المشاركة الأصلية كتبت بواسطة AboNoRa (المشاركة 654401)

المشاركة الأصلية كتبت بواسطة ahmed_eng2001 (المشاركة 654472)

مينا باشا ( عاشق اليابانى )

انت فين من زمان محدش شايفك ليه ؟؟ بعت عربيتك و لا لسه ؟؟
كلام و معلومات مفيدة جدا عن الشيروكى ....
بيعجبنى فى الشيروكى انها عربية ملمومة .... شكلها حلو .. ممكن تتركب جوة المدينة من غير مشاكل
عيبها الاساسى هو صغر و ضيق الكبينة الداخليو و خاصة الكنبة الخلفية !!!
اخبار اسعار قطع غيارها ايه ؟؟ انا اعرف ان فيها الغالى و الرخيص .... انا سمعت ان قطع الغيار الامريكى الاصلى غالية شوية بس معمرة .... الكلام ده صح ؟!

المشاركة الأصلية كتبت بواسطة ahmedraafat00 (المشاركة 654999)

شكرا يا استاذ مينا على الموضوع الهايل ده
انا معايا شروكى موديل 93 اربعه سلندر مانول بس الصراحه مغلبانى فى حكاية الصنايعيه اللى يفهموا فيها للاسف مش كتير اللى بيفهم فيها و نتيجه لكده بيبقى مصنعيتهم غاليه مقارنه بعربيات تانيه
وخصوصا الكهرباء
من اكثر المشاكل الشائعه اللى حصلت معايا وقرفتنى والمفروض انها حاليا اتحلت هيا ان العربيه كانت بتنتش وترعش بمجرد ما تسخن وبالتالى مينفعش امشى بيها مشوار طويل والمشكله دى اتحلت عن طريق تغير مايلى :
حساس كرنك : 650 جنيه
وطرمبه بنزين : 175 جنيه
فلتر بنزين : 50 جنيه " ياريت حضرتك تقولى الاسعار دى مظبوطه ولا انا اضحك عليا "
ده غير تغير كل الفيوزات اللى فى علبة الفيوزات
مصنعية ميكانيكى 250 جنيه والكهربائى
فى تقديرى الشخصى العربيه قويه و بتاعت جرى وعفيه بس للأسف ينقصها صنايعيه يفهموا فيها

المشاركة الأصلية كتبت بواسطة هشام سيد (المشاركة 662833)

مينا باشا واعضاء المنتدى الكرام عايذ اعرف الطريقة الصحيحة فى استخدام مثبت السرعة وفتيس الغرز للشروكى 98 اتومتيك اذاى وايه معنى المكتوب على فتيس الغرز وشكرا مقدما

المشاركة الأصلية كتبت بواسطة هشام سيد (المشاركة 662833)

مينا باشا واعضاء المنتدى الكرام عايذ اعرف الطريقة الصحيحة فى استخدام مثبت السرعة وفتيس الغرز للشروكى 98 اتومتيك اذاى وايه معنى المكتوب على فتيس الغرز وشكرا مقدما

المشاركة الأصلية كتبت بواسطة M!NA (المشاركة 665000)

فتيس الغرز في أي عربية... فيه 3 حركات.... نقلتين و مور
نقلة 4H و ديه بتستخدم لما بتكون ماشي في رملة تقيلة من اللي فيها غرز.... و على سرعة عالية
و نقلة 4L و ديه بتستخدم لما بتكون غرزت بالفعل و محتاج تطلع من الغرزة... أو لما تكون بتنزل منحدر شديد جدا على سرعة بطيئة أوي...

و النقلة التالتة N بتمور ال4 عجلات

طبعا الكلام ده مينفعش يتشرح نظري كدا...لازم تجرب في الصحرا و تشوف بنفسك......

المشاركة الأصلية كتبت بواسطة هشام سيد (المشاركة 665162)

شكرا يا باشا على الرد انا فعلا جربة فى الصحراء بس كنت بشتغل على اى حاجة وعملة مور بوضع عصاة فتيس الغرز الى الامام ولكنى لاحظة ان العجلة الامامية شمال بها تعتيلة عند الملافات وركنة وهيه كده وفى الصباح وجدة العيب تلاشى
اما بخصوص مثبت السرعة كان شغال فى اول ماحبت العربية والان مش شغال مش عارف ليه فممكن اروح لمين يظبطه وعايز اعرف بيشتغل عند سرعة كام وادوس على زر سييت كام سانية او عدة يعنى افهم استخدمه ازاى وشكرا

المشاركة الأصلية كتبت بواسطة M!NA (المشاركة 665198)

مثبت السرعة مقدرش أفيدك في عدد الثواني و كدا عشان انا مستخدمتوش... و بصراحة مش موجود في أي عربية من اللي معايا... عشان العربيتين اللي عندنا في البيت مفيهمش كمبيوتر أصلا.... :)

عموما لو العيب طلع عيب كمبيوتر... عندي اللي يصلحهولك....