|
رد: باركولى أخيرا تملكت العربية بحكم محكمة
اقتباس:
الحكاية ان سنه 2005 و2006 كان فى معرض وشركة كبيرة لعرض وبيع السيارات (الفرسان) وكان كل اسبوع اعلان ضهر جورنال بحالة عن الموديلات وضرب الاسعار وحركة البيع والتسهيلات والجوايز. وكان عارض الشيرى ومتوبيشى ورينوه وموديلات اخرى. المهم انا روحت المعرض واتفرجت على العربية ودورتها وسمعت صوتها وعجبتنى وقررت اشتريها. وفعلا سحبت الفلوس من البنك وروحت قالى مدير المعرض اخو صاحب المعرض تدفع دلوقت وتستلم بعد اسبوع علشان نجيبلك اللون اللى انت عايزه قولتله لا معلش انا ح اديك فلوس آخد عربية او اخد فلوسى وامشى واجيلك الاسبوع اللى جاى (على امل اخلع يعنى) لما سمع كلمة فلوس قالى تعالى اتفرج على الالوان اللى عندنا يمكن تعجبك حاجة(يعنى ح تشترى ح تشترى) وأخدونى على يارد واسع ف المعادى مليان عربيات شاورت على واحدة وقولت عايز دى وطلعوهالى برة ع الرصيف وهات فلوس يابية نجيبلك صابون ..وماله.. كانت لسة بشمعها.. يللا بينا بقى على فوق نكمل الاجرآت.. لا.. أسمع صوتها الاول واتمم على الاستبن والعده ومفتاح العجل والذى منه كل ده وشنطة الفلوس ف ايدى وباتلكك عايز امشى والراجل ابدا مش عايز يسيبنى!!! وطلعنا فوق وقعد يعد الفلوس عملى محضر استلام سيارة وقالى أسبوعين وح نبعتلك علشان ترخص لما ييجى الافراج الجمركى قولتلو ادينى ايصال بالمبلغ المدفوع.. ماهو معاك يابية محضر استلام سيارة.. قولتله بس انا عايز وصل انت مش اخدت فلوس ادينى وصل(خلو بالكو من الحتة بتاعة الوصل دية القاضى بص لها باهتمام) وأخدت الايصال والسيارة وروحت ع البيت سعيد بالعربية. وعدى الاسبوعين وسألت .. معلش ياباشا اصلنا بنجمع كذا عربية مع بعض مش معقول ح نعمل عربية عربية . ومن قلة خبرتى وما لقتش حد يقولى ويفهمنى صدقت الكلام دة. اسبوعين كمان وقفل المعارض وأخد فلوس الناس وهرب وما وردش الفلوس للتوكيلات اللى عندهم الافراجات فعلا. وبقيت انا و اكتر من 600 عربية زى اللى رقصوا على السلم معانا عربيات ومش عارفين نمشى بيها من غير نمر. الى ان امر السيد النائب العام لآصحاب هذه السيارات بالترخيص لمدة سنة أو لحين انتهاء النزاع القضائى. والحمد لله انتهى النزاع القضائى لصالحى بعد خمس سنين. أسف طولت عليكم لكن حبيت احكى الحكاية من الاول علشان اخوانى اللى بيشتروا عربيات جديدة مستوردة من المعارض تستفيد من هذه التجربة. |
رد: باركولى أخيرا تملكت العربية بحكم محكمة
ااااااااااالف مليييييييييييييييون مبروووووووووووك
وفعلا الناس معدش عندها ضمير الحمد لله ان الموضوع عدي علي خير وليا سؤال هو مش ممكن حضرتك ترفع عليه قضية تطلب تعويض ادبي عن وجع القلب اللي انت كنت فيه واهو تقرفهم شوية ومبروك مرة تانية:Wkiss5::Wkiss5::Wki ss5: |
رد: باركولى أخيرا تملكت العربية بحكم محكمة
اقتباس:
والعجيب ان الحكومة والسلطات والجوازات أكدو عدم خروجه من مصر بجواز او اى وثيقة سفر!!!. آل يعنى مش ح يعرف يخلع؟؟؟؟ |
رد: باركولى أخيرا تملكت العربية بحكم محكمة
هو ممكن يكون سافر ليبيا او فلسطين ومن هناك علي اي بلد ، انا ممكن اسفرك من غير جواز سفر اوي اي اثبات شخصية الموضوع سهل
وممكن يكون في مصر ، بس عندنا الشرطة انت فاهم طبعا تحرياتهم عاملة ازاي هههههههههه بس هيروح فين من ربنا والحمد لله ان العربية اتسجلت ، انا مقدر فعلا حرقة الدم وتعب الاعصاب لمدة كذا سنة فعلا ربنا يعينك:Wkiss5::Wkiss5::Wki ss5: |
رد: باركولى أخيرا تملكت العربية بحكم محكمة
اقتباس:
الحمد لله الله يبارك فيك وشكرا لذوق حضرتك |
رد: باركولى أخيرا تملكت العربية بحكم محكمة
الف مبروك وعمر الحلال مايروح ابدا وربنا يفرح قلبك زيادة ويعوضك عما فات |
رد: باركولى أخيرا تملكت العربية بحكم محكمة
اقتباس:
|
| الساعة الآن 09:08 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017