|
|
رد: يارب ارحمنا من دم اولادنا يا رب ..
اقتباس:
و هناك يتم استقبال حوالي 30 حالة شهريا و يتم علاجهم بالكامل مجانا بتبرعات اهل الخير ..و احنا بنديره طبيا و اداريا لوجه الله تماما و ملناش دعوة بالفلوس ( تكاليف التشغيل و العلاج ) اللي بتوصل ل 25 الف شهريا ودي تحت اشراف ادارة الجمعية المسئولة عن الجامع .. و ده كان حل جميل لحالة مثل حالة يوسف بس للاسف الظروف خليتنا منقدرش نعمل ده الا بعد سنة من موت يوسف .. بس قدام كل طفل بدخله هناك ..بيجيلي خمسة موش قادرين و معنديش ليهم مكان .. فده حل مسكن ..فعال بس مسكن و التبرعات هناك زيادة و مكفية و الحمد لله ... فاطمئن .. انا موش عايز تبرعات :10FEE3~1106: اما في مستشفى خاص رخيصة فلأ طبعا ... و ده لارتفاع المصاريف.. النائب المقيم ذو الخبرة اللي هيقعد جنب ابنك بياخد كام.. و الممرضة الخبرة و دي عملة نادرة هتقنعها بالشغل عندك بكام .. و المستهلكات .. و الادوية .. و المحاليل .. و الاشعة و التحاليل .. و ,,, و ,,, و ,,, انا قلت انا ارخص الحضانات في القاهرة.. بس ما قلتش انه انا رخيص .. و تقبل سلامي :GROWIN~12: |
رد: مفردات مرتب طبيب في المحروسه يا بيه اللي بتقوله ده عيب وحرام!@1
:fun_36_3_9[1]::fun_36_3_9[1]:
|
رد: فعلا خراااااااااااااافه جرب بنفسك
اقتباس:
علي فكره ده كده مش غاليه اساسا بالنسبة للامكانيات طبعا كمان في كاميرات اغلي من 100 و300 الف |
رد: يارب ارحمنا من دم اولادنا يا رب ..
يا جماعة الخير
قبل ما تهاجمو او تدافعو او اي حاجه لازم تعرفو الاول يعني ايه حضانات في مصر!!! في مصر الحضانات بتكون حاجتين اما مستشفيات عامة (مجانا ) او خاصة والخاصة بتبقي حاجتين برضة ذات مبلغ رمزي او خاصة بجد وعلي فكرة حاضنة تنفس صناعي ب 400 جنية في اليوم فعلا بجد رخيصة ! وتامين الف جنية برضة مبلغ لا يذكر بالنسبة للتامينات اللي بنسمع عنها للخاص اما بقي من الناحية العملية اللي حصل مع يوسف دة مش بيحصل مع كل الاطفال في حضانه مشهورة جدا في الحي السادس خيرية مجانية معظم الناس يتروحلها الاول في بداية اللف ! بتطلب ان اهل الطفل تجيب الطفل لحد عندهم ويشوفوه وبعدها يقررو ان كان هيدخل او لا طبعا هم بيعملو كدة لان زي ما تقولو كدة مبيثقوش الا في الطبيب اللي شغال عندهم (ودة عادي في كل الاماكن الطبية في مصر) يشخص الحالة ويشوف هتحتاج انهي حضانه بالضبط عادية تنفس صناعي وخلافة ويشوفو هم ساعة ما الاهل هييجو هيكون في مكان ولا لا لأن ممكن ناس تانية تكون جت واخدت الجهاز الفاضي يبقي هم وعدو بشئ ومنفذهوش؟ يعني الحضانات العادية بتعمل اية تشوف الطفل وممكن تسعفه لكن تحطه علي تنفس صناعي لحد ما يدورو للاهل علي حضانة تانية !!! صعبة جدا ان جد يعمل كدة الا لو كان عندو ضمير او جانب انساني هتقولولي طيب واستفدنا اية بضميره اذا كان بعدها الواد مات في النهاية اولا الاعمار بيد الله دي حاجه الحاجة التانية يمكن يوسف مات عشان يسيب علامة تحذير عند دكتور وائل عشان يتكلم ويدور علي حل كون في طفل يموت او ام تموت وهي بتولد هي وطفلها او جد يموت وهو بيتعالج من السرطان كل الناس دي حالات انسانية ولازم الدكتور عشان يعالج يبقي قوي وميتاثرش بالحالة الانسانية اللي قدامه لان فعلا دي بتاكل من اعصاب الطبيب وحياته وعلي حساب حالته النفسية ومممكن ميشتغلش !!! طيب ما هو لو ماشتغلش كل دكتور عشان في مريض مات يبقي مين اللي هيعالج ومع ذلك الدكتور ممكن يكون بيخرج ويكلم اهل المريض ويدور ويبان انه متحجر المشاعر ولكن حقيقة هو بيتقطع ومش هدي نماذج عن كدة لان لو فتحت الباب مش هيتقفل عن النماذج دي وعلي فكرة اللوم يقع برضة علي والد الطفل لسبب انه ياما بنشوف في الازمات دي في المستشفيات المريض معندوش مليم وبنقوله لازم حقنه بكذا ولازم كذا ومش موجود مفيش ساعتين وبيجيب الحاجه حتي لو معدم بيكلم الناس اللي عالبوابة بيحط ورقة في الاسنسير بيكلم في ميكروفون الجامع اللي عند بيتهم وبيكلم كل الجيران وبصراحة انا مش شايفة انه عيب دي حياة انسان ولو معملش كدة في موقف زي دة واتكسف يبقي معلش اعذروني هو القاتل الحقيقي يتبع |
رد: مفردات مرتب طبيب في المحروسه يا بيه اللي بتقوله ده عيب وحرام!@1
ان شاء الله كل الامور ترجع الى نصابها الصحيح
واعلم ان الله لا يضيع اجر من احسن عملا يعنى اشتغل فى مكانك كانك بتاخد مليون جنيه فى الشهر وعمر ربنا ما هيضيع تعبك ابدا صدقنى وربنا يوفقك |
| الساعة الآن 07:22 AM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017