رد: الفرامل قفشت و حجرت .. و النهاردة الأحد
 

زمان كنت بفضل ماشي بمفتاع 8 و10 عشان الحوار ده وكل متقفش انزل اخدلها هو شويه عشان تفك :D الله لا يعودها ايام

رد: الفرامل قفشت و حجرت .. و النهاردة الأحد
 

كل اللي تعمله انك دور علي مسووره كده جوه الكابوت طالع منها خراطيم حديد كده رفيعه حل مسمار منهم لغاية متلاقيه نزل زيت
وحاول تزق العربيه بايدك كده لغاية متلاقيها فكت
وامشي بيها براحه ومتجريش عشان متضطرش تدوس فرامل جامد وتحجر تاني وان شاء الله خير

رد: الفرامل قفشت و حجرت .. و النهاردة الأحد
 

يا جماعة انا مش عارف اقولكم إيه .. أنا عاجز عن الشكر للاهتمام و سرعة التفاعل .. للأسف أنا اخترت الحل الأصعب ( المواصلات ) لكنه الأءمن .. و لولا ان كان فى اتنين من اصحابى معايا كنت غامرت و مشيت بيها كده .. بس هما قلقونى .. النهاردة انشاء الله هروح بيها لأقرب ميكانيكى و اقولكم على اللى حصل .. بالمناسبة انا امبارح حاولت ادور يمكن القفشة تروح و بعد ما دورت قلت ادوس فرامل و اشوف .. سمعت صوت هوا من تحت بدال الفرامل ( هسسسس .. تقريبا كدة ).. يا ترى ده معناه إيه .. معلش انا دوشتكم و تعبتكم معايا .. و شكرا مرة أخرى لكل الإخوة اللى ردوا عليا .:010104~171:

رد: الفرامل قفشت و حجرت .. و النهاردة الأحد
 

معناة ان طاقية السيرفو مخرومة وعاوزة تتغير تمنها حوالى 10 جنية وهاتجيب اويل سيل بـ 8 جنية ومصنعية بالرجلاش والتظبيط 20 جنيه ......او ممكن لا قدر الله السيرفو بالكامل عاوز يتغير لكن سعرة غايب عنى بصراحة

رد: الفرامل قفشت و حجرت .. و النهاردة الأحد
 

شكرا أخى mr_astra على ردودك القيمة و الفعالة .. أنا رايح للميكانيكى النهاردة بعد الشغل إن شاء الله .. و ربنا يستر و تبقى بسيطة .:pty:

رد: الفرامل قفشت و حجرت .. و النهاردة الأحد
 

عفواااااااااااا ما ترحش لميكانيكى
العملية دى محتاجة واحد متخصص فى الفرامل ........لو حضرتك من القاهرة روح لبكر البلبيسي
العنوان:- عين شمس- شارع 6 اكتوبر -محطة الوادى- الشارع اللى على نصيتة مكتبة الطفل
هتقابل هناك واحد اسمة شفعى لمحلة بس انك من طرف محمد مرسي ههههههههه وبلغنى النتيجة

رد: الفرامل قفشت و حجرت .. و النهاردة الأحد
 

أخى mr_astra لم أقرأ مشاركتك إلا الآن .. أنا بالفعل ذهبت للميكانيكى و وصفلى واحد متخصص فى الفرامل اسمه محمد البلبيسى ( يظهر ان العيلة و احدة و متشعبة ... ههههههه ) جنب قسم الزاوية الحمرا الجديد .. الميكانيكى قللى قول له انا عايز اعمل السيرفو ( طبعا بعد ما شاف العربية ) .. المهم روحتلو و حل السيرفو ( اللى عمرى ما كنت اعرفه ) و بعد ما حله و شافه قاللى دا عايز جلدة و حشو .. و بالفعل غيرهم و ركب السيرفو تانى .. و الحمد لله المشكلة اتحلت ... و لو فى سؤال بخصوص الموضوع أنا فى الخدمة .. و شاكر جدا مرة أخرى لكل اللى شاركنى برأيه و اقتراحاته . :010104~171::CONGRA~238: