مصر موتورز مجتمع السيارات - لو مشكلتك سلك الدبرياج 305بيجو ادخل على الموضوع واعرف الحل

مصر موتورز مجتمع السيارات (https://www.masrmotors.com/vb/index.php)

- بيجو PEUGEOT (https://www.masrmotors.com/vb/forumdisplay.php?f=17)

رد: لو مشكلتك سلك الدبرياج 305بيجو ادخل على الموضوع واعرف الحل

انا كان معايا 305 زمان عملت فيها تعديلات ومنها اني غيرت سلك الدبرياش بهيدروليك بتاع هيونداي تقريبا اكسنت وطبعا برضوا في مشكلة المقصات والكبالن
بالنسبة للمقصات بتجيب حشو للمقصات بتاع مرسيدس او شيفروليه الدبابة وتركبهم على المكبس او باي طريقة وتنسى المقصات تماما
الكبالن
بتعدل راس الكبالن من الجهة الخارجية من الشكل العادي للشكل المشرشر وتركب عليه راس تيوتا او هيونداي لازم تبقى عارف الراس قبل ما تخرط الكوبلن عشان عدد السنان يفرق
بتقص حرف الطبق وتلحمه مع الجزء المشرشر اللي اللي بيخش في البلية ودسك الفرامل (الطمبورة ) وتدعيلي
بالنسبة لعصاية الفيتيس الل كل شوية بتقع وتفصل بكل بساطة بتتغير بواحدة جديدة تمنها حوالي 80 - 100 ج
وتتاكد من حشو العصاية وتملاع سيليكون او تعمله جلبه كاوتش
بالنسبة للميزان اللي قدام دايما الحشوة اللي في الجزء الثابت بتخلص بسرعة وتبوظ الاتزان
بتجيب حشوة مشابههة بتاعة ميكروباص التيوتا ونعدلها بسيط بتركب وتنساها
الميزان نفسه راكب بمسامير دايما بتحلق في الشاسيه بمسكة نص دايرة بكل بساطه بندخل في الفتحات اللي حالقه مسمار بسن من النحيتين وبنطة لحام يثبت وبدل ما تربط بالمسمار ها تربط بالصامولة من برة وها تبقى ثابته زلط
بالنسبة لحرارة في الزحمة حلين :
1 بتجيب من االوكالة اومن عند سوسو مروحة مكنة بتاعت 504 فيها ريش اكتر وتزود التبريد
2 بتغير المروحة بمروحة كهرباء شاهين او ياباني وتخلي الكهربائي يركبها بكل بساطه مع كتاوت
ودي كانت بعض التعديلات اللي انا عملتها في عربيتي القديمة 305 السبب كان عدم وجود قطع غيار او عدم وجود ميكانيكي عارف للعربية
اي استفسار عن العربية دي انا جاهز

رد: لو مشكلتك سلك الدبرياج 305بيجو ادخل على الموضوع واعرف الحل

الله ينور عليك موضوع جميل

رد: لو مشكلتك سلك الدبرياج 305بيجو ادخل على الموضوع واعرف الحل

اقتباس:

المشاركة الأصلية كتبت بواسطة spare parts (المشاركة 643033)

موضوع كويس جدا لكن بدل ما تتعب نفسك و تعمل تعديل فى الفبره ممكن تشترى سلك دبرياج اسمه بندكس ( Bendix ) و النوع ده ممتاز جدا و هاتلاقيه غالى شويه عن الصينى و التونسى لكن خاماته ممتازه و الفبره معمومله من خامه كويسه جدا و متفصله كويس على المكان البتركب فيه لان المشكله ان الفبره دى على طول بتتطلع من مكانها فى الانواع رديئه الصنع و السلك يحك فى الصاجه و يتقطع و غير كده اتأكد ان الصاجه الموجوده فى العربيه مايكونش فيها حاجه متنيه عشان الفبره تركب فى مكانها صح و على فكره ممكن بعد ماتركب الفبره تثبتها بمسمارين برمه مش هاتفلت من مكانها خالص و مع ذلك هاتلاقى السلك السئ بيتقطع لوحده من غير ما يحك فى الصاج

اخى الفاضل بعد التحية ممكن اعرف من حضرتك اقدر اشترى السلك البندكس للبيجو 305 من اى مكان و لك جزيل الشكر

رد: لو مشكلتك سلك الدبرياج 305بيجو ادخل على الموضوع واعرف الحل

السلام عليكم ورحمة الله وبركاته أنا عندى عربية بيجو 305 وهى عربية جميلة بصراحة ومستخسر أبيعها لأنها عربية جميلة فعلا وفيها ريحة العربيات الحديثة وناعمة ورائعة لكن مشكلتى الوحيدة هى سلك الدبرياج فعلا ومشكلتى هو إن السلك يحتك بجسم العربية سواء بقى الفبرة بلاستيك أو حديد مش فارقة وركبت سلك ال128 وهو فيه حديد مكان الفبرة وثبته بمسامير لكن مشكلته إنه قصير وبيرجع يحك تانى فى جسم العربية من الآخر أنا مشكلتى قى جسم العربية نفسه ..........لوفيه حل أرجوكم لا تبخلوا عليا وجزاكم الله خيرا

رد: لو مشكلتك سلك الدبرياج 305بيجو ادخل على الموضوع واعرف الحل

اقتباس:

المشاركة الأصلية كتبت بواسطة البروفيسور (المشاركة 980975)

بسم الله الرحمن الرحيم
بخصوص الموديلات ماقبل التمنينات تسمى عاده اما الموديلات مابعد ذلك يسمى طياره والفرق بيكون في شكل الطابلوه وبعض الكمليات البسيطه ولاكن نفس الموتور والعفشه وجميع قطع الغيار باستسناء الكاربيراتير ممكن يتغير قليلا
اما بخصوص الموتور اللي ممكن يركب علي 305 شكل قديم او جديد الميكانيكي قالي ممكن بتاع البيجو 205 يركب عندك ROSE4U:fun_36_3_1[1]:
اتمني ان اكون افدتكم
والله اعلم وهو ولي التوفيق

http://images.pistonheads.com/nimg/2...-ax-gt-5-L.jpg

https://http2.mlstatic.com/motor-cit...0_042014-F.jpg