رد: انا عاوز افهم وجهت نظر الشعب المصرى
 

متجيش تقارنلى عربية بقالها 40 سنة ماشية و تقولى الناس بتشتكى من أعطالها, العمر الافتراضى للسيارة 10 سنين يعنى دى عربية ماشية 4 أضعاف عمرها الافتراضى, و لسه بموتورها اللى نزلت بيه,
طيب هاتلى عربية واحدة من اليابانى اللى انت بتقول انو عمرها طويل عاشت 40 سنة؟
هو كان فين اليابانى أصلا وقت ال128 و ال131؟
على فكرة كان بينزل مصر, لكن 90% منها اترمى و اتفك و اتباع خردة لأنه لم يعد صالحا للاستخدام, و اللى بقى منها مجرد هيكل فقط نازلها موتور استيراد و العفشة متغيرة بالكامل.
فين بقى العمر الطويل اللى انت بتتكلم عنه؟
اذا كانت هناك سيارات عمرها طويل فهى الفيات 1300 التى ماتزال تقاتل بشرف ل50 عاما فى شوارع المحروسة, و معظمها ما تزال تحتفظ بمكوناتها الأصلية.
تويوتا قمة اليابانى و أقصى ما تفتق عنه عقل اليابانيين فى مجال السيارات أرادت ذات يوم أن تحتفل بمرور 50 عاما على انتاج أول سيارة, و حاولت أن تجد سيارة واحدة فقط من نوع "تايب ايه ايه" التى كانت تنتجها فلم تجد!!

رد: انا عاوز افهم وجهت نظر الشعب المصرى
 

دى يا جماعة قائمة بافضل السيارات مبيعا فى انجلترا لشهر يونيو 2009


للاستاذ فادى اللى بيشكك فى السيارات الالمانية , 8 سيارات من اصل 10 فى قائمة السيارت الافضل مبيعا لشهر يونيو صناعة المانية ,و دة فين فى انجلترا .
صدق اللى قال ان فاتك الالمانى مش حيرجع تانى

رد: انا عاوز افهم وجهت نظر الشعب المصرى
 

----------------------------------------

رد: انا عاوز افهم وجهت نظر الشعب المصرى
 

هو فين الألمانى فى القائمة دى؟!
الفوكسهول ماركة انجليزى, هى و اوبل شركة واحدة تابعين لجنرال موتورز, و تصنع الفوكسهول فى بريطانيا بينما تصنع الاوبل فى المانيا, و العربيتين يعتبروا أمريكانى قلبا و قالبا لأنهم يصنعون بتكنولوجيا و مكونات جنرال موتورز.
المينى تابعة لشركة ألمانية و لكنها سيارة تصنع بالكامل فى بريطانيا.
فورد ملهاش دعوة بالألمانى خالص, فورد سيارة أمريكية و ليها مصنعين فى اوروبا واحد فى المانيا و واحد فى انجلترا, العربيات اللى بتتباع فى انجلترا هى تلك المصنوعة هناك.
العربية الألمانى الوحيدة فى هذه القائمة هى الفولكس جولف, و سيارة اخرى فرنسية هى بيجو 207, و سيارة يابانية هى نيسان قاشقاى. الباقى كله سيارات انجليزية.

رد: انا عاوز افهم وجهت نظر الشعب المصرى
 

ما انا عارف ان فورد امريكية , انا مش جاهل للدرجة دى , بس كل الفورد اللى عند حضرتك دول تم تصميمها فى المانيا و تصنيعها كمان , هى سيارت المانى 100% 100
برغم ان الشركة الاصلية امريكية ,شوفت ازى

و اظن ان اوبل شركة المانى و فوكسيل ما هى الا النسخة البريطانية انما جميع المكونات و التصميمات المانية
و المينى بقيت ملك بى ام دبليو , ولولها ما وصل مينى لهذة المكانة التكنولوجية ولا حققت هذة المبيعات .

رد: انا عاوز افهم وجهت نظر الشعب المصرى
 

و عشان انا عارف انك بتحب تجادل , ادى استفتاء تانى اهة
عندك افضل سيارات ل 2009 من مؤسسة سيارة العام الاوروبية الشهيرة
بيشارك فى الاختيار صحفين و خبراء سيارات من كل اوروبا

السيارت الثلاثة الاولى المانية بالارقامة و سيارة العام هى الاوبل انسينيا

.اية رايك .

http://www.caroftheyear.org/voting-grid/2009_1/coty

رد: انا عاوز افهم وجهت نظر الشعب المصرى
 

فورد لها مصانع فى جميع انحاء العالم, من أول المانيا لحد انجلترا و البرازيل و جنوب أفريقيا و كندا.
الفورد فيستا لا تصنع البتة فى المانيا, الفورد فيستا تصنع فى البرازيل و جنوب افريقيا و الصين و المكسيك.
http://en.wikipedia.org/wiki/Ford_Fiesta
الفورد فوكاس تصنع فى روسيا و الأرجنتين و حتى وقت قريب كانت تصنع فى انجلترا, لا أعرف ان كانت لا تزال تصنع هناك أم لا.
الفورد كا تصنع تصميمها مأخوذ من الفيات باندا و تصنع فى بولندا مع الفيات 500.
مصنع فورد فى المانيا هو احدى مصانع فورد الموجودة فى كل أنحاء العالم, فمنقدرش نقول أبدا انو فورد ألمانى, و الا لكانت المرسيدس مصرى مادامت يتم تجميعها فى مصر!
أوبل و فوكسهول و هولدن الاسترالية يصنعون نفس السيارات, و لا يوجد تصميمات خاصة بأوبل, فمثلا لنأخذ الكورسا الموجودة فى القائمة :
الاوبل كورسا تقوم على شاسيه من فيات الايطالية من ايام التعاون بين فيات و جنرال موتورز, المحركات كلها من جنرال موتورز, أما محركات الديزل فمأخوذة من فيات, و هى تشترك مع فيات جراند بونتو فى الشاسيه.
http://en.wikipedia.org/wiki/Opel_Corsa
و كون فوكسهول تبيع فى انجلترا, فهذا ليس لكونها شركة ألمانية, بل لأنها اسم انجليزى محبوب هناك.
بالنسبة للجائزة اللى حضرتك اشرت اليها, و أشرت الى حيادها و قيمتها, فيات أخدتها 8 مرات, و هى بذلك أكثر الشركات حصولا عليها, و كانت أخر مرة الفيات 500 سنة 2008.
على فكرة أنا مش بكره الألمانى و لا بهاجم الألمانى, الألمانى عربيات كويسة جدا, و لكنها ليست الأفضل فى المطلق, و هى فى مصر واخدة سمعة فوق مستواها الحقيقى, فالفولكس ليست أفضل من فيات و بيجو, و المرسيدس و البى ام ليست أفضل من كاديلاك و الفاروميو.