|
رد: اى سؤال بخصوص الرخام و الجرانيت انا تحت امركم
فى واحد عاوز يعمل واجهة البيت والمحلات فى هذا البيت رخام او جرانيت وهو محتار لانه لا يغرف الفرق فأيهما الافضل لعمل جوانب بوابة العمارة وكذلك جوانب المحلات من الخارج؟؟ بالطبع هو يريد خامة تتحمل الشمس لان البيت قبلى مواجه للشمس طول النهار وكذلك يريد خامة لا تغير من شكلها او تنقر بعد مدة او تفلق... حاجة تستمر لفترة طويلة يعنى
هل لو كان الرخام الافضل فهل الامبرادو الاسبانى اللى بيكون فى بقع سوداء او بنى فاتج افضل من الرخام اللى بكون محمر بدون بقع ولكن فية زى نقط رفيعة زى نمش رفيع بيسموه اسوانى ( مش عارف إذا كان الاخير رخام ام جرانيت) فى محلات بتعمله وبطعم الرخام بقطع رخام اسود زى ما يكون تحديد وفواصل بين مربع ومربع ... |
رد: اى سؤال بخصوص الرخام و الجرانيت انا تحت امركم
اقتباس:
افضل نوع فى حالة تركيب واجهات المحلات و مدخل العمارة هوالجرانيت واعتقد ان جرانيت وادى غزال مناسب جدا من حيث اللون ( يوجد البيج و الاخضر القاتم - زاتونى ) ومن اهم مميزاتة انة لايفقد لمعتة من الشمس و الاتربة مرفق صورة للجرانيت https://www.facebook.com/hany.abdelm...type=3&theater وفى حال وجود اى استفسار انا تحت امرك مع خالص تحياتى :GROWIN~12: |
رد: اى سؤال بخصوص الرخام و الجرانيت انا تحت امركم
اقتباس:
الرخام الاخضر لايوجد منة مصرى فى الوقت الحالى لان المحجر اغلق من سنتين الموجود فى السوق هو اخضر هندى وهو رخام ممتاز وبخصوص السعر يتراوح بين 185 و 190 للمتر المربع طاولات اما بخصوص التكلفة الاجمالية فهى تكون كما يلى اقصى طول * اقصى عرض لطربيزة السفرة و البوفية مضروبة فى 450 جم https://www.facebook.com/hany.abdelm...type=3&theater مرفق صورة للرخام الاخضر مع خالص تحياتى :GROWIN~12: |
رد: اى سؤال بخصوص الرخام و الجرانيت انا تحت امركم
اقتباس:
|
رد: اى سؤال بخصوص الرخام و الجرانيت انا تحت امركم
تسلم يا استاذ هانى على الموضوع المفيد
انا كنت لسه عامل جزء من المطبخ الجرانيت الاسود خالص http://image.made-in-china.com/2f0j0...ack-Marble.jpg ولسه النص التانى عايز اكملة بس قولت اجرب الراجل ده واشوف شغله ايه وبصراحة معجبنيش اوى ليه بقى . انا مختار اللون ده علشان يمشى مع المطبخ وعلشان اقرب حاجة للاسود خالص فهو تقريباً من التركيب اتجرح منه مناطق وبقت خرابيش كده شكلها مش ظريف هو حاول يعالجها وحطلها ورنيش بس مفيش يوم والورنيش ده راح وبانت الخرابيش تانى فانا كنت عايز اعرف فيه حل للموضوع ده ممكن يتجلى مثلاً ولا يتساب كده وامرى لله وثانياً سعر الجرانيت او الرخام ده ايه دلوقتى بالتركيب والمصنعيات يعنى المتر بكام دلوقتى وشاكر ردك مقدماً :GROWIN~12: |
رد: اى سؤال بخصوص الرخام و الجرانيت انا تحت امركم
https://fbcdn-sphotos-h-a.akamaihd.n...46386480_n.jpg
ديه صورة من الجرانيت اللى بسأل عنه انا معرفتش اصور التجريح والخرابيش بس اكيد انت هتفهم قصدى والجزء الباقى اللى عايز اعمله هيبقى نفس الفينش بتاع اللى فى الصورة ده يادور المسطح بتاع المطبخ والمراية اللى فوقه وبس |
رد: اى سؤال بخصوص الرخام و الجرانيت انا تحت امركم
اخى الكريم ابو نورا
نورت الموضوع بتشريفك الكريم الجرانيت الاسود الموجود فى الصورة اسمة ( دبل بلاك ) وموجود منة نوعين 1- دبل بلاك صينى ودة جرانيت سيئ جدا لانة مصبوغ ومع الوقت اللون الاسود يهرب و الجرانيت يجرب 2- دبل بلاك هندى ودة جرانيت ممتاز طبعا فرق السعر مغرى بين النوعين و بعض المقاولين من ضعاف النفوس بيشتغل من الجرانيت الصينى على انة دبل بلاك هندى نفرق بين النوعين ازى الدبل بلاك الصينى بيكون لونة اسود قالب على بتنجانى الدبل بلاك الهندى بيكون لونة اسود بس فى نمشة اقرب ما تكون فى شكلها مثل حبة الارز و بيكون لونها افتح شوية من الارضية السودة مشكلة الخرابيش دى غريبة جدا نفسى اعرف قدر يجرح و يخربش الجرانيت ازاى وهو لسة بيركبة ؟ على اية حال اما ان تفك الجرانيت ويتم اعادة جلاء المطبخ مرة ثانية ( طبعا تكلفة فك جرانيت و نقلة و اعادة جلاء الجرانيت مرة اخرى ثم اعادة نقلة و تركيبة ) اعتقد هتكون تكلفة مقاربة لشراء جرانيت جديد الثانى اعادة جلاء الجرانيت و هو راكب على المطبخ المشكلة فى الحل دة انة مش اى حد يعرف يعيد جلاء الجرانيت + بهدلة و عفرة وتراب نتيجة اعادة الجلاء بعض الصنايعية يدهن الجرانيت شمع او زيت و تانى يوم يرجع تانى وطبعا يكون الصنايعى خلص حسابة ومشى حضرتك جرب الحل دة من عند مستلزمات البناء اشترى ( سيلر جرانيت ) علبة لونها احمر مش ازرق وادهن الخرابيش بالسيلر وربنا يسهل و الخرابيش تختفى او تقل شوية بخصوص الاسعار سعر المتر المربع من جرانيت الدبل بلاك الهندى فى حدود 350 جم ( معرفش سعر الصينى ) بخصوص سعر التوريد و التركيب هيكون فى حدود 650 للمتر المربع واى استفسار انا تحت امرك مع خالص تحياتى :GROWIN~12::GROWIN~12: |
| الساعة الآن 02:52 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017