مصر موتورز مجتمع السيارات - فولت العربية اتدبست فى شليه تايم شير مش عارف ازاى

مصر موتورز مجتمع السيارات (https://www.masrmotors.com/vb/index.php)

- الأجازات و السفر (https://www.masrmotors.com/vb/forumdisplay.php?f=223)

رد: فولت العربية اتدبست فى شليه تايم شير مش عارف ازاى

هما ثبتوك فين يا تامر

بنزينة موبيل اللى عند مرور عزب النهضه

اصلهم ثبتونى هناك

رد: فولت العربية اتدبست فى شليه تايم شير مش عارف ازاى

السلام عليكم
أنا حصل معايا الموضوع ده أول سنه جواز و كنت مع المدام فى راس البر. لاقيت شاب و بنت وقفونا و مفهمش إزاى أقنعونا ( عليهم طريقه إقناع غريبه) و كانوا شغالين تبع فندق و دفعت ال_ 20 جنيه
نمت ليلتها و الفار لعب فى عبى أحلى لعب. و روحتلهم قبل الميعاد كمان. كل هدفى آخد الـ 20 جنيه و محسش إنى أتضحك عليا.

الغريبه قبل ما أدخل الفندق لاقيت شباب من الفندق المجاور لهم بيقولولى. ( الفندق ده مش مسجل تايم شير) , مفهمتش أوى بس حسيت إنها نصبه.
المهم دخلت و قعت الساعتين و جابوا عصاير ( مفيش هدايا و لا حاجه) و واحده قاعده ترغى ساعتين تحسبلك المميزات الرهيبة اللى هتأخدها من المشاركه معاهم.
مش هكدب عليكم. ( مقتنعتش لـ 3 أسباب)
1- كنت عريس جديد و بالتالى تحويشة العمر لسه صارفها و مستلـ.... إحم
2- كنت مركز مع الـ 20 جنيه بس.
3- كلام الشاب اللى من الفندق اللى جنبهم خوفنى أكتر.
المهم خلعت منهم بفضل الله. و أخدت العشرين جنيه و كنت فرحان بيها أوى .

و أول ما خرجت و مشيت بعده ب3 أو 4 فنادق لاقيت شباب تانيه حاولوا يوقفونى لنفس الشئ
هربت و حرمت أروح راس البر تانى أبدااااااا

رد: فولت العربية اتدبست فى شليه تايم شير مش عارف ازاى

اقتباس:

المشاركة الأصلية كتبت بواسطة عصام غنايم (المشاركة 619543)

هما ثبتوك فين يا تامر

بنزينة موبيل اللى عند مرور عزب النهضه

اصلهم ثبتونى هناك

لا بنزينة التعاون اللي في دمياط الجديدة عند شومان
وعموما هما منتشرين في كل حتة وليهم اساليب شبه اسلوب (الذبابه ) كل ما تهشهم بعيد يرجعوا عليك تاني ...

رد: فولت العربية اتدبست فى شليه تايم شير مش عارف ازاى

اقتباس:

المشاركة الأصلية كتبت بواسطة Payoo (المشاركة 619078)

شوف يا أبو سلامه
فكرة التايم شير نفسها مش نصب ولا حاجه بالعكس هي فكره كويسه بتناسب بعض الناس و مابتناسبش البعض الاخر
المشكلة مش في التايم شير المشكلة في طريقة تسويق وبيع فكرة التايم شير لانك بتحس إنك وقعت في أيد ناس نصابه لان اسلوبهم بيبقى أسلوب (هاسيبك أنت توصفه بنفسك) و لأن اسلوبهم ده مش مقبول فده بيخليك تعتقد أنهم نصابين

على أي حال حاول تفكر تاني في مزايا التايم شير وتجرب مرة أو أتنين وبعد كده احكم بنفسك من خلال التجربه :thnkr:
يعني هل المنتجعات بتاعتهم منتجعات متميزه ؟ هل العقد بيتيحلك السفر خارج مصر ؟ هل تقدر تأجر الأسبوع بتاعك لغيرك ؟ يعني شوف بنفسك وأعرف مدى الاستفاده إللي هاتستفيدها و قارنها بالمقابل إللي هاتدفعه وأحسبها وتوكل على الله

وماتزعلش نفسك أبدا و لا تضايق ولو حسبتها بتأني ولقيت العقد ماينسبكش إحنا ممكن نجمع أكبر عدد من الاعضاء وأنا أولهم ونروحلهم و نضغط عليهم عشان يرجعوا العقد إن شالله توصل إننا نعمل مظاهرة قدام مقر الشركة:36_2_16:

ماتقلقش

والله انا الموضوع كان مزعلنى جدا لولا كلماتك الطيبة انا الصراحة حاسس انى اتدبست فى الموضوع مع ان الفكرة مقبولة الى حد ما