|
رد: كل واحد حصلو كدا يخش
اقتباس:
ان جنبك من طنطا واللى ماشى عندنا اللادا واحب اقولكم يا جماعه مينفعش تنزل المحله ومتلاقيش عربيات من دى تبقى انت مش فى المحله ودى شويه صور للعربيه وهى عامله زى المدرعه الحربيه فى الحقيقه الصور مجملها حبتين لكن بجد تشوفها تخاف منها http://a7lashare.com/viewimages/35bd7b63e1.jpg http://a7lashare.com/viewimages/fc14ad3ae5.jpg http://a7lashare.com/viewimages/f1d73d8707.jpg http://a7lashare.com/viewimages/7190d4f5c8.jpg |
رد: كل واحد حصلو كدا يخش
انا بقي يا اساتذة اول مرة اركب عربية وامشي بيها كنت ماشي اول وتاني فرحت وقلت انا موهوب بالفطرة ...
سقت تاني مرة عربية نص نقل والدبريا ادوس عليه ولازم ارجعو تاني برجلي لانو مبيردش لوحدو ... جيت مشيت في طريق حبيت اعمل فيلسوف مشيتو مخالف وكان واضح اني بتعلم السواقة فجه واحد جمبي وحب يروشش عليا ويلخبطني بس علي مين رحت عملت فيها عم الشجاع وميلت بالطركسيون عليك جامد ... وكانت الخسائر كالاتي ...: اكصدام ورفرف النص نقل ... كمـ انا سائق كبير |
رد: كل واحد حصلو كدا يخش
بداية السواقة كانت فى عمر 13سنه وكانت على سيارة شيفورليه نص نقل خاصة بشغل بابا ومع احد السائقين رحمه الله
ولقد استفدت كثيراً من هذا الرجل اما اطرف موقف فى البداية ان بابا لم يكن يعلم انى بعرف اسوق وكنا معزومين فى يوم عند جدتى وبعد الاكل النوم كبس على الجميع وكانت فرصة واخذت العربية 132 الحبيبة ومش مسافة طويلة ولكن المهم عند العودة كان مكان العربية انشغل وظللت ابحث عن صاحب العربيية الاخرى حتى وجدت بابا امامى وتركت العربية له فى نصف الشارع وجرى على جدتى رحمها الله ونفدت من العقاب والذكريات كثيرة :CONGRA~238::CONGRA~238:: CONGRA~238::CONGRA~238::C ONGRA~238: FLASHCarFLASHCarFLASHCarF LASHCarFLASHCarFLASHCarFL ASHCar |
رد: كل واحد حصلو كدا يخش
فيييييييييييييييييييين بقيت المواقف الجميلة ...؟
انا عارف مليانين حكاوي ومواقف |
رد: كل واحد حصلو كدا يخش
موضوع رائع هههههههههههههههههههه:ROFL _C~118::ROFL_C~118: خلتوني اضحك يا ولاد الايه ياما في الجراب يا حاوي اول موقف ليا في السواقة لما اشتريت عربيتي من سنتين قبلها كنت اركب عربيات اصحابي قديمة يعني امثال 128 وخلافه اخد لفه كده علي الماشي وهبه اشتريت الانوس ولما خلصت فلوسها وركبتها اكني راكب طيارة علي الارض طبعا العربية ناعمة مش ذي القديم وكنا تاني يوم رمضان وانا كنت جريء جدا خصوصا ان دي عربيتي يعني الخسائر هتبقي عليا مش علي حد تاني واخدت العربية انا وابن عمي ورحنا نسوق في المدينة وربنا ما يوريك الزحمة الي في رمضان ودخلت شارع وركنت فيه لحد لما ابن عمي يجييب عيش من الفرن الالي لزوم السحور وهاتك يا كلاكساتFLASHCar علشان اتحرك من المكان الي انا راكن فيه ابتديت اتحرك في الشارع لحد لما لقييت ركنة فلة اوي في شارع جانبي قولت ياد خوش ده انت سواق فدخلت الشارع وما عرفتش اخرج ههههههههههههه ما عرفتش امشي العربية لورا انا عارف ان الغيار العكسي بيجي عكس الخامس ومش عايز ييجي معايا وعرقت وادبهدلت والناس تذمر وانا اعرق ومتلغبط قولت ياد ما انا اسمع انه سوسته وذي الاولاني اخد السوستة لتحت ذي ال 128 ما فيش فايده لحد لما استعنت بصاحب معرض عنده عربية قولتله يا حاج عندك عربية قالي اه يعني بتعرف تسوق قالي طبعا قولتله تعالي رجع عربيتي لورا قالي ليه قولتله انا مش عارف وجه معايه وانا عمال اتقطع من نظرات الراجل ليا وهو في باله بيقول عشنا وشوفنا وعرفني وهو بيرجع بالعربية اخد الغيار العكسي اذاي وكل ما افتكر اليوم ده اقعد اضحك علي نفسي قوي وتوتة توتة فرغت الحدوته..........هههههههه هههه |
رد: كل واحد حصلو كدا يخش
السلام عليكم أنا من زمان أوى مش فاكر من أد أيه أنى بحب اعرف كل حاجة عن السيارات أيه السبب الله أعلم وكان لما ولدى يجيب عربية من عربيات الشغل ويروح يعمل ليها صيانة بالتوكيل لازم أكون معه وطلع القطط الفطنسة بالسيارة والشغل اللى متعملش كويس عرفت منين ايه اللى فهمنى أنا ديه كده غلط وان دية كده ركبة صح الله أعلم وأقعد أسالة عن كل حاجة بالسيارة ده اية وده اسمه اية وده وظيفته أيه وخلى ابوى يسبق أى سيارة على الطريق بسم الله ما شاء الله سجله فى المرور مخالفات سرعة والعربيات بتاعت الشغل اللى كان دايما يجبه زمان كان 128 بعديها سوزكى سويفت بعديها مرسيدس زلموكة - مرسيدس شبح- شيروكى مرسيدس عيون - وكل لما يجيب عربية من بتوع الشغل أقوله علمنى يقولى لا ديه عربيات ناس لما تكبر ونجيب عربية أبقى علمك السواقة المهم مرت السنين وكبرت ومجبنش عربية قولتله عايز أتعلم السواقة رفض ومكنش عايزنى اتعلم السواقة المهم أنا علشان اتعلم السواقة روحت أشتغلت مع وأحد صاحبى فى جراج بتاع والده قولت علشان أتعلم السواقة وعرفته قالى أهم حاجة العربية ميحصلهش حاجة وكانت بداية تعليمى القيادة على سيارة شيفرولية جامبو شاسية طويل 8000 بصندوق مقفول يدوب كنت أركنها بعد كده أروح مشواير مع أصاحبى بالعربيات النقل بتاعتهم وميكروباصات وجات الفرصة مرة وكان فى رأس تريلة ركنت فى الجراج والمفاتيح معايا وكنت عايز أجرب بس لقيتها معقده شوية قولت بلاش والحمد لله طلعت الرخصة خاصة والحمد لله بعد أربع سنين أشتريت عربية لادا 2106 والحمد لله بسوق كويس ولسه خابط من كام يوم فى عربية 127 وقفة على جنب بجرى على التالت وفوجئت بسائق تاكسى فى وشى فهديت وبعدى من جانبة لقيته مرة وحدة وقف فكدة الحتة ديه مش هتجبنى وبسرعة بحاول أفدى التاكسى الحمد لله فديته لقيت نفسى رايح على العربية 127 وهخش فيه بفديها هاى كمان لقيت الدركسيون يرفض الأستجابة لأيدى بسبب عضة فى الدركسيون الحمد لله خربوشين فى الرفرف اليمين قدام بطول 10 سنتيمتر والأكصدام النيكل بتاع العربية الأصلى بقى فى نغز صغير مضيقنى مع أنه بحالة الفبريكة بس مضيقنى والحمد لله على كل شئ |
رد: كل واحد حصلو كدا يخش
:14FEAD~151: قصة حلوة
|
| الساعة الآن 02:06 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017