رد: هو انا حظى وحش مع البوبينه ولا ايه؟
 

انا ثبتت الموبينة كويس جداااا فى الموتور وغير كده الموتور واخد ارضى اكيد ان ما كنش من تثبيتة فى العربية يبقى من سلك الارضى اللى واصل للمارش اعتقد يعنى وغير كده جربت انى اوصل سلك من الموتور لجسم العربية ومازالت المشكلة موجوده هل كده يبقى الموبينة باظت؟ ولا احتمال حاجة تانية

رد: هو انا حظى وحش مع البوبينه ولا ايه؟
 

طيب و اخبار الفيشة اللى داخلة على الموبينة ؟

رد: هو انا حظى وحش مع البوبينه ولا ايه؟
 

الفيشة سليمة .... انا كشفت على العربية بالكمبيوتر وتعمدت اسيبها والموترو متبرجل الراجل قالى ده كده فى شورت فى الجزء A وطلع report موجود فية الاتى ......................... ................... EST IG CIRCUIT A GND SHORT - وقالى ان المشكلة ان الموبينة اكيد صينى مع ان مفيش اللى يدل على كده وكمان لازم اما تجيب موبينة جديدة تتبرمج مع العربيةّ!! كلامة ده صح ولا ايه؟ انا نويت اجيب موبينة تانية ...اجيبها استيراد ولا اصلى ؟؟

رد: هو انا حظى وحش مع البوبينه ولا ايه؟
 

باشا اصبر عليا
لانى ضربت السطر بتاع الكود اللى انت كاتبه على جوجل طلعلى مولد عمال اقرا فيه
ممكن متطلعش موبينة و ممكن تطلع فمعلش اصبر شوية عقبال ما اخلص قراية و افهم
بس عندى سوئال
هل جربت بالموبينتين ؟
هل لمبة ال check الصفراء كانت منورة عندك اصلا ؟

مما لا شك فيه لازم لازم لو فعلا حيطلع العيب من الموبينة تبقى تجيب اصلى جديد تقريبا ب 500

رد: هو انا حظى وحش مع البوبينه ولا ايه؟
 

الموبينتين بيعملوا نفس الغلطة بنفس الشكل تقريبا ونفس التهييس اللامنطقى
لمبة الشيك نادرا ما بتنور عندى بسبب المشسكلة دى تقريبا نورت مره او اتنين من ساعة بداية المشكلة وبتنور ثوانى وتطفى لوحدها

رد: هو انا حظى وحش مع البوبينه ولا ايه؟
 

على العموم انا لسة بقرأ فاتح منتدى دايو الامريكانى و فاتح كتاب الصيانة و حايس
بس يا باشا كان المفروض تقولى ان اللمبة نورت قبل كده
على العموم انا زيى ما كنت قولتلك فى موضوع المروحة ان عامة ضفيرة الكهرباء عندك مشكوك فيها
و انا على فكرة قعدت بصيت على توصيلات الارضى عندى فى العربية على اساس انها على اصله لقيت سلوك ارضى بالهبل زيى مثلا واحد من البطارية للشاسيه و واحد عبارة عن تيرمنالز كتيييييييييير من الضقيرة اللى فى ضهر علبة الفيوزات اللى فى الماتور طالعين من الضفيرة بكابل واحد و تيرمنالز كتير و مربوطين فى الشاسيه دا غير اللى مثلا من الضفيرة اللى تبعها سلك فيشة الكومبيوتر للموبينة قبا الفيشة نفسها فى سلك طالع من الضفيرة راكب ارضى على جسم الماتور نفسه
فانا كنت فكرت ان عربيتك تتراجع على عربية ستاندرد و الاختلافات تتظبط


:Wkiss5:حكمل قراية

رد: هو انا حظى وحش مع البوبينه ولا ايه؟
 

بص يا باشا انا راجعت كتاب الصيانة لقيت العطب متوصف بالملى
فى اختبار بيقطع الشك باليقين ما بين هل مشكلة ضفيرة كهرباء و لا مشكلة موبينة
اصل كون ان نفس العيب يطلع من موبينتين فده يشككك ان العيب من حاجة تانية
على العموم اللى فهمته من جدول تتبع العطب
تفك الفيشة و تتاكد من البنوز بتاعتها من ناحية الفيشة نفسها مش لامسين بعض
قياس الفولتية فى الفيشة بين الطرف B و ال C بفولتيميتر و تدور الماتور طبعا المارش حيلفف الماتور بس مش حيدور لانك فاكك الفيشة و بتقيس فيها
و تراقب الفولتية على الفولتيميتر المفروض الفولتية تعلى و توطى بشكل متكرر من 0.2 ل 2 فولت
لو حصل كده يبقى الدايرة صح و العيب من الموبينة
لو محصلش كده يبقى العيب من الدايرة يا الكنترول

طبعا عيوب الدايرة يطول شرحها بس باختصار ان فيه تلف فى سلك من السلوك يا بنز معوج يا بايظ من سوكت الكنترول نفسه يا ارضى مش مظبوط يا راكب مش كويس او بينه و بين الشاسيه وساخة يا سلك مشعر و ملمس فى الضفيرة فالعيب بيروح و يجى

و الكلام ده له شواهد عندك ان اولا العيب نفسه فى موبينتين فده يرجح ان المشكلة خارج الموبينة و ان لما تزق الموبينة العيب بيروح فيمكن زقتها كده بتعدل حاجة فى الفيشة او ضفيرتها

على العموم خلى الكهربائى يجرب الاختبار ده قبل تغيير الموبينة

و فى فكرة تانية قبل ما تشترى موبينة جديدة
جرب واحدة استعمال عند الراجل اللى بيبيعها بس فى رايى الاختبار سهل و حيحدد