مصر موتورز مجتمع السيارات - ممكن مساعدة عشان الواحد استغفر الله العظيم ميفطرش !!!

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

رد: ممكن مساعدة عشان الواحد استغفر الله العظيم ميفطرش !!!

اقتباس:

المشاركة الأصلية كتبت بواسطة محمدصلاح القاضى (المشاركة 726858)

بص يا فندم معاليك دلوقتى بشتكى من صوت مش مظبوط فى الموتور
احب اقولك على شوية حاجات
اولا اما السيور كلها وقعت محصلش مشكله طالما ان سير الكاتينه راكب مكانه
ثانيا طنبوره الكرنك تنكسر او تفك وتقع مش مشكله فى حد ذاتها لانها راكبه لوحدها على عمود الكرنك وراكب عليها سير الدينامو والباور والتكييف
ثالثا بتركب الطنبور ازاى بتركب بخابور او صاموله
رابعا طيران او انكسار الطنبوره يرجع الى عندك منحصره فى تلف وردة المسافه الداخليه أوالخارجيه ( اللى قبل وبعد ترس الكرنك ).......أو محتاج تغيير خابور تركيب الترس على الكرنك ...
.لأن تلف أى عنصر من دول حيعملك حركه جانبيه للترس على الكرنك الى حدما .......وبالطبع حينعكس هذا على طنبورة ترس الكرنك الخارجيه فى صورة رفه نتيجة تعرض الترس لحركه جانبيه مع دوران الكرنك ممايؤدى الى تحريك الطنبوره من مكانها وتعريضها للكسر
خامسا حل المشكله
تجيب طنبورة كرنك استيراد ب 150 ج تقريبا
ترس كرنك و الوردة بتاعته ب 180 ج تقريبا
خابور او صاموله حسب اللى عندك
والاسعار كانت من فتره والله اعلم

ودا شكل قطاع عرضى للموتور بتاع العربيه

http://a7lashare.com/viewimages/19c6ad2274.jpg

ومعنى ذلك ان الكرنك مفهوش الهوا ومش محتاج يتغير

شيك على الحاجات اللى انا ذكرتها من قبل وان شاء الله تتحل

يا باشا والله شكرا لاهتمامك دة و طمنتنى والله .. انا جبت طنبورة استيراد بالخابور و الصامولة من الحرفيين و كان مكان الخابور فى ترس الكرنك نفسة متآكَل ف الخراط زوده و عمل خابور تانى للطنبورة اوسع شوية عشان يحكمها و فعلا الموضوع نجح و مشيت بيها يومين من غير اى صوت و بعدين رجع الصوت اعلى من الاول و ببص على الطنبورة لاقيتها بترف !! و تقريبا فكت .. هل ممكن لما اغير ترس الكرنك و الوردة , و طبعا هجيب طنبورة استيراد تانى عشان التانية اتلعب فيها عند الخراط , المشكلة تتحل ؟ 70 % من الناس بيقولوا مش هتتحل الا لو جبت كرنك استيراد .. و فيه ناس بتقولللى هات مكنة كاملة !!!! اجيب مكنة كاملة عشان مش عارف احكم الطنبورة كويس !!!!!!!!!!!

رد: ممكن مساعدة عشان الواحد استغفر الله العظيم ميفطرش !!!

اقتباس:

المشاركة الأصلية كتبت بواسطة mhamdy75 (المشاركة 726808)

حبيب قلبى

طالما الصوت راح ولو لربع ساعة

يبقى مش الكرنك

-----------

على مهلك بقى خالص ونشوف حد تانى

ممكن تكون بلية بتقفش

سواء بلية داخل الموتور أو بلية ترمبة ميه أو دينامو

أنا بفترض طبعا

بس الأكيد إن الكرنك لما بيرزع

الصوت بيفضل مستمر

هو راح فعلا لمدة يومين !!! هو ممكن موضوع بلية بتقفش دى :CONGRA~238: ..المشكلة ان معظمهم دلوقتى بيفتى !! مش لاقى حد عِدل والله .. ربنا يسهل و اشوف كدة ..شكرا لاهتمامك يا باشا والله :010104~171:

رد: ممكن مساعدة عشان الواحد استغفر الله العظيم ميفطرش !!!

اقتباس:

المشاركة الأصلية كتبت بواسطة ابو دهب (المشاركة 726925)

اولا الشكر لله عز وجل
ثانيا انا عاوزك تملى مكان الخابور تانى عند الخراط
وتشترى الحاجات اللى قولت عليها
بس قبل دا كله تشوف ميكانيكى ابن ناس فاهم هو هيعمل ايه ؟
بس جايز يكون سعره حراق بس هيرحمك من شرا موتور جديد
وتفهمه انك عاوز العربيه مسطره ميهموش الفلوس وان اى حاجه هتظهر بعد فتره هو اللى مسئؤل
عشان يبقى عنده خلفيه مش اكتر

رد: ممكن مساعدة عشان الواحد استغفر الله العظيم ميفطرش !!!

اقتباس:

المشاركة الأصلية كتبت بواسطة محمد السيد 78 (المشاركة 726669)

موضوعك ده مالهوش الا حلين يا تجيب كرنك استيراد يا تجيب موتور استيراد وانا افضل الحل الثانى

نفس الكلام بتاع الميكانيكى !!! يعندى هو الكرنك مش بيتصلح للدرجة دى !!

رد: ممكن مساعدة عشان الواحد استغفر الله العظيم ميفطرش !!!

الكرنك اللى هيحصل فيه انه يتزود لحام وبعد كده يبدا يظبط المجرى بتاعة الخابور ويرجعها زى ماكانت ويعمل لك خابور جديد وكل ده مش مضمون هيعيش قد ايه وكمان اللحام فى الكرنك غلط على خامته علشان كده انا افضل حل تغيير الموتور لانك حتى لوجبت كرنك استيراد هتدخل فى دوامة مقاس الركب بتاعته وهل هى نفس مقاس السبيكة اللى عندك ولا هتغير سبيكة ولو غيرت سبيكة يبقى هتدخل فى عمرة والموتور يروح لخراط . شوف امكانياتك ايه وعلى اساسها اختار الحل

رد: ممكن مساعدة عشان الواحد استغفر الله العظيم ميفطرش !!!

اقتباس:

المشاركة الأصلية كتبت بواسطة محمد السيد 78 (المشاركة 727133)

مهو عمل كدة بالظبط و بعد يومين فكت تانى !! شكرا لمرورك يا باشا والله امكنياتى متسمحش خالص انى اجيب موتور تانى ممكن اجيب كرنك استيراد بس موتور صعب جدا !! والله المستعان , شكرا لمرورك يا باشا :)

رد: ممكن مساعدة عشان الواحد استغفر الله العظيم ميفطرش !!!

امبارح و الحمد لله , رحت لخراط كبيير اوى فى الحى العاشر مدينة نصر اسمه الفـــــلاح .. الراجل تفهم الموضوع و عملى حاجة كدة , قاللى هادديك ضمان سنة على الكرنك دة ..و واثق جدا فى كلامة و مبقاش فيه صوت نهااائى بقى اهدى من الاول :w6w2005041122053268الحمد لله .. و لما نشوف ان شاء الله خير !!