رد: استشارة من وحوش العفشة
 

حاول تعرض الأمر على صديق برضه

يكون عنده خبره فى مجال السيارات

لحسن بتوع التوكيلات

غالبا

هيكبرولك الموضوع

رد: يا جماعة فيه كتاكيت معايا في العربية ....
 

اعتقد ان الصوت ده من المساعدين لانه موجود عندى بقاله فتره بسيطه وف مره بغير الكاوتش لقيت المساعد الخلفى ضارب ومنزل زيت . والصوت فعلا كان جاى من ناحيته .. حاول تشيك ع المساعدين بتوعك اربطهم كويس وان شاء الله يختفى الصوت

يا جماعة ممكن رد ؟؟؟
 

انا عملت الموضوع ده في قسم العفشة بس حبيت اعمله هنا عشان ممكن يكون بسبب حاجة في الهيكل أو جسم السيارة ....
معايا فيرنا 2011 لسه الحمد لله بتلين عشان مشاويري قليلة جدا وبأحاول احافظ عليها وبأصين في التوكيل والحمدلله على كل شئ بس موسوس من ناحيتها ... انا بقالي فترة وأنا ماشي على طريق مش ممهد أو طريق محبب او بأخد مطب باسمع زي صوت زي صوت الفراخ أو صوصوة او صوت زي مايكون عامل زي صوت زجاج الأتوبيسات بتاعت زمان لما كنت باسافر بيها واكون جنب الشباك كنت بأسمع صوت زي كده اعذروني على التشبيه بس مش عارف احدد الصوت ده بالضبط ومتهيائلي جاي من ورا ... قلت ممكني يكون حاجة في الشنطة قلبتها رأس على عقب وما فيش فايده مشيت والشنطة مفتوحة يمكن يكون من كالون الشنطة مافيش فايدة جربت امشي والباب الي ورا مفتوح الصوت برده موجود ... وانا في ظل الإشتغالات ده رحت افتكرت اني غسلت العربية خلال السنة ده مرتين تقريباً والعامل غسل قوايم الأبواب بالمياه عشان كان عالق فيها تراب رخم مش عارف يطلع ونضفها بالهواء جامد بالمسدس لحد ما نشفت المفصلات فهل ممكن يكون ده السبب ان المفصلات لمت طين وتراب تاني وعملت الأصوات ده ولا تكون حاجة في العفشة .. انا كده كده إن شاء الله رايح التوكيل بس عايز اكون داري بالموضوع عشان ما بشتغلونيش في التوكيل وعلى فكرة توكيل الغردقة ما فيهوش قسم للهياكل ...
أسف على الإطالة وشكرا لكم

Re: يا جماعة فيه كتاكيت معايا في العربية ....
 

صوت الصوصوة ده ناتج عن أحتكاك حديد فى حديد معنى كده ان كان فى كاوتش مانع الأحتكاك ده فننظر إلى الأماكن اللى فيها كاوتش زى البطاحة بتاعة المساعدين بتمسك المساعد فى جسم العربية وبكون فى كوتشة بين المساعد وجسم العربية عند قطعها بتعمل صوت الصوصوه ده من حركة المساعد وممكن البطاحة عايز يتربط عليها كويس :w6w200504112236376d

Re: يا جماعة فيه كتاكيت معايا في العربية ....
 

وبص كمان على جلب المقصات وربط العفشة كويس من ورا:010104~171:

رد: استشارة من وحوش العفشة
 

شوف ياباشا البطاحات ربط عليها كويس وفى كوتش البطاحه بين المساعد وجسم العربية شوفه سليم ولا مئطوع وشوف جلب المقصات وربط العفشة كويس

رد: يا جماعة فيه كتاكيت معايا في العربية ....
 

السلام عليكم ورحمة الله وبركاتة

المشكلة الى عندك دى كانت عندى بالظبط وحلها ان شاء الله بسيط جدا هتروح لعفشجى وتخلية يفك السوست الخلفية هتلاقى الكاوتش الى بين السوست والشاسية مقطوع هيغيرة وان شاء الله هتبقى كل حاجة زى الفل