رد: محتار قوي بين الثلاثة ......الشارك والكروز والسيراتو ايه رأيكم
 

رد: محتار قوي بين الثلاثة ......الشارك والكروز والسيراتو ايه رأيكم
 

رد: محتار قوي بين الثلاثة ......الشارك والكروز والسيراتو ايه رأيكم
 

انا شايف انك تبص على البومة ومش هتندم والله عربية ممتازة بس لو كان لازم واحدة من التلاتة يبقى الشارك بس قطع غيارها غالية حبتين

رد: محتار قوي بين الثلاثة ......الشارك والكروز والسيراتو ايه رأيكم
 

العفو معني معملتش حاجة :)

عشان متعبش نفسك هجبلك الخلاصة وانا شايف ان ده الأصح والانسب ليك مع احترامي للجميع

ابعد عن السيراتو حتى لو كانت هاي لاين او كوبيه او اي فئة وده كلهم زي بعض الفرق بس في الكماليات لأني برضو ركبت الكوبيه بتاعة واحد صحبي وهوا بعظمة لسانة قلي ثباتها مش حلو وهزة الدريكسيون برضو

وده لسبب الاعظم

(( ان اهم حاجة تجيب عربية نسبة الامان فيها اعلى والثبات والاتزان سواء في السرعة او البطئ وللأسف شوارع بلدنا كلها متكسرة مفيش شارع فيكي يا مصر محترم فمتدفعش فلوس على شكل من الخارج والاهم اللي هوا الامان تنساه ده من وجه نظري واحترامي للجميع )

لو عاوز تمسك العصاية من النص اشتري لانسر بومة اعلى فئة زي اللي مع اخويا
كويسة وشكلها حلو وثبات ممتاز بس مش احسن من الشارك وبتجري وفي نفس الوقت قطع غيارها معقولة


اما لو مقدمكش حل غير التالته اشتري الشارك مفيش مشاكل حتى لو اقل فئة وانسى السيراتو

وربنا يوفقك يا باشا وتشتري الأنسب

وشكرا :)

رد: محتار قوي بين الثلاثة ......الشارك والكروز والسيراتو ايه رأيكم
 

بص أنا كمان محتار بس نصيحة ما تدورش كتير لأنك هتتعب و برضه مش هتعرف تقرر إختار حاجة و توكل على الله كلهم حلوين و ابعد عن الهيونداي
بمعنى إبعد عن الكوري طالما معاك تجي يا باني

رد: محتار قوي بين الثلاثة ......الشارك والكروز والسيراتو ايه رأيكم
 

بص ياباشا من الاخر هتجيب الكروز اللي هيا بتحك في المطبات ووزنها تقيل ولا تجيب الشارك اللي هيا ملهاش قطع غيار بره التوكيل دا غير ان سعرها غالي اصلا هيا والكروز ولا تجيب السيراتو ؟؟ .. السيراتو عربية حلوة ومتصدقش اي حد يقولك انها وحشة اولا العفشة مش ناشفة ولا حاجة الا مع الجنط 17 انما السيراتو بطلت تنزل بالجنط 17 وبقت بتنزل بالجنط 16 في اعلى فئة وكمان بطلت تنزل بالبصمة اللي هيا السبب في السرقة الكتيرة ليها وبخصوص الرجة اللي في الطارة بصراحة انا عمري ما سمعت عن الموضوع دا انا سقت سيراتو كتير ومفيش اي رجة ولا اى حاجة وبخصوص موضوع الثبات العربية ثابتة جدا لحد 180 ودا عن تجربة شخصية ليا وثانيا العربية قطع غيارها منتشرة وواسعة جدا من جوه وشكلها جميل من بره وجوه وسعرها رخيص بالمقارنة بكماليتها واتحدك تلاقي عربية سعرها 135 وفيها نفس امكانيات السيراتو ولو عايز تتاكد انزل اسال اي حد معاه سيراتو في الشارع وقوله العربية حلوة ولا وحشة وشوف هيقولك ايه .. وعموما استخير ربنا اولا واخيرا ... ومبروك مقدما ...

رد: محتار قوي بين الثلاثة ......الشارك والكروز والسيراتو ايه رأيكم
 

باشا توكل على الله فى الكروز و متصدقش اللى يقولك العربية واطية اوى كدة و ان انت طول ما انت ماشى هتحك مشش للدرجة دية .العربية فعلا اوطى من السيراتو بس مش للدرجة اللى الناس بتوصفها...انا ركبت السيراتو و الكروز ...السيراتو اوبشنات كتير و الى حد ما قعدتها اريح من الكروز..بس ثباتها اقل من الكروز و قطع غيارها اغلى من الكروز...و بالنسبة للشارك انا مجربتهاش...