مصر موتورز مجتمع السيارات - عايز روشتة علاج للبوجيهات المهببة من دكتور ؟

مصر موتورز مجتمع السيارات (https://www.masrmotors.com/vb/index.php)

- كهرباء السيارة (https://www.masrmotors.com/vb/forumdisplay.php?f=149)

- - عايز روشتة علاج للبوجيهات المهببة من دكتور ؟ (https://www.masrmotors.com/vb/showthread.php?t=77770)

رد: عايز روشتة علاج للبوجيهات المهببة من دكتور ؟

اقتباس:

المشاركة الأصلية كتبت بواسطة samirayad (المشاركة 672212)

شوف حضرتك

إللى على الردياتير لتشغيل المروحه دى اسمها ساعة الردياتير

تقدر تقول زى مفتاح كهربى ومع سخونة الماء ووصوله لدرجه معينه

المفتاح بيلقط المروحه كهربيا وتشتغل المروحه لتبريد الماء المار بالردياتير

----------------------------

أما الترموستات إللى على كوعة وش السلندر من الداخل

إسمها ثرموستات الكوعه

وتقدر تشببها ببلف أو حنفيه بتتحكم فى سريان الماء من المكنه للرديادتير

فكل ماتزيد حرارة المكنه بيفتح الترموستات ده بدرجه أكبر

علشان يعدى ميه كتير لتبريدها بالردياتير

جزاك الله خيراً يا باشمهندس سمير
وشكراً لاهتمامك بالرد

رد: عايز روشتة علاج للبوجيهات المهببة من دكتور ؟

اقتباس:

المشاركة الأصلية كتبت بواسطة AMMI (المشاركة 671833)

أذيك يا باشمهندس سمير
انا عندى ترموستات بتركب على الريداتير وديه هيه اللى بتخلى مروحة الريداتير تدور عند 90 درجه تقريبا او اقل على ما اعتقد

وفعلا بايظه بس انا بشغل المروحه يدويا بعد ما امشى بالعربيه لمده 10 دقايق مثلا واتركها شغاله طول الطريق والبنزين نىء.
هل ده سبب المشكله ام ان حضرتك تقصد ترموستات تانيه

تصرفك ده غلط
هات ساعة المروحة بنفس درجة الحرارة المذكورة فى الكتالوج
واعتقد انها 90

رد: عايز روشتة علاج للبوجيهات المهببة من دكتور ؟

السلام عليكم
ارجو ان يتكرم احد الاخوة بذكر الرقم الاصلى للبوجيهات للسياره برايد سيدان للاهميه وشكرا