|
رد: حادثه في جهاز الاشعه بدار الفؤاد .. بين الاهمال و الفساد
الحمد لله على سلامة والدتك.
بس أنا عندي تعليق بسيط على الموضوع. ازاي يعني العملة تجرح راس الوالدة.؟ ليه هي مسنونة؟ وبعدين ازاي طلعت العملة من جيبها هيا نايمة...؟؟؟؟ سحر؟جن؟عفاريت.؟ وبعدين الراجل كدب عليك علشان هو مش عايز مصايب. بس هتعمل ايه في مصر؟ محدش بيشتغل بضمير. |
رد: حادثه في جهاز الاشعه بدار الفؤاد .. بين الاهمال و الفساد
نقول برضو حمد لله علي السلامة
و احنا معاك في اي حاجة تحتاجها.. و يا ريت تجيبلي اسم اخصائي الأشعة اللي كان موجود وقتها..و انا هحاول اعمل كام اتصال |
رد: حادثه في جهاز الاشعه بدار الفؤاد .. بين الاهمال و الفساد
يا سامح باشا احنا كلنا قلوبنا معاك
يا ريت اول ما يكون ممكن تبقى ترد علينا ولو بكلمة قصيرة علشان نطمئن على الوالدة ربنا يقومها بالسلامة ويكتب لها تمتم الشفا |
رد: حادثه في جهاز الاشعه بدار الفؤاد .. بين الاهمال و الفساد
اقتباس:
مفيش نظام محدد للعمل ولا قوانين من خبرة العمل فى مستشفيات وزارة الصحة لمدة 10سنوات الاهمال وضياع الحقوق لان العملية ماشية بالبركة زى كل حاجة فى مصر00ده صاحبى وده حبيبى وده له واسطهوده انا خايف منه يبقى اهتم واديله عينيا 00الصحة وعلى الرغم من خطورة معاملاتها الا انها مثل باقى الجهاز الحكومى ولا تغليق وبعدين قوة سلاح ايه ؟ الدكاترة بتنضرب وتتشتم فى المستشفيات بالاب والام وأقذع الالفاظ وما من قانون يحميهم مشفتش دكاترة انضربوا من الناس بحق او بدون حق ! الدكتور ده اغلب واحد فى منظومة الصحة واللى بيأجل فى كتابة التقرير لانه مش عارف يكتب ايه او مستنى اوامر عليا ليروح ورا الشمس! ومن ناحيه اخرى الدكتور وكل من يعمل فى الصحة تربى على مفاهيم الفوضى واللامبالاة والاهمال والعشوائية مثله مثل الجميع لانها ثقافة مجتمع |
رد: حادثه في جهاز الاشعه بدار الفؤاد .. بين الاهمال و الفساد
الله يسلمك يا دكتور عيشو ..
وشكرا على توضيحك لنظام العمل بالاشعه .. وفعلا .. الموضوع مش موضوع اجور متدنيه خصوصا ان مستشفى زي دار الفؤاد مينطبقس عليها الوضع ده .. امال المستشفيات العامه تبقى ايه ؟؟ هي المشكله اهمال و فتور ضمير ... و الاكبر من كده .. محاوله توريه الخطاء بخطاء أكبر بسبب ضعف النفوس ... اللي فهمته يا استاذ دمياطي ان قوه المغناطيس بتشد اي قطعه معدنيه صغيره بقوه جاذبيه شديده ... طلقه الرصاص الساكنه لا تصيب ... لكن سرعتها الشديده تجعلها قاتله وده اللي ممكن يكون حصل مع العمله المعدنيه .. خصوصا لو كانت موجهه على سيفها ... كأنها سكينه ... ده بأفتراض ان الاصابه سببها قطعه معدنيه مش خلل بالجهاز ... اللي انا مستغرب له ان الممرضه تقول كده .. يعني في مسلسل الاهمال و الكدب هي دي اللي جايه تقول الحقيقه بمنتهى البراءه و السذاجه !!!! الحمد لله انها كانت اصابه سطحيه ... بغض النظر ايه اللي سببها للأسف يا دكتور رفاعي مسجلتش الا اسم المدير الطبي المناوب .. انا جبت اسم اكبر واحد كان موجود ساعتها ... و هو بقى يكر اي حد بعده الف شكر على اهتمامك يا استاذ محمد شهاب ... الحمد لله على كل شيء .. الاصابه جت سطحيه .. اينعم النهارده السكر طلع 400 و الضغط 190 على 110 .. بسبب القلق و الضيق و حرقه الدم ... لكن الحمد لله انها جت على اد كده ... قدر و لطف |
رد: حادثه في جهاز الاشعه بدار الفؤاد .. بين الاهمال و الفساد
خرجت من المستشفى متوجها الي قسم الشرطه ... و لكن اي قسم .. هل هي تابعه للشيخ زايد ... ام ل 6 أكتوبر .. اتصلت بظابط صديق ... اعطاني رقم النجده ل 6 اكتوبر لأسألهم <?xml:namespace prefix = o ns = "urn:schemas-microsoft-com<img src=" /><o:p></o:p> اتصلت بالنجده ورد علي صوت ريفي لا يعلم شيئا و بعد محاولات مضنيه .. اخبرني ان دار الفؤاد بعد ميدان جهينه !!!!! <o:p></o:p> واخيرا سأل شخص بجانبه و سمعته يخبره انها تابعه لأكتوبر ..<o:p></o:p> توجهت لقسم اول 6 أكتوبر بالحي السابع .. وفي الطريق اتصلت بالأبن الاكبر لخالتي الكبرى (رحمها الله ) فقال لي ان والدي اخبره بما حدث وانه يعرف صاحب مركز اشعه مشهور و سيتصل به لمعرفه ما يجب عمله ...<o:p></o:p> كما اتصلت بصديق لينصحني بما يجب ان اذكره في المحضر .. وان ارفق بالمحضر اي اوراق رسميه من المستشفى .. فتوقفت لتصوير ايصال الكشف و الاشعه <o:p></o:p> ووصلت القسم <o:p></o:p> وكلما مررت بشخص يسألني حضرتك عايز ايه .. ابلغه .. فيشاور لي ان اتقدم ... احسست انني ذاهب لمكان امني حصين و لا يصح ان اتقدم الا اذا كان عندي سبب مقنع ... عايز اعمل محضر <o:p></o:p> على باب القسم قام صول (من بتوع زمان .. شنب و هيبه ) بسؤالي و اشار الي بالصعود الي الدور الاول حيث وحده المباحث .. دخلت المبنى ووجدت كونتر كبير امامي و سلم على اليسار فصعدت و وجدت قاطوع خشبي به باب و شباك .. اطللت من الشباك ووجدت شخص جالس فأخبرته ... عايز اعمل محضر ...<o:p></o:p> فخرج من الباب و قادني الي الاسفل !!!!!<o:p></o:p> اشار الي الكونتر الكبير ... فتوجهت للظابط ... ملازم بدبورتين ... سألني ايه الحكايه .. قصصت المختصر ... <o:p></o:p> قال استريح شويه ونعمل لك المحضر .. و اشار الي مكان للجلوس ... وجدت الناس تجلس منتظره ... و لا يوجد مكان فوقفت منتظرا ..<o:p></o:p> محضر حادثه ...<o:p></o:p> محضر سرقه ...<o:p></o:p> اتصلت بوالدي ... اخبرني بأن احد المسئولين بالمستشفى اتصل به بناء على اتصال ابن خالتي و قدم بالغ اعتذاره و اسفه و وعد باجراء كافه التحاليل و الكشوف اللازمه للإطئنان على صحه الوالده ... كما قام مدير اداري بالاتصال بوالدتي وقدم بالغ اسفه و اعتذاره .. وانه الان يوجد معها طاقم من اطباء المستشفى يجرون الفحوصات الطبيه العامه ....<o:p></o:p> اتصلت بصديق بالداخليه فأعطاني اسم ظابط بالاسم .. سألت عنه ولم اجده بالقسم وطلبوني لكتابه المحضر ....<o:p></o:p> طبعا بيسمعو القصه و يسألو سؤالين تلاته و يقعدوا يكتبو المحضر ... <o:p></o:p> سألني تتهم مين ... قلت له المدير الطبير المناوب (وذكرت اسمه ) واتهمه بالاهمال الذي تسبب في اصابه والدتي ...<o:p></o:p> قالو انهم سيرسلون معي امينا من القسم لأخذ اقوال والدتي ...<o:p></o:p> اتصلت بوالدي لأخبره فقال لي انهم في طريقهم الي البيت لأن والدتي تريد الراحه ....<o:p></o:p> ابللغتهم بالقسم فقالو انها اذا لم تكن تستطيع الحضور للادلاء باقوالها فيمكنها الراحه والحضور خلال يومين لاخذ اقوالها و استكمال الاجراءات لتحويلها للكشف و كتابه تقرير بالاصابه ..<o:p></o:p> ووقعت على المحضر و اخذت رقمه على ان احضر والدتي لاحقا لاستكمال الاجراءات<o:p></o:p> <o:p></o:p> وتوجهت لمنزل والدي ...<o:p></o:p> <o:p></o:p> وللحديث بقيه<o:p></o:p> <o:p></o:p> |
رد: حادثه في جهاز الاشعه بدار الفؤاد .. بين الاهمال و الفساد
بالنسبة لنظام العمل في قسم الأشعة (جهاز الرنين بوجه خاص)
طلب الأشعة بيروح القسم الممرضة بتنده علي المريض و تدخله غرفة الفحص و تنيمه حسب نوع الفحص المطلوب الفني بيدخل يظبط وضع المريض و يركب الكويل اللي هيلقط الصورة المطلوبة بينبه علي المريض عدم الحركة طوال فترة الفحص (من 10 دقايق لحد ساعة حسب الفحص) علشان اي حركة بتبوظ الصورة الفني بيبدا يشغل الجهاز و يصور الفحص بيخلص و الممرضة بتخرج المريض الأستراحة الفني بيطبع الصور و يسلمها للطبيب الأخصائي اللي بيقول كده خلاص المريض يمشي ولا لأ دا الطبيعي في الفحوصات العادية احيانا في بعض المرضي بتظهر حاجات غريبة..سواء مرض او وضعية غريبة او اثار عملية قديمة وقتها الفني بيحتار و بيطلب مساعدة الطبيب علشان يحدد هيكمل الفحص عادي ولا هيزود اوضاع تانية او هيحقن صبغة يعني في الموجز الطبيب مش بيروح غرفة الرنين الا مرة او مرتين كل اسبوع في الزنقات بس كون الجهاز صوته عالي فا دا طبيعي (الرنين المقفول صوته اعلي كتير من الرنين المفتوح) بس الأتنين عاليين اللي فهمته من كلامك ان الوالدة كانت بتعمل الرنين علي الفقرات القطنية يعني مفيش كويل حوالين الرأس بس يمكن دي اول مرة ليها تعمل الرنين في جهاز مقفول و اتخضت من صوت الرنين العالي لما طلبت الممرضة دخلت بسرعة علشان توقف الجهاز..لو كان في جيبها اي حاجة معدن (مش لازم عملة) ممكن جدا تنجذب بقوة ناحية الجهاز (خاصة لو الجيب مقطوع) و اي حاجة مندفعة بسرعة ممكن تجرح حتي لو مش حادة دا مجرد تخيل و الله اعلم الحقيقة فين يا ريت نفضل علي اتصال و تطمنا يا سامح علي الوالدة |
| الساعة الآن 10:54 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017