مصر موتورز مجتمع السيارات - استلمت الكروز الحمد لله

مصر موتورز مجتمع السيارات (https://www.masrmotors.com/vb/index.php)

- كروز (https://www.masrmotors.com/vb/forumdisplay.php?f=154)

- - استلمت الكروز الحمد لله (https://www.masrmotors.com/vb/showthread.php?t=97049)

رد: استلمت الكروز الحمد لله

اقتباس:

المشاركة الأصلية كتبت بواسطة abdohtaby (المشاركة 755278)

لو سمحت مش ممكن تصور العربيه من كل مكان معلش وتقولنا انطباعك عليها ايه والمطبات عامله ايه معاك والعربيه كلها عامله ايه والف مبروووووووك:THUMBS~220::T HUMBS~220::THUMBS~220:

غالي والطلب رخيص يا باشا

ان شاء الله اصورها بكره وهأرفع الصور

بالنسبه لأنطباعي عنها
الى الان مشيت 600 كيلو

1- الشكل الخارجي ممتاز وفعلا تحس بمتانة صاج العربيه بالمقارنه مع الهيونداي والكيا
2- الشكل داخلي مريح للعين والاضاءه بتاعته ممتازه مع توزيع ممتاز لأماكن الزراير بس مفيهاش اماكن كتير تحط فيها حاجاتك (مش لاقي مكان كويس للموبيل )
العزل بتاع العربيه كويس جدا بالنسبه للفئه دي

3- سحب العربيه أوقات احس انه ممتاز وأحيانا احس انها مش راضيه تمشي
بس اعتقد السبب اني مش متعود لسه ع الفتيس الست سرعات
لأن لما بقلب ع الستيب ترونيك العربيه مشاء الله بتسحب طبعا مبدوسش لسه عليها قوي

4- بأمانه ثبات العربيه دي أكبر ميزه فيها
بجد حاجه الماني فعلا لولا بس ان الكروز اللي في مصر من مصنع كوريا مكانش حد قدر يتكلم عنها في حاجه

5- الاستهلاك : خلصت التانك في 500 كيلو

6- المطبات : محكيتش في ولا مطب الى الان (انا طريقى عباره عن مطبات بينها شوية اسفلت )
بس طبعا باخد المطب هادي ومبرزعش العربيه

7- الفرامل : انطباعي الحالي انها قويه واعتقد اي حاجه هتبقى أقوى من النوبيرا
بس لسه مختبرتهاش اختبار حقيقي

9- العفشه كويسه جدا العربيه لا ناعمه زي الالنترا ولا ناشفه زي السيراتو
ماسكه العصايا من النص
بتديك ثبات ونعومه في نفس الوقت

ملحوظه :
الكاوتش مكتوب عليه يتظبط على 39psi for eco
or 32 psi for comfort
انا مخليه على حوالي 34 psi

سؤال :
انا ازاي أفصل صوت الحزام الرخم دا من ال setting؟
هل في امكانيه اني افصل ال Airbag اللي جنب السواق ولا لأ ؟

وشكرا...

رد: استلمت الكروز الحمد لله

اقتباس:

المشاركة الأصلية كتبت بواسطة yahiaashraf (المشاركة 754714)

الف الف مبروك يا باشا
وربنا يحفظهالك يارب
وده رابط لموضوع عن كتالوج السياره
وبداخله رابط التحميل و قمت رفعه على احدى المواقع

http://www.masrmotors.com/vb/showthread.php?t=65958

و ده الرابط على طول للاختصار

http://www.herosh.com/download/96411...cruze.pdf.html

تحيااااااااتى

شكرا جزيلا أستاذ يحي

بس انا اللينك دا مش راضي يفتح معايا تماما
فلو متاح على رابط أخر أكون شاكر جدا ليك

رد: استلمت الكروز الحمد لله

اقتباس:

المشاركة الأصلية كتبت بواسطة shnobly (المشاركة 755433)

سؤال :
انا ازاي أفصل صوت الحزام الرخم دا من ال setting؟
وشكرا...

لاحظ عزيزي
لالغاء صوت جرس الحزام
انظر اسفر كرسي السائق تحت كاربت الارضية توجد فتحة داخلها فيشة كهرباء
افصلها
ويروح الصوت المنبه لارتداء الحزام!

رد: استلمت الكروز الحمد لله

اقتباس:

هل في امكانيه اني افصل ال Airbag اللي جنب السواق ولا لأ ؟

دور في الكونسول عند الكاسيت او زرار التكييف على زرار متكوب عليه passenger airbag واضغط عليه :THUMBS~220:

رد: استلمت الكروز الحمد لله

اقتباس:

المشاركة الأصلية كتبت بواسطة shnobly (المشاركة 755433)

اولا الف الف الف مليووووووووون مبروك ع العربية وربنا يباركلك فيها ويكفيك شرها يااااارب

بالسبة للحزام فمينفعش تتحكم فية من السيتينج الحل الوحيد زى ما قالك صديقى وااثق انك تفك الفيشة من تحت الكرسى ولو ان انا شايف انها ملهاش لازمة لانة بيشتغل شوية وبيفصل وكمان هتحتاجة فعلا انة يفكرك خصوصا لو مسافر وفجئت بلجنة او حاجة ..

بالنسبة للاير باج مفيش امكانية فصلها عن طريق زرار او اوبشن ... ودامك حلين ياما تفصل فيشة الحساس وبكدة هتفصل الايربجات كلها

يأما هتفك القطعة الى فى التابلون الى قصاد الراكب الامامى وتشيل منها فيشة الاير باج وانا مش بفضل انك تعمل كدة الصراحة

رد: استلمت الكروز الحمد لله

الف الف مبروك و ربنا يديك خيرها و يكفيك شرها ...

رد: استلمت الكروز الحمد لله

الف مبروك

ربنا يكفيك شرها

:Wkiss5: