رد: أخيرا مهندس بيفهم بجد فى كهرباء السيارات ومش بيفتى
 

تصدق فعلاً إن حضرتك عندك حق.. خلينا نصيغ الخبر بشكل تاني علشان مايبقاش دعاية:
يا جماعة فيه واحد كويس قوي بيشتغل في الستروين و مش مغلواني و محترم جداً.. بس مش هاقدر أقولكم أي تفاصيل عنه علشان أ/أحمد عادل مايزعلش و يفتكر إني بعمل دعاية.. و كمان مش هاكتبه في أي مكان تاني علشان أضمن إن ماحدش يستفيد.. و تفضلوا تدوروا علي مركز صيانة أو ميكانيكي كويس و لغاية لما تلاقوه تكونوا دفعتوا دم قلبكوا في أماكن كلها نصب أو ناس بتفتي

إيه رأيك كدة يا أحمد بيه أظن صياغة الموضوع كدة عظيمة و ومفيدة أكتر و أهم حاجة مافياهاش دعاية :w6w200504112236376d

رد: أخيرا مهندس بيفهم بجد فى كهرباء السيارات ومش بيفتى
 

كلام حضرتك مظبوط ميه في الميه.. و للأسف هو ده اللي حصل معايا بالظبط :010104~171:

رد: أخيرا مهندس بيفهم بجد فى كهرباء السيارات ومش بيفتى
 

أولا يا ريت بلاش لهجة السخرية دي بعد اذنك
و تعالى نتكلم بموضوعية شوية
صاحب الموضوع داخل أول حاجة عملها كتب عنوانه بالتفصيل و تليفونه,مش ده دعاية
لأ و إيه طلع باقي مراكز الخدمة مبيفهموش حاجة و إن هو المنقذ :)
'استاذ سامح ربنا مايجعلنا من قطاعين الارزاق, ممكن مكان أكون شايف انه خربلى العربية بس انت تروح هناك يفيدك فى اللى انت عايزه, فمعلش بلاش نذكر اسامى هنا بس النصيحة اللى هديهالك انك لو عايز تعمل حاجه فى كهربة العربية خليك مع فريد شوقى ده احسن واحد من ضمن 7 انا اتعاملت معاهم'
طب إيه رأي حضرتك إن فيه ناس اتعاملت معاه و قالت عليه كلام مش كويس
'يوم مبيت العربية عند فريد شوقي قالي انو غيرلي علبة الفيوزات ب 2000 جنيه وهو معملش حاجة خالص وهي اصلا مش بالتمن ده حاول ماتبيتش العربية عندوا وهات قطعك بنفسك'

و ده لينك للموضوع عشان اللي حابب يتأكد من كلامي
http://www.**********.net/Nile/138484-a-29.html
هي المشاركة رقم 290

و المواضيع اللي عاملينها كلها على نايل موتورز
داخلين تردوا على بعد , حضرتك و صاحب الموضوع
ده غير إن نص مشاركتكم في الموضوع ده
يبقى بعد كل ده أنا المفروض أفهم إيه :)

رد: أخيرا مهندس بيفهم بجد فى كهرباء السيارات ومش بيفتى
 

يا أستاذي الفاضل مبدأياً السخرية مش من طبعي و لكني حبيت أرد على إتهامك الخالي من أي صحة بطريقة لطيفة شوية, ثانياً إعلانات إيه و دعاية إيه اللي أنا باعملها لواحد كل علاقتي بيه إبتدت من حوالي 3 شهور و عملي حاجات في عربيتي غيره ماعرفش يعملها يبقى أكتب في حقه شهادة حق ولا أتجاهله علشان حضرتك ماتزعلش؟! ثالثاً أنا ماليش دعوه مين كاتب إيه و مين زعلان منه و مين بيشكر فيه.. أنا بنقل اللي حصل معايا للناس و سواء كتبته في نايل موتورز و لا مصر موتورز ده مايفرقش مع حضرتك في شيء لأن كل دي إسمها (منتديات) يعني أماكن للتجمع أونلاين و مشاركة الخبرات و التجارب و لو الإدارة شايفه إن ده إعلان أو فيه أي نوع من التجاوز كانت نبهتني و أنا كنت هاحترمها لأني باحب القواعد و بحترمها.. رابعاً و ده الأهم يا ريت حضرتك تهتم بإدراج مشاركات مفيدة للأعضاء بدل ما تضيع وقتك في تتبع مشاركات الأخرين لمجرد إنك تثبت وجهة نظرك بدون أي أساس من الصحة.
شكراً لك

رد: أخيرا مهندس بيفهم بجد فى كهرباء السيارات ومش بيفتى
 

رد: أخيرا مهندس بيفهم بجد فى كهرباء السيارات ومش بيفتى
 

حضرتك أنا مقلتلكش متشكروش ,ده بالعكس إنت بتنقل تجربة ممكن تفيد ناس تانية بس الصورة المبالغ فيها في شكره دي تخلي أي حد يشك :) شكل حضرتك غلبت مع الناس التانية :) كل اللي حصل إني فجأة لقيت اولتراس ل فريد شوقي ظهرت فجأة :) و اسمين متكررين فيها بشكل كبير و مهاجمتك للمراكز التانية ده غير إن الواحد قابل ناس كدابين كتير عالمنتديات و فيه ناس بتعمل دعاية لنفسها ;)

رد: أخيرا مهندس بيفهم بجد فى كهرباء السيارات ومش بيفتى
 

أنا باشكر المنتدى انه خلاني عرفت أذاى اصلح عربيتا
أنا عندا عربية c٥ اشتريتها من شهرين وكان السنتر مش شغال ورحت لكهربائ كنت بات عامل معاه من زمان من اول ما اشتريت العربية ال قبل دى أنا كان معايا أفيو المهم عم جاد لانه كهرباءئ محترم قالى للأسف أنا مش هالهم اشتغل فى العربية دى وديها التوكيل أحسن وفعلا تانى يوم ودينها التوكيل وكانت اول صدمة المهندس المحترم بعد ٣ساعات قالى العربية بناتك محتاجة بي اس اي وها تتكلف ٤٧٠٠جنيه نكد عليا وفضلت أدور وروجت ل٤ لا داعى لذكر اسمهم كلهم اجمعوا ان العربية محتاجة فعلا ذى ما قال التوكيل ودخلت كل المنتديات تقريبا ولاقيت ناس بتشكر فى واحد اسمه فريد شوقى ورحت وإدانة ميعاد بعد ساعتين لانه عنده شغل وروحت بعد ساعتين قولت لما أشوف أخرتها
وشوفوا المفاجئة دخل العربيه اقسم بالله وبعد ١٢ دقيقة قالى تامر بحاجة تانى قولته إيه مش ها تعملها قتلى بابتسامة ثقة وهو بيدوس على الريموت السنتر قفل وفتح وكمان اكتشفت ان العربية فيها وحدة رفع وشغل السنتر ال التوكيل كان عاوز يغير بي اس علشان كده الشهادة لله الراحل ده عبقرى بجد وال مش مصدره انه خد ١٠٠ جنيه بس
اشكر بجد المنتدى الجميل الى وفرلى وخالانى احب عربيتى انه عرفنى أسطورة فريد شوقى والله شهيد على ما اقول