مصر موتورز مجتمع السيارات - الفريق احمد شفيق رئيسا لمصر

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

- - الفريق احمد شفيق رئيسا لمصر (https://www.masrmotors.com/vb/showthread.php?t=89319)

رد: الفريق احمد شفيق رئيسا لمصر

اقتباس:

المشاركة الأصلية كتبت بواسطة AbOnOrA (المشاركة 692447)

بالمناسبة يا دكتور باعتبارك من القلائل المحترمين اللى بيايدو شفيق ولمحاولتك لعرض رائك بلباس المنطق

وبمناسبة الوسامة والسحر والاقناع ياريت تشرحلى وتشرح لملايين المصريين الطلاسم اللى فى الفيديو ده

http://www.youtube.com/watch?v=7-ME1ojk9OY

:w6w2005041122053268 ههههههههههه

حلوة بس طبعاً واضح أن الصورة مقطعة ومجمعة بهذه الطريقة وده واضح من شريط الأخبار اللى تحت
لأنه بيتغير مع نقل الكادر.

رد: الفريق احمد شفيق رئيسا لمصر

اقتباس:

المشاركة الأصلية كتبت بواسطة كيا سيفيا (المشاركة 692437)

يعنى ايه تنتخب مرسى :
مرسى يعنى وزارتك حايبقى بيديرها البلتاجى والعريان وبركة وصفوت حجازى وصبحى صالح والزمر وعبدالماجد ..
مرسى يعنى امك ماكانتش لابسة حجاب انما انتى حاتلبسى النقاب انتى والبت بنتك ام اربع سنين دى..
مرسى يعنى لا فيه سياحة ولا اقتصاد ولا أكل عيش ولا نيلة..
مرسى يعنى تتعلقى من حواجبك بسبب شغلتك وتبطليها خالص وتقعدى تكتبى مذكراتك اللى حاتتقطّع قبل ما توصل للمطبعة..
مرسى يعنى مفيش فن ولا إبداع ولا نيلة..
مرسى يعنى انشقاق فى الداخلية والحربية والأجهزة الأمنية وتصفية حسابات..
مرسى يعنى الأزهر باظ والقضاء اتدبح تاني..
مرسى يعنى ميليشيات بتتسلح فى الخفاء وبتستقوى تحسبا لأى انقلابات والا محاولات إقصاء والا غيره..
مرسى يعنى تتحولى لطائر ذى خلفية زعنفية الشكل..
مرسى يعنى قناة الناس تبقى هى مصدر أخبارك وفنك وإعلامك وبرامجك وتوك شوهاتك وكله.. خلاصة القول انتخبوا مرسى والشعب كله حايتطاهر مش الإناث بس..
مرسى يعنى رفع المشانق فى الميادين العامه لمن يحاول ان يختلف كما فعل الخومينى فى ايران.
مش بتقولوا عليه الاستبن؟؟.. دانتوا حاتتنفخوا هوا الاربع عجلات مع بعض..( بديع والشاطر ومرسى والتكفير)
اللى ينتخب الإخوان يبقى باع البلد للخلافة..
ماترجعوش تعيطوا بقى..

أعتقد انك قاسى بعض الشىء على الإخوان وهم ليسوا بهذه الصورة على الأعم الأغلب ولى منهم أصدقاء فى غاية الدماثة ورجاحة العقل والتفكير وأعتز بهم جدا لكن الخلاف الفكرى شىء والتآخى فى الله والوطن شىء آخر
كأى جماعة فى العالم هناك الجيد والردىء فى الفكر والأشخاص والتوجه وجماعة الأخوان فى مجملها جيدة

رد: الفريق احمد شفيق رئيسا لمصر

اقتباس:

المشاركة الأصلية كتبت بواسطة AbOnOrA (المشاركة 692440)

يا دكتور تامر ، بما انك عرضت الموضوع من وجهه نظر شخصية وبناء على رؤية خاصة جداً

اسمحلى اقولك ان انا اتعلمت الهندسة عملاً وتطبيقاً على يد عقيد مهندس قوات مسلحة
وعلى المستوى الشخصى عم وجد ابناء المؤسسة العسكرية (القوات المسلحة)

لكن لو العقيد اسماعيل الله يرحمة او جدى رجعو للدنيا تانى واترشحو للرئاسة مش هنتخبهم ابداً
ونفس الكلام على عمى برضو لان جه الوقت ان كرسى الرئاسة ميبقاش حكر على فئه واحدة من المجتمع ولازم يبقى استحقاق لكل مواطن مصرى شريف ايا كان انتمائه وعملة طالما هو مواطن مصرى شريف

فده اولاً

وثانياً اغلب المنتمين للمؤسسة العسكرية بيفتقدو الكثير من مقومات العمل السياسى واحيانا الادارى كمان
ولو عايز تفهم قصدى شوف اللى بيخرج من العسكرية ويشتغل فى القطاع الخاص .. مش فى الحكومة

فالعسكرى لا يفهم معنى النقاش والحوار والمشاركة فحياتة كلها اما اوامر يجب على من يرأسهم طاعتها او اوامر برضو بس هو اللى عليه تنفيذها امام مرؤسيه

العسكرى لا يفهم قيمة الفرد ومدى تاثيره واهميته وينظر للكليات والعموميات بل والشكليات احيانا

والشاهد ان حرب 73 تفوقنا فيها بالابداع وبمساهمات فردية قيمة جداً زى بداية من فكرة تعيين الشاذلى وهو اقل من المطلوب شكلاً للمنصب الى استخدام فكرة المهندس الصغير (سناً) فى هدم الحائط الترابى

والنتيجة ان مجهود ده وده ضاع بسبب عقلية (عسكرى) اخر اضحك عليه بالثغرة وخاف من تهديدات امريكا ومضى معاهدة سلام

يعنى والكلام كتير عن مصايب العسكر والواقع شاهد على ما وصلنا اليه فى 60 فترة حكمهم

بس خلينا فى شفيق وخد بالك انا مقولتش ولا هقولك انه عليه قضايا فساد وانه مسئول سياساً (على الاقل) عن موقعة الجمل ولا ان لى اصحاب فى مصر للطيران برضو ومش بيشكرو فيه ولا حاجة بالعكس

لكن انا عايز نتكلم بالمنطق بتاعك

انا عايزك تجيبلى القلعة جمب البحر فى سطر واحد منطقى

يعنى مثلاً

والدى كان رجل عسكرى ناجح
كل الرجال العسكريين ناجحين
شفيق رجل عسكرى
اذن شفيق رجل عسكرى ناجح

طبعاً ده تطبيق برجماتى للمنطق بتاعك لكنه غير صحيح

والا كنا شوفنا الشاذلى وغيرة من ابطال اكتوبر اخدو حقهم فى البلد دى
والا كنا شوفنا الرائد شومان وظباط 8 ابريل محل تقدير واحترام على الاقل مش محابيس ومساجين ومتهمين بافظع الاتهامات

للاسف منطق عليل وحجج واهيه

والافضل اننا نبطل نحط اكلاشيهات على الناس ايشى ده اسلامى وايشى ده عسكرى
الراجل مرشح للرئاسة يبقى يقدم برامج وسياسات
افعال وليس اقوال زى ما بتقول حملتة

لكن مش شايفين غير كلام وتخاريف اسمحلى كمان او شتايم فى الاخوان

نفسى اشوف حد بيقول انا هنتخب فلان علشان برنامجه هيعمل للبلد كذا ولا كذا
الا كل واحد يا بينتخب شفيق علشان بيكره الاخوان
يا بينتخب الاخوان علشان بيكره العسكر

انا على فكره لا مع ده ولا ده ولا هبقى مع حد الا على هدف وبرنامج ورؤى واضحة وقابلة للتطبيق

شكرا لك اخى أبو نورا العزيز
الموضوع كما وضحت فى بدايته قديم وأعدت طرحه إعلانا لتأييدى لشفيق
عندما كتبت الموضوع وقتها كان نابعا من حب شخصى لهذا الرجل ولذا كان أدبيا من العاطفة ولم يكن به آليات المنطقة والفلسفة ولم يعمد إلى التشريح والتحليل والتطبيق النظرى
لذا أعترض على عبارتك(للاسف منطق عليل وحجج واهيه )
أنا لم أسق حجج ولم أكتب بصيغة الترغيب أو الدعاية ولكن كما ذكرت سالفا هو تعبير وجدانى عن شخص تراه بالقلب والعاطفة وليس بالمنطق والنظريات وعند إعادة الطرح كان بعد القاعدة (إستفت قلبك)

رد: الفريق احمد شفيق رئيسا لمصر

من تصريحات المرشد العام السابق لجماعة الاخوان:

اذا ولينا الحكم فلن نتخلى عنه
http://img.christian-dogma.com/image...1f134a3408.jpg

رد: الفريق احمد شفيق رئيسا لمصر

اقتباس:

كان نابعا من حب شخصى لهذا الرجل ولذا كان أدبيا من العاطفة ولم يكن به آليات المنطقة والفلسفة ولم يعمد إلى التشريح والتحليل والتطبيق النظرى

ده كلام واضح وسليم وكلامك ده يؤكد اللى قولته ان الكلام مش منطقى هو مجرد اعجاب شخصى وحالة خاصة زى ما قولت انا وقولت حضرتك

لكن لما تقول على شفيق قيمة
ونعتز بناجحها

اقتباس:

وهكذا حال البعض لهدم أية قيمة نعتز بها وبنجاحها

ده كده مش كلام نابع عن حب شخصى
ديه احكام وتقارير من حضرتك فى حقه بدون اسباب منطقية او شواهد مفهومة او ادله مهضومة :)

اللى يقول على حد ناجح لازم يكون بأمراه
بمقاييس
وقياس لاداءت متعددة وبناء على معايير تقول على اساسها ده ناجح وده فاشل

اقتباس:

لذا أعترض على عبارتك(للاسف منطق عليل وحجج واهيه )

من حقك طبعاً تعترض عليها وان كنت بررتها
بالمناسبة هى مبرره ولا مش مبرره ؟؟؟

الشاهد ان مينفعش علشان بحب واحد اقول انه ناجح وقيمة وانقل شهادات مرسله على ذلك

وعموماً برضو من حقك تعرض بس احنا كمان من حقنا نعترض على ما جاء فى كلامك من تعريض

اقتباس:

خاصة والرجل يهاجم من فئة قد تكون موتورة أو خائفة من توليه لمنصب أو لأغراض شخصية خفية

طبعاً مينفعش اشرح يعنى ايه تعريض لاديب المنتدى

كامل تقديرى واحترامى ليك يا دكتور :GROWIN~12: