|
رد: لكل من يقول عدم ثبات الفيرنا بعد 120 ك
يا جماعة انا عامل قبل كده موضوع اسمة يا عالم يا هووووه الثبات عرفوه وكنت ناوى اتفزلك واشرح الثبات بكل معانية بس الاعضاء ماشاء الله ردو فى الموضوع وغطو كل الجوانب تقريباً بشكل يؤكد مدى ارتقاء الوعى الجماعى لمستهلكى السيارات فى مصر عموماً وفى موقعنا الحمد لله
فانتكاسه بصراحة انى اشوف موضوع زى كده فى المنتدى وطبعاً متصدر المشهد الاخ كورسير سيد من يقول اشعار فى الفيرنا وثباتها على 195 وبعدين الانكت ان اصحاب النظرية ديه دائماً يذكرو نفس الحقيقة و أقسم بالله سايق بيد واحدة طبعاً فى حالة كورسير انا صدقتة لان ماشاء الله ايده تفصل 3 ايدين من الحجم العادى فحقة الراجل يسوق بايد واحدة لكن هل ده مقياس على الثبات !!! مفيش عربيه فى الدنيا مهما كان ثباتها تتساق بايد واحدة بشكل رياضى عايز تسوق بايد واحدة لاعاقة مثلاً فيه اجهزة تعويضية لكن تسوق بسرعة وبشكل رياضى يعنى فى طرق مش رياضية وبعربيات مش رياضية وكمان بايد واحدة اللى هى طريقة كمان مش رياضية ده يبقى استهتار وتهور اما عن الفيرنا تحديداً فهى بالتاكيد ابعد ما تكون عن الاداء الرياضى عموماً والثبات والمناورة خصوصاً والكلام فنياً يطول وبالبلدى ممكن نقول ان الجين تو مثلا برقابتها واى عربيه اوروبى برقابتها وعموماً كوريا معملتش لحد دلوقتى عربيه ثابتة ( فيما عدا دايو وسامسونج) فكل من هيونداى وكيا تعتمد على معايير المدرسة اليابانية بحيث تصمم عفشه سهلة الانتاج وغير مكلفة وسهلة الصيانة والاصلاح وخفيفه لكن لاهى خدمة شاقة ولاهى اداء رياضى يا جماعة الله يهديكم كلامكم ده بيقراه شباب صغيرين وناس ممكن تكون لسه مش فاهمة وبتتاثر بيه طبعاً وممكن يؤدى لكوارث وضياع ارواح وممتلكات |
رد: لكل من يقول عدم ثبات الفيرنا بعد 120 ك
اقتباس:
هى الفيرنا وبس |
رد: لكل من يقول عدم ثبات الفيرنا بعد 120 ك
احييك على التبسيط :CONGRA~238:
وعلى كلامك نقول ان الثبات ببساطة يعنى ان تحافظ السيارة على ثباتها فى جميع حالاتها من تسارع وثبات ومناورة وفرملة ومن حيث التاثر بالهواء (الثبات الايروديناميكى) اولاً فى التسارع او الشد لازم العربيه تكون ثابتة والثبات بيتضمن قدره القائد على التحكم فى العربيه وطبعا الدفع الخلفى عموماً هو الاكثر ثباتاً فى التسارع نظراً لحرية حركة العجلات الامامية عن حالها فى الدفع الامامى اللى بتبقى هى نفسها بتوجه وبتجر العربيه كمان توزيع الوزن بين محاور العربيه الامامية والخلفية وطبيعة تصميم نظام التعليق (مساعدين وسوست ,, ليه دور مؤثر فى ثبات العربيه حال التسارع او الشد طبعاً بكل المقاييس ديه الفرنا تاخد صفر فى الثبات نفس الكلام بينطبق على حالات التباطوء او الفرملة اللى لازم العربيه تكون ثابتة برضو وتوفر لقائدة قدرة كافية من التحكم ونفس الكلام على حالات المناورة مرة تانية فى التسارع فى الثبات فى التباطوء او الفرملة او المناورة لازم يتكامل تصميم العربيه لتحقيق الثبات تكامل بين توزيع وزن العربيه وتصميمها الخارجى ومدى ايرودنيماكيتة ونظام الجر وتصميم نظام التعليق فضلا عن باقى ابعاد السيارة كقاعدة العجلات مثلا وفضلاً عن باقى الانظمة الالكترونية التكلميلية فى السيارات الحديثة لتعزيز الثبات سواء انظمة الثبات الالكترونى باختلاف تطبيقاتها او انظمة تعزيز اداء الفرامل وانظمة التعليق المتغير |
رد: لكل من يقول عدم ثبات الفيرنا بعد 120 ك
انا بلانسر 2006 اول ما اوصل لل 150 لازم اكون مكلبش بايدي الاتنين على الطارة برغم اني كنت سايق طريق دهب فاضي لان مع السرعة شوية هوا بيخلوا العربية تعوم
|
رد: لكل من يقول عدم ثبات الفيرنا بعد 120 ك
لاء طبعاً مش الفيرنا وبس كل العربيات الشبيهه سواء القديم او الجديد ومش بس كده عربيات اعلى منها كمان زى الكرولا فضيحة فى الثبات بس هى المشكلة مع الفيرنا والسيراتو كمان ان الناس بتتغر فى تسارعهم واداء المواتير على البودى الخفيف وبيتخيل ان ده عامل قوة فى حين انه مع غياب عوامل مهمة تانية زى اللى اتكلمت عنها بتودى فى كوارث
والمشكلة ان فيه ناس بتبقى متحمسة اوى للعربيه بشكل غير موضوعى |
رد: لكل من يقول عدم ثبات الفيرنا بعد 120 ك
الفيرنا افضل عربية فى فئتها عيبها بس انها تقفيل غبرة ومعلش يعنى محدش يدور على ثبات فى الكورى ولا اليابانى
الثبات هتلاقيه فى الالمانى وبس عربيات عمرها مابتتقلب وخصوصا البي ام حبيبتى :loveu:وحلم عمرى |
رد: لكل من يقول عدم ثبات الفيرنا بعد 120 ك
هى العربية دى جميلة وصوت موتورها بيعجبنى جداا
|
| الساعة الآن 08:03 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017