المشاركة الأصلية كتبت بواسطة abdullah_yousof (المشاركة 260559)

الأستاذ سيف ممكن توضح الجملة دي (من منطلق البيع والشراء هقولك انة اسلامى ولو من شهادة حق يبقى لا لانة مسمى وخلاص)

ماهو يا اما عقد اسلامي صحيح أو غير اسلامي لنقاط معينة تخالف العقد الاسلامي. لكن ايه يعني من منطلق البيع والشراء اسلامي؟ ومن ناحية شهادة الحق مش اسلامي!!!!!!!!!!!!!!!!

بمعنى آخر ايه هي النقاط التي تراها مخالفة للعقد الإسلامي في عقد هذا البنك لأني أريد أن أقسط عن طريقه ولم انظر لعقده
وشكرا

المشاركة الأصلية كتبت بواسطة محمود زيزوو (المشاركة 260826)

انا معاية 25 الف جنية وعايز عربية 52 الف جنية اسبرانزا a113 ممكن حد يقولى هعمل اى فى نظام القسط كام فى الشهر والمقدم 50 فى المية دة يخلينى ادفع شهرى كام ممكن رد بسرعة

المشاركة الأصلية كتبت بواسطة AMGADKO (المشاركة 258904)

أولا : شكر خاص جدا لكل القائمين على المنتدى والأعضاء الكرام اللي كان لهم فضل كبير في الإجابة على الكثير من الأسئلة اللي كنت مش لاقي اي اجابة لها .

ثانيا : كنت عاوز أسـأل عن موضوع القرض اللي بضمان الوديعة و أفضل البنوك لإتمام تلك العملية

ثالثا : أنا روحت لسمير ريان علشان أجيب سيارة جديدة ثمنها 89 الف جنيه .. وكنت ناوي أكيش .. قاللي أحد الموظفين .. أحسن ليك تعمل وديعة في بنك الأهلي سوسايته بتمن السيارة و تقسط للبنك بفوايد قليلة جدا ( 5.9 %) تقريبا... الغريب بقى أن الموظف حسبلي حسبة مفهمتهاش وطلعلي في الأخر قسط شهري 1327 جنيه في الشهر على 5 سنوات .. لما ضربت القسط في السيتين شهر .. لقيت تمن العربية في الأخر واقف عليا بـ 79.620 الف جنيه ياعني اقل من تمانها 9 الاف وكسور ... مع العلم بقى إن بعد الخمس سنين هاخد الوديعة كاملة من غير فوايد طبعا

السوأل بقى : عاوز أفهم الحسبة دي ؟ لأن على الكلام دا السيارة هقسط تمنها من غير ما تمنها يزيد ذي ما بسمع ويبقى دا أحسنلي طبعا كأني عامل جمعية هقبضها الأول حتى لو خدوا فوايد الوديعة ما أنا كدة كدة كنت هشتري كاش وبالتالي هخسر الفلوس وفوايدها
يعني هما هيكسبوا ال 79 الف وفوايد الوديعة في 5 سنين بس أنا مش خسران حاجة ومش هادفع أكتر من تمن العربية في الأخر

انا عاوز أعرف هو انا فاهم غلط وللا فعلا الموضوع كدة؟!!!

شكرا لأستماعكم وفي إنتظار ردوود سريعة أرجوكم علشان انا لازم أشتري في أقرب فرصة