رد: معاك ايه تحمى نفسك بيه لقدر الله فى حالة السرقة تحت تهديد السلاح
 

بص بخصوص الاليكترك هو كويس بس فيه انواع مش كويسة كتيييييييير انت عارف الصين معمايلها يعني انا عندي 2 فيهم واحد شكله حلو بس خليت واحد صحبي يجربه فيا عشان اعرف قوته لقيته بيزغزغ هههههههه تعبان جدا بس التاني اللي معايا كويس جدا
فلو هتشتري اليكترك شوف انواع كتيرة واسمع صوته وسيبك من كام فولت عشان اونطة

وممكن تشتري سيلف ديفنس اسبراي بس ممتاز بيرش لمسافت متر ونص وبيعمي شوية وبيسبب حرقان في الانف وديق في التنفس
وبرده في انواع مضروبة ومن اول 30 جنية لحد 150
اللي معايا ب150 مقاس كبير وفي جيبي علي طول ولو اتمسكت بيه وده مبيحصلش محدش هيكلمك عشان اللي بيستخدمه ناس محترمة زينا وبيكون باين علي الشخص

رد: معاك ايه تحمى نفسك بيه لقدر الله فى حالة السرقة تحت تهديد السلاح
 

معايا شومة زان أصلي معتبرة
و ناوي على اليكتريك إن شاء الله

رد: معاك ايه تحمى نفسك بيه لقدر الله فى حالة السرقة تحت تهديد السلاح
 

رد: معاك ايه تحمى نفسك بيه لقدر الله فى حالة السرقة تحت تهديد السلاح
 

انا شايف ان الحل نعمل مولوتوف ويبقى جاهز على الاشتعال ونجيب كام قنبله غاز نحطها فى العربيه وكده يبقى تمام وربنا يكفينا شر الطريق ولو حد جرئ شويه يجيب خرطوش

رد: معاك ايه تحمى نفسك بيه لقدر الله فى حالة السرقة تحت تهديد السلاح
 

منورين كلكم والله:CONGRA~238:

احمد زمالك
طيب مانجيب دبابتين كمان ونعلن الحرب وخلاص :)

رد: معاك ايه تحمى نفسك بيه لقدر الله فى حالة السرقة تحت تهديد السلاح
 

ههههههههههههههه فكره بس تفتكر شنطع العربيه هتاخد او نركب الدبابه وخلاص على الاقل مش هيهمنا مطب ولا اى حد

رد: معاك ايه تحمى نفسك بيه لقدر الله فى حالة السرقة تحت تهديد السلاح
 

بصراحه انا شايف انك حولتها لمدرعه حربيه مش عارف بس بصراحه انا شايف اني المسدس ممكن يعملك مشاكل بوجوده وبالاخص اي انسان مش بيقدر يتملك اعصابه في الانفعال وخاصة لو اي مشاده مع سواق ميكروباص ودول اسهل ناس ممكن يعصبوك انا من رأيي السيلف ديفينس افضل حل وفي كلتا الحالات لو عصابه محترمه هي اللي وقفتك اعتقد المسدس مش هيفيد ولا السيلف ديفينس ولا كل ده قصاد رشاشتهم ولا الاسلحه اللي معاهم لاني تقريبا دلوقتي البلطجي او الحرامي ايا كان اسمه اللي بيطلع بمطواه ولا طبنجه دلوقتي بيبقي مبتدأ وبيبقي اصلا خايف من خياله وانا بصراحه ضد ان فكرة ان الشعب يسلح نفسه دي ثم لو كل واحد سلح نفسه طيب ساعتها وظيفة اقسام الشرطه بقي ايه هما مثلا اللي هنروح نشتري من عندهم الرصاص لما يخلص اللي معانا ولا ايه وعامة انا متأكد اني لو كل واحد سلح نفسه بمسدس مش هيفضل في البلد دي غير الاطفال اللي ميتعداش عمرهم خمس سنين بس
وعامة ربنا يعدي الايام دي علي خير ويحمي الجميع ويهدي الناس شويه لاني تقريبا جرايم القتل والذبح والتمثيل زادت قوي الفتره اللي فاتت دي والناس بقت بتتكلم علي قتل البني ادميين كانه شئ عادي جدا