|
رد: ال BYD ولا رينو لوجان
طبعا BYD من حيث الموتور والعفشة والوسع بس تقفيل اللوجان افضل بكتير
|
رد: ال BYD ولا رينو لوجان
اختار اللوجان لو الموتور ال1600 ال16 صباب الرومانى اللى لسة نازلة
|
رد: ال BYD ولا رينو لوجان
البى واى دى حلوة واكيد قطع غيارها هتبقى ارخص من اللوجان
|
رد: ال BYD ولا رينو لوجان
نصيحة لوجه الله انزل واتفرج على العربيتين في أي معرض وأركب دية وأركب دية وشوف هاترتاح في أيه أكتر وبعدين قرر
انا كنت في نفس الحيرة اللوجان سيارة جيدة ولكن فقيرة جداً من الكماليات وانت هاتجيب عربية هاتبقى معاك لمدة لا تقل عن خمس سنين شوف هايظهر كماليات قد ايه في العربيات في الفترة دية يعني مش هاتحس انك راكب عربية موديل 2012 (( يعني في الأول هاتفرح بيها وكل حاجة لكن بعدين هاتبدأ تحس بكلامي دة ))) ال BYD عربية ممتازة والله وعن تجربة وفيها كماليات كتير وواسعة من جوة وشنطة كبيرة جدا وجنوط وقطع غيار رخصية وشكلها ممتاز |
رد: ال BYD ولا رينو لوجان
اقتباس:
استاذي الفاضل بس عندي سؤال - هي اللوجان مفيهاش ايه من الكماليات عشان حضرتك تقول ان مفهاش كماليات !!!!!!! هي الكماليات دي عبارة عن ايه بالظبط؟؟؟؟ طبعا لو الموضوع دا اتعمل في منتدي الرينو كنت حتلاقي برضة ان الرينو افضل من ال BYD الصيني عشان اوروبي والكلام المحفوظ والمقروء كل يوم علي المنتدي بس انا مش حقولك مين احسن لان بالامانة العربيتين دول بالذات اثبتوا كفائتهم في السوق المصري وصعب المقارنة بينهم علي اساس العيوب والمميزات او الكفائة وجه المقارنة الوحيد هو انت - راحتك النفسية وانت مرتاح لايه وفي نفس الوقت ايه اللي انت محتاجة في العربية والاهم من دا كله صدقني - مدي قرب توكيل الصيانة للمنطقة اللي انت ساكن فيها او فيها شغلك لان الموضوع دا صعب جدا لما تبقي عندك مشكلة لاقدر الله ومش قادر تروح بالعربية التوكيل عشان بعيد عنك مثلا او طريقة غير طريقك بس - حاول تبقي مقارنتك بين العربيتين مش انهي احسن تبقي المقارنة انهي تناسبني اكتر |
رد: ال BYD ولا رينو لوجان
ممكن يا جماعة اللي بيقول اللوجان مفهاش كماليات يعملنا مقارنة ما بين كماليات العربيتين او حتي يذكر كماليات ال BYD الزياده عشان بس نستفيد كلنا
|
رد: ال BYD ولا رينو لوجان
http://autonews.gasgoo.com/resource/...lug-in-002.jpg 1- موتور 4G18 تقنية متسوبيشي 1600 سي سي 16 صباب 2- عفشة مطابقة تماما للتويتا كورلا 3- فرامل ABS +EBD 4- انوار امامية قوية جداً 5- مصابيح ضبابية خلفية 6- جنوط 15" من الألومنيوم (لكل الفئات) 7- مقابض أبواب رياضية 8- اريال راديو مدمج بالزجاج 9- فتحة سقف (لفئة الاتوماتيك) 10- حساسات خلفية (لفئة الاتوماتيك) 11- طارة مالتي فنكيشن (لفئة الاتوماتيك) 12-عدادات LED 13-كراسي جلد (لجميع الفئات) 14- كاسيت سي دي ومدخل اي يو أكس 15- أبانوس داخلي (لجميع الفئات) 16- تكيف أمامي قوي بارد ساخن (كومبريسور متسوبيشي لانسر) 17- 2 ايرباج (لجميع الفئات) 18- 4 سماعات 19- 4 زجاج كهربائي وقفل ابواب مركزي حضرتك دية مواصفات عربيتي ياريت حد يكون معاه لوجان ويقولنا بقى على كماليتها عشان محدش يقول اني منحاز لعربيتي |
| الساعة الآن 10:26 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017