رد: بالنسية لموضوع السرقات للسيراتو .........
 

مصدقينك بس ممكن تشرح لنا وإشمعني السيراتو بس اللي بتدور بلاب توب؟

:thinkW19:

رد: بالنسية لموضوع السرقات للسيراتو .........
 

عارف انت عملت زى اللى قال "لا تقربوا الصلاة" ومكملش بقيت الاية, اولا الفيديو ده بيتكلم عن نظام تامين للعربيات اسمه Viper زيىه زى اللى موجدين فى السوق بس هما ضافوله سوفتوير يخلى الموبيل يشتغل زى الريموت , يعنى مش اى عربية يتعمل معاها كده ده بس للعربيات اللى مركبة Viper security system:fun_36_1_47[1]: بس خلاص ... حد معاه كباية ميه

رد: بالنسية لموضوع السرقات للسيراتو .........
 

الفيديو مثال فقط لامكانية الفكرة لان البعض فى مصر لا يصدق ذلك
اما بخصوص السرقات عمومافى امريكا و الدول الاوروبية من سنة 2000و الان فى مصر بعد 12 سنة تتم كالاتى:
1-و انتى بتركن تلاحظ شباب بلاب توب قاعدين طبعا مفيهاش حاجة
بعد ما تركن و تنزل هتقفل يالريموت
هو ده اللى هما مستنيينه
الاب توب زى ما بيلقط الواى فاى و البلوتوث توجد حاجة شبة الفلاشة تجعله يلقط الموجة الصادرة من الريموت و تسجيلها و بمساعدة برنامج software
بعد ما سيادتك تمشى يعملها re-send
تفتح
اما السيراتو فالموضوع اسهل لان فى برنامج يقدر يتوقع الطول الموجى لريموت العربية من s.n. ,و الارقام الموجودة على الاستيكر و لذلك لو ركزت هتلاقى مكتوب على الاستيكر رسالة للوكيل او البائع مكتوب
( ينزع قبل البيع )لان دوره انتهى فى عملية البيع من المصنع للدول و الوكلاء

بس طبعا الشعب المصري بيحب اوي الورق و الكراتين فبيسيب الاستيكر و ساعات ورقة الميناء اللى على الازاز الامامى

و لاحظ ان 99% ان مكانشى كل العربيات اللى بتتسرق هى اللى فيها اجهزة انذار و اللى فيها start engine اسهل من السهولة
و اللاب ممكن يفضل مدى اشارة كان المفتاح قريب
و يقال ان البرنامج مسرب من الخارج و مستخدمينه مش مصريين و انتوا عارفين العربيات بتروح فيين .......
الدنيا بتطور و الحرامية كمان (معظمهم متعلمين) و خلاص نظام كسر الهواية قدم و مع اعتماد السيارات على وحدة كمبيوتر بيسيطة هى اللتى تعطى الاوامر فاصبح من السهل التحكم بالسيارة اذا عملنا hacking للاشارة
و احب اقول ان البى ام و المرسيدس تم اختراق تامين سياراتهم فما بالك بالكوري
دول هكارز زى المتخصصين فى ضرب البرامج و الويندوز و بطاقات الائتمان دول بقى فى اجهزة الانذار اللى مصممها ناس بردو
اما عن احسن سبل التامين فهى عدم الاعتماد على اجهزة الانذار فقط لكن الاعاقة الميكانيكية لحركة الطارة او الدواسات مطلوبة

و ربنا هو الحامى و الحارس و المستعان

و للاخ ahesham اشكرك على طريقتك فى الرد

رد: بالنسية لموضوع السرقات للسيراتو .........
 

الاخ الكريم bunnybunny77
بغض النظر عن اسلوب الزميل ahashem فى الرد ...
الا ان كلامة مضبوط 100% من ناحية الجهاز
http://www.viper.com/

رد: بالنسية لموضوع السرقات للسيراتو .........
 

يعنى عايزنى اجبلوكوا منين فيديو حرامى و هو بيسرق عربية باى فون او لاب توب انا حاطط الفيديو كمثال للناس اللى مستبعدين الفكرة و عارف انه viper

اهو برنامج السرقة شكلو كدا و بيعمل نفس الشغل

,و للاخ tarek rccاحب اقولك افادكم اللة و شكرا على الملاحظة غاية فى الاهمية بجد شكرا جزيلا

,و اوعدك
اول ما حرامى يقبل يتصور هحطلكم الفيديو:shyy:

رد: بالنسية لموضوع السرقات للسيراتو .........
 

الكلام صحيح وفى اجهزة بتسجل اشاره الريموت فعلا وكل الكلام ده صحيح واحب اقول شئ ذياده على الكلام ده
فى مفتاح بيتباع فى الصين موش فى مصر وفى اوروبا بردوا المفتاح ده فيه اكتر من زرار عامل زى ريموت وفيه مثلا 8 زراير تمام كل زرار بيطلع موجه مختلفة عن التانية والحرامى لو معاه الريموت ده الله اعلم هو جابه منين فى مصر وال هو خلى حد اشتراه من بره ليه المهم ان هو بيجرب يدون على الزراير بالترتيب لغايه ما فى موجه بتلقط فى جهاز الانذار والسنتر وبيفتح العربية عادى خالص ولما يدخل خلاص اسهل شئ انه يدور العربية لو كان هو كهربائى

رد: بالنسية لموضوع السرقات للسيراتو .........
 

اول واحد يصدقنى احمدك يا رب
اهو البرنامج اللى بقولوكوا عليه بيصدر كل الترددات المستخدمة عادة فى اجهزة الانذار و فى برامج معمولة لماركات معينة بتعرف الطول الموجى من السيريال بتاع العربية او من رقم الشاسية
و البرنامج منه فيرجن بيتسطب على الاى فون و البلاك بيرى
انا شوفت شباب صيع شكلهم حرامية برا مصر و كنت راكن فى باركنج تحت الارض و فجاءة كل العربيات اشتغلت فيها سارينة الانذار اكتر من 200 عربية تصوروا الصوت و ربكة الناس و فى ناس افتكرت فى حاجة فرقعت و جريوا

و هما قاعدين فى عربية و معاهم لاب توب و قاعدين يضحكوا على الناس و حظى ان عينى وقعت عليهم
و بعديها كل اللى معاه ريموت كانه مش شغال خلاص هما اللى بيتحكموا حوالى 10 دقائق مموتين الارسال من الريموتات و بعديها مشيوا و كل شيىء رجع طبيعى و شكلهم كانوا بيجربوا حاجة فى دماغهم
الغرض انى اقول ان السرقة اتطورت و لازم الناس تصدق
و الله انا بنصح لوجه اللة و عايز الناس تغير ثقافتها و تتطور و تعرف انه زى ما انت بتنزل تنقى جهاز انذار و كل اللى همك ان يكون ريموته شيك فى ناس تانية بتقرا بيانات المدى الموجى و نسبة تكراره و الشركات المحترمة بيكون لكل وحدة سيريال مختلف و ليهم موقع على النت بتعمل ريجستريشن عليه و فى دلوقتى اجهزة انذار متصلة بالقمر الصناعى و بتدى اشارة شبة ال gps و بتحدد موقع السيارة لو اتسرقت متهيالى هتنزل مصر خلال 3-5 سنوات و هى اجهزة المانى و روسى و فرنسى و سويدى
كما ان هناك جهاز لقفل الوحدة الاساسية لكمبيوتر السيارة برقم سرى و فعلا مستحيل هتدور باى شكل تانى لازم pass قبل ما تدور
التجار بتوعنا بيحبوا المكسب 99% و عشان كده 99% من المنتجات اللى عندنا هى منتجات بالنسبة لينا حلوة و جديدة و فى كرتونة و كيس و دى اهم حاجة :w6w2005041113562663
بس هيا عفا عليها الزمن بره
حتى العربيات بتبقى موديل 5 سنين فاتوا و يقولك 2012 و يبيع و يرخص و الناس تضحك علينا
انا عمال انبه و انصح لانى عارف اللى بيجيب عربية جديدة فى مصر بيكون حاطط نسبة كبيرة ان مكانشى معظم اللى حيلته فيها على عكس الاجانب العربيات ببلاش عندهم كمان التامين محترم و بيديك تمن العربية لو اتسرقت بدون مماطلة او بخس و لو لقوها شركة التامين بتجمعهم و بتعمل عليهم مزاد و بيقولوا دى عربيات كانت مسروقة و محدش بيخسر لا الشركة و لا الناس


انا مش عارف اييه اللى حصلنا و حزين جدا

و مش قادر اكتب اكتر

انا بحب بلدى و ناسها بس حاسس كانى بحلم بكابوس


و ربنا يسلم الجميع و تحت امركوا فى اى استفسار