رد: استشارة بخصوص موتوسيكل صينى
 

يا باشا بلاش موتسيكلات خالص العضو الكريمabu ruqayyah مجرب وبيقلك خطير جدا وحضرتك هتركب زوجتك وابنك الصغير فبلاش منه احسن واقضيها حتي مواصلات لو مادياتك متسمحش تجيب عربيه عشان تأثر السلامه ليك ولاسرتك

رد: استشارة بخصوص موتوسيكل صينى
 

انا لسه شاري دايون 40 من اسبوع
وفي حلاوه اكسبريس نفس شكل الدايون ونفس قطع الغيار طبق الاصل لكن سعره ازيد من الدايون 500 جنيه ومش عارف ايه السبب
لكن ال 2 نازلين بالدواسه الجديده الدواسه الحريمي
وزي ما الاخ قالك لن بعد اللف والدوران خليك في الدايون 40 او حلاوه اكسبريس الاثنين الاكثر انتشارا مش اي كلام انتشار علي مستوي الجمهوريه في جميع المحافظات
الاثنين طلمبه البنزين ياباني وممكن بعد فتره تغيير الكاوتش الامامي والخلفي بكاوتش عريض لثبات اكثر
ولازم تركب اكصدام امامي في ب50 وفي 70 جنيه ضروري لحمايه الموتوسيكل وحمايه رجليك
ولو ان الموتوسكل خطر جدا جدا جدا
وغير عملي في الشتاء نهائي

رد: استشارة بخصوص موتوسيكل صينى
 

متابع......

انا حاولت أتعلم من كام سنة

بس الفتيس اللي في الرجل مشكلة :w6w200504112220146b

شكرا خاص للدكتور نوح وأبورقية

رد: استشارة بخصوص موتوسيكل صينى
 

لو بتعرف سوق عربيات تسوق الموتوسيكل بسهوله
انا طلعت بالموتوسيكل بدون تعليم نفس فكره العربيه لكن بتغير رجلك ويمكن غياراته اسهل من العربيه
لانها كلها في اتجاه احد

رد: استشارة بخصوص موتوسيكل صينى
 

المشكلة إني بسوق عربيات من زمان علشان كده مش عارف أظبط أعصابي على الفتيس في الرجل.

وكمان الفرامل اللي في الرجل, بتلخبط ساعة الوقوف أنزل رجلي على الأرض ولا أدوس فرامل.

العربيات أحسن وأريح :CHUBBY~36:

رد: استشارة بخصوص موتوسيكل صينى
 

نفس مشكلتي مع السيارات مع اني باعرف اسوق بس باتلغبط كتير ..
مع ان الموتسيكل غير عملي في الشتا بس الواحد اتعود عليه...

رد: استشارة بخصوص موتوسيكل صينى
 

الف شكر عى النصيحة لكن بكل الاحوال الموتوسيكل ولا العجلة تى ارحم من المواصلات فى المنطقة اللى انا فيها"ربنا ما يوريك" الزحمة فى الاتجاهات والاهمال سيد الموقف
اشكرك جد على المعلومات القيمة دى وربنا يجازيك خير
الواحد كل يوم يعرف معلومة جديدة ومفيدة
الف شكر