مصر موتورز مجتمع السيارات - حاجة زي السحرعلاج لشروخ الزجاج بدون اثر

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - حاجة زي السحرعلاج لشروخ الزجاج بدون اثر (https://www.masrmotors.com/vb/showthread.php?t=96611)

رد: حاجة زي السحرعلاج لشروخ الزجاج بدون اثر

اقتباس:

المشاركة الأصلية كتبت بواسطة يسري أبو الخير (المشاركة 752326)

اخى الكريم سبق و قلت لحضرتك لو لك تجربة معاهم احكيلي عنها و عن شكل الشرخ اللي كان في البرابريز .. لاني شايف ان شغلهم نضيف جدا على الأقل لغاية دلوقتي و الشرخ لا يرى اطلاقا .. و الضمان سبق و رفعته منذ دقائق في المشاركة السابقة على هذة المشاركة .. و مع كل الفروع السابق ذكرها .. اعتقد ان شغلهم كويس و مفيش شكوى منهم ..

أخي الكريم.. هو الموضوع مش محتاج نقل تجربة بس على العموم أنا هاقولك.. قريب لي كان عنده دايو لانوس والزجاج الأمامي اتشرخ بطول حوالي 15 سنتيمتر، وراح للدكتور خالد وعالجهوله وضمان مدى الحياة والكلام ده، بعد حوالي شهر الشرخ رجع تاني، راح للدكتور خالد وحقنهوله تاني وبعد 10 أيام رجع تاني، راحله تاني ونفس الكلام حقنه تاني وبعد 3 شهور ظهر تاني فراح مغير الزجاج طبعا دا بعد شوية زعيق لأن قريب ده عصبي.. من الواضح إن حضرتك مش عاوز تقتنع إن الشرخ لا قدر الله ممكن يرجع تاني ومبهووووور بالشغل لأنك تقريبا أول مره تسمع عنه أو تجربه، وعلى فكرة أنا كان هدفي كله (النصح) يعني تخلي بالك من الشرخ وتتابعه علشان لا قدر الله لو حصله حاجة تروحله تاني.. وإن شاء الله ما يحصلش حاجة.. تحياتي

رد: حاجة زي السحرعلاج لشروخ الزجاج بدون اثر

طبعا الزجاج قدامي طول ما انا سايق فمش محتاج متابعة .. كل ما في الامر اني اطمنت انو مش هغير الزجاج يعني .. و على كل حال العملية بسيطة و مش مكلفه قوى .. و انشأ الله نتفائل خيرا .. تحياتي

رد: حاجة زي السحرعلاج لشروخ الزجاج بدون اثر

ملحوظة لصاحب الموضوع هناك خطأ يقع فيه الأغلبية وهو كتابة إنشاء الله وهذا خطأ

إنما تكتب إن شاء الله لذلك وجب التنبيه وجزاك الله خيراً

رد: حاجة زي السحرعلاج لشروخ الزجاج بدون اثر

ممكن تقول ايه اخبار الزجاج الان

اقتباس:

المشاركة الأصلية كتبت بواسطة يسري أبو الخير (المشاركة 751605)

عندي شرخ بزجاج السيارة الأمامي بسبب زلطة رفيعة ارتطمت به .. و تم العلاج بتحديد الخبطة عند بتاع زجاج السيارات .. لكن من شهر تقريبا بدأ يتزايد الشرخ في الأتجاه الأسفل من البرابريز .. إلى ان وصل الشرخ حوالي 10 سنتميترات خلال شهر واحد .. و قررت الذهاب لمحل لعلاج شروخ الزجاج و اصلاح كما هو مكتوب على يافطة المحل .. و عندما سألته اجابني بأمكانية العلاج مع ترك أى اثر للشرخ و مع ضمان مكتوب مدى الحياة .. للشرخ الذي تمت معالجته .. في مقابل 40 جنيه .. علما بأنه لا يمكن اصلاح الشروخ الناتجة عن التحديد بألماظة الزجاج .. المهم قلت أجرب .. و كانت النتيجة مبهرة .. اختفى الشرخ تماما .. لانه تم علاجة بطريقة وضع لاصق سائل ثم استيكر شفاف ثم تسخينه بالأشعة فوق البنفسجية ثم ازالة الاستيكر الشفاف بعد تسخينه .. و شوية حاجات عملها كده من داخل الزجاج و من الأمام .. و طبعا كان لازم اصور اثناء الأصلاح .. و اليكم الصور .. على فكرة المركز دا أسمة مركز الدكتور خالد وله عدة فروع في انحاء القاهرة و الجيزة تتجاوز 10 فروع على الأقل ..

http://www.masr1.com/?di=3ZK2

http://www.masr1.com/?di=TF7C

تحياتي للجميع

رد: حاجة زي السحرعلاج لشروخ الزجاج بدون اثر

اقتباس:

المشاركة الأصلية كتبت بواسطة mma702 (المشاركة 912205)

ممكن تقول ايه اخبار الزجاج الان

سؤال حضرتك جميل .. بعد مرور اكثر من عام كامل .. على ما اعتقد .. الزجاج حاليا زي الفل و لم يحدث به اي تغيير من وقت اصلاحه .. و لم تحدث به مشكلات الحمد لله .. علما بأني سافرت بالسيارة مرسى مطروح ذهابا و ايابا و على سرعات عاليه مع ضغط الهواء على الزجاج بالطبع اعلى من السير في الشوارع العادية و السرعات المنخفضة و لساعات عديدة متواصلة .. لكن الحمد لله الزجاج تمام و زي الفل بالفعل .. تحياتي

رد: حاجة زي السحرعلاج لشروخ الزجاج بدون اثر

طيب دة لية فرع فى الهرم او الجيزة

رد: حاجة زي السحرعلاج لشروخ الزجاج بدون اثر

اقتباس:

المشاركة الأصلية كتبت بواسطة هشام الضبع (المشاركة 977277)

طيب دة لية فرع فى الهرم او الجيزة

بالفعل لديه فرع في الهرم .. و ارقام التليفون موجودة بالضمان في المشاركات للموضوع .. تحياتي للجميع