقرار بأستلام العربية بس انا كان ليا استفسار تانى ياترى اكتبة شيكات اقوى ولا كمبيالات يعنى مين فيهم اللي هيبقى طريقها اقوى واضمن من الناحية القانونية ؟؟؟؟ |
| الساعة الآن 05:51 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017