مصر موتورز مجتمع السيارات - الغاااااء الدعم على البنزييين والرضوخ لصندوق النقد الدولى

مصر موتورز مجتمع السيارات (https://www.masrmotors.com/vb/index.php)

- موضوعات متميزة (https://www.masrmotors.com/vb/forumdisplay.php?f=122)

رد: الغاااااء الدعم على البنزييين والرضوخ لصندوق النقد الدولى

كدة بانت اوى اسباب زيارة مرسي الى الصين
احلى صفقة عجل للناس تروح بيها شغلها

رد: الغاااااء الدعم على البنزييين والرضوخ لصندوق النقد الدولى

اقتباس:

المشاركة الأصلية كتبت بواسطة sherifabden (المشاركة 758888)

وكلها فوائد تافهة
دا الناس مش لاقيا تاكل ولا تشرب
وثانيا ليه بقا اللي بيفكر يجيب عربية يصرف نظره عنها ؟؟
طب هيعمل ايه ؟؟
هيركب مواصلات
الاجرة هتغلى جامد وهتبقا اضعاف اضعاف علشان غلاء اسعار البنزين
يعني في الوقت الحالي يعني هيروح الشغل على رجليه ولا ايه يعني

هو بس قصده اللى هايموت هايرتاح وهايروح الجنه واهو الزحمه تخف

استغفر الله العظيم

رد: الغاااااء الدعم على البنزييين والرضوخ لصندوق النقد الدولى

اقتباس:

المشاركة الأصلية كتبت بواسطة mesho70 (المشاركة 758796)

- معلش انا مختلف معكم وشايف ان ارتفاع سعر البنزين لة عدة فوائد
1 - الزحمة هتخف
2 - الى بيفكر يشترى عربية هيتردد وممكن يصرف نظر وبرضو الزحمة هتخف
3 - انا مثلا ً العيال عندى مش هيطلبوا منى اروح مول العرب علشان يشوفوا النافورة الراقصة وبعدين نروح سيتى ستار علشان يركبوا السلالم الكهربا وشوف ان انت المسافة بين 6 اكتوبر ومدينة نصر وبرضوا الزحمة اللى احنا هنعملها هتخف

ماتقلقش من الزحمه خالص ماهو لما الفقير ربنا هايكرمه ويرتاح هو هايروح الجنه وبرضه الزحمه هاتخف ويبقى حكومتنا الجليله عملت الواجب وزياده شويه

رد: الغاااااء الدعم على البنزييين والرضوخ لصندوق النقد الدولى

ليه يا جماعه
محدش مستوعب ان البترول دا سلعه استراتيجيه
يعنى ممكن تجيب اقتصاد البلد الارض
لان ببساطه اوووى اى حاجه حضرتك بستخدمها بيدخل فيها البترول
فمعنى اننا هنشيل الدعم من على البنزين معنى كدااا ان الدنيا هتقوم ومش هتوعد
لان ببساطه بدل ما كنت بتركب المواصله بجنيه هتبقى ب 2 و 3 وانت مضطر تركب
تشرب كباية شاى كانت بتتكلف جنيه هتبقى 4 جنيه
كيلو الطماطم ابو 1.5 و2 جنيه هيبقى ب 8 و 10 جنيه
دى بس ابسط الحاجات وقيس سيادتك على كدا
لان ببساطه دلوقتى اى حاجه بقى بيدخل فيها النقل والشحن وكل الحاجات دى العامل الاساسى بتاعها هو البترول
فانت شيل الدعم براحتك لكن اللى هيشيل الليله على دماغه ويطلع عين اللى خلف ابوه هو حضرتى وحضرتك وعامة الشعب المصرى
يعنى من الاخر الناس دى نويا ترجعنا مليون سنه ورا ومش نويا تطلعنا من القمقم اللى كنا فيه
وبعدين تعالى انت وهو فى سؤال لازم تسأله لمعاليك انت وهو
ايام السرقه عينى عينك والكوسه والوساطه والنهب والسلب ( النظام اللى فات )
كنت تخش اى بنزينه تمون اى نوع انت عاوزه وعمرك ما شوفت بنزينه مافيهاش بنزين زى دلوقتى
والناس واقفه بالطوابير
اشمعنا دلوقتى ظهرت المشكله ومتقولش الفلول بتوع الحزب الوطنى واتباع احمد عز هما اللى ورا الازمه دى
لان ببساطه عندنا شركة التعاون ومصر كفايه اووووى الاتنين دول
يغرقوا مصر بنزين وسولار
مات الكلام لحين حدوث اى تطورات

رد: الغاااااء الدعم على البنزييين والرضوخ لصندوق النقد الدولى

اقتباس:

المشاركة الأصلية كتبت بواسطة محمدصلاح القاضى (المشاركة 758960)

برجاء من الجميع مشاهدة الفيديو بتركيز عالى !!!

http://www.youtube.com/watch?v=1alLGDqMdvA
سوقسوق:CHUBBY~36:سوقسوق:C HUBBY~36: