رد: يوميات سيترونتى........ الـ AX
 

ايييييييييييييييييييييييي ييييييه يا ست الكل !!!!!! غيبتك طولت قوى المره دى .... المهم بقى تكون بنتيجه كويسه.... مش هادخل فى تفاصيل موضوعك لكن احب اعقم على نقطتين
اول حاجه فى موضوع عن قطع غيار AX خصوصا واماكن بيعها هنا يا ريت تحطى لنا الحاجات اللى اشتريتيها واسعارها وعند مين بالظبط لانى كنت عامل الموضوع ه كمرجع شامل لقطع غيار ax والحمد لله كتير من الاعضاء شاركوا وياريت تفيدينا بمشاركاتك الكامله هناك .....
لأ استنى لسه ما خلصتش .... مهم قوى تعملى موضوع منفصل عن تجربتك من البدايه مع عربيتك وجميع المراحل اللى مرت عليكى ويا سلام لو يبقى مصور !!!!!! لانه برضه هايكون موضوع مهم عن ax وفى النهايه احييكى على صبرك واصرارك بعد وصولك لنقطة اليأس من العربية دى والحمد لله انك فهمتيها وعرفتى تقدريها وانا منتظر منك نتائج مبهرة وانتى كمان انتظرى ان عربيتك تدي ليكى اللى ماكونتيش تحلمى بيه
واخيرا مافيش لحد فضل على حد كلنا بنساعد ونقدم اللى نقدر عليه
دعواتى ليكى بالتوفيق

رد: يوميات سيترونتى........ الـ AX
 

اضافة جديدة لاضاءة التابلوه
شوفت كتير مواضيع عن تغيير اضاءة التابلوه
منها تلوين الورق الاصلى ومنها شراء ورق عدادات _بيقولوا عليها ليد او ليزر مش فاكر بالظبط) واخر سعر سمعته 250ج ومش متوفر لكل العربيات
انا بقى اثناء التجديد عملت حاجتين
مسحت اللون القديم الاخضر وعملت لون جديد احمر وازرق وسيبت لون شفاف (بدون تلوين) ادانى نور اصفر زى ماهو باين فى احد صفحات الموضوع
طبعا ماسكتتش لانى عايز نور ابيض ساطع زى العربيات الجديدة ومش شريط نور فى نفس الوقت زى العربيات القديمة
عرضت الفكره على الكهربائى بتاعى اتفاجئت ان فى لمبات (سفايه-ودى اللى بتركب فى الدوايه اللى وراء العدادات) لونها ابيض ليذر والمفاجأه ان اللمبات دى ماكانتش متوفرة على شكل سفايه اللى هى اصغر لمبة بدون كعب فى العربية وعدنى انه هايجيبهوملى وعند الميعاد قالى انا روحت شارع ذكى فى التوفيقية لقيت التاجر خلص الكمية اللى عنده (الى كانت نازله عينات اصلا)
المهم قالى نجيب لمبات اكبر شوية ونوصلهم بسلك(بدون دواية ونركبهم مكان السفاية) طبعا وافقت على شرط لو الشغل مش زى ما انا عايز يبقى الغى الموضوع ومافيش فلوس
المهم الراجل جاب اللمبات (3 كروت كل كارت لمبتين والكارت 15 ج) استغليتهم شوية لكن بعد النتيجه ...... مش خسارة فيهم
العدادات نورت ابيض ناصع البياض والضوء ممتاز جدا وعجبنى الشغل تمام
اديت له 55 باقى المية جنية لانه كان عاملى شغل تانى بخلاف العدادات
وعلى فكرة شغل العدادات مكلف لانه حساس شوية وعايز حرص وتظبط وتجربة كل حاجه قبل التقفيل لان ممكن الامبيرات تعلق او ماتشتغلش لاى سبب
وان شاء لما اجيب الكاميرا ابقى اصور وانزل الصور الجديدة
عرت السكة وروحت اشتريت كارت ليد ابيض بـ 7 جنية لمبتن وركبتهم بنفسى (مانا اتعلمت بقى) وراء لوحة بيان التكيييف الى فيها المروحة ووضع الهوايات اللى تحت الكاسيت دى
وانا باشتريهم بصراحة تسلل الشك الى نفسى ازاى الكارت اجيبه ب7 والكهربائى يجيبة ب15؟؟؟
لكن بعد التدقيق والتركيب والتشغيل عرفت الفرق
ابو 15 لمبه اصغر واسطوانية شويه يعنى مسح من فوق والضوء بتاعها بيفرش ابو 7 لمبه كبيرة والضوء ضعيف ومش بيفرش
يعنى فرق السعر يستاهل فعلا
ونتظروا الجديد ويوم اخر من يوميات سيتروينتى:fun_36_3_1[1]:

رد: يوميات سيترونتى........ الـ AX
 

بعد العناء مع الرادياتير (كتر الف خيره) غيرته بواحد استيراد من الوكاله فى حدود 275ج
حالته ممتازة ومواسير مدورة (واحد ماسوره) مش مبططه زى اغلب الرادياتيرات وكان فيه تيرموستات عالى 97 طبعا ماينفعش عندنا فى مصر فا ركبت اللى كنت مشغلة (68-82) والحمد لله ريحنى كتير من قلق الحرارة واللحام اللى كل شوية يضرب
وبالمناسبة بقى مكن الزجاج الخلفى تعبنى جدا
لان الباب ضيق جدا جدا والمكن فى الاول كان شغال وبعدين ابتدى يهيس لانه متركب مزنوق
والله يسامحة اللى ركبه وبعد مشاورات رسيت على تعديل المكن الاصلى( المانوال) بقطع الجزء اللى بيركب فيه الاوكرة اللى بترفع ولحام ماكينة كهرباء(بترس) بدل منها والفايدة من كده ان الزجاج هايتحرك براحته لانه مش مزنوق عشان الماكينة اتركبت فى الباب من تحت خالص فا الزجاج هايطلع وينزل بدون احتكاك اللى كان مسببة المكن القضيب اللى بيخلى الزجاج فى الطالع والنازل يحك فى الاوكرة(فتح الباب) من جوه الباب وكل مايطلع وينزل يتك فى الاوكره دى
عشان كده نصيحة لكل اللى عايز يركب زجاج كهرباء خلفى يخلى باله ان المكن يكون مرتاح فى الباب بدون اى معوقات عشان ضبطة الزجاج تكون على اصلها وكمان ماتنساش تاخد المكن القديم (المانوال) لان ممكن تحتاجه فى اى وقت زيى كده (بس للأسف انا نسيت اخده من الراجل) ولما رجعت ادور عليه ما لاقيتوش طبعا واضطريت اشترى غيرهم وجبت واحد بس
وان شاء الله لما اضبط الامور ها أواليكم بباقى التطورات
وكل سنه وانتم طيبين بمناسبة عيد الفطر :fun_36_3_1[1]:

رد: يوميات سيترونتى........ الـ AX
 

واخيرا ركبت الانذار
جبته من التوفيقية بـ 140ج وولف
وركبته بـ 50 ج عند الكهربائى بتاعى ولان عندى الشنطة لها سنتر فا شغلت زرار فتح الشنطة من الريموت برضه
ودى كانت اخر اخبار سيتروينتى

رد: يوميات سيترونتى........ الـ AX