المشاركة الأصلية كتبت بواسطة memodina1 (المشاركة 550918) بصو يا جماعة انا فكيت الكوتشة اللى على الفورش اللى داخل فيها الصليبة المهندس فى التوكيل قالى بلاش زيت عشان ميخشش على الاسطوانة مش عارف الكلام دا صح ولا غلط المهم حطيت wd40 ورشيت براحة كدة خفت عشان كلام الراجل انة يدخل على الاسطوانة المهم قفلت الصوت راح بنسبة 80 فى المية انا بقى عايز ارش تانى يمكن يروح خالص ويختفى ولا استنى لحد يومين كدة يمكن يلين ولا بلاش الرش هنا اساسا ارجوا النصيحة لو حد حط زيت فى الفورش لانى كدا انا اتاكدت انة من الفورش مش الدواسة

ربنا يعلم انا بحبك فى الله وكفاية تعبك وردك واهتمامك وفعلا انا بستفاد من مواضيع قديمة هنا ويارب الكل يتعلم بس الحمد لله التزيق كان سببة فعلا انى الفورش عايز يترشلة wd40 بس بكمية كبيرة شوية اصلى اول مرة ارشة والحمد لله انها جت على اد العشرين جنية بتاعت الاسبراى
دى الصورة يا جماعة هتشيل الكوتشة هتلاقى دراع عامل زى الصليبة اللى استاذ احمد قال علية رش من ناحية اليمين لو انت واقف عند صدر العربية يعنى ترش ناحية العجلة الشمال اللى عند كرسى السواق
عشان انا سالت فى الموضوع دا كتير اووووووووووووى
رش كتير متقلقش خالص بس على مراحل
سيبة خمس دقايق وخلى حد يدوس دبرياج للاخر هتلاقى الحديدة اترفعت شوية رش تانى حبة حلوين كدة وكارك جامد متخفش عليها جامد وكذا مرة وبعدها ركب الكاوتشة وحط شحم ابيض على الدراع من برة بعد تركيب الكاوتشة ويارب خير ان شاء الله
http://s017.radikal.ru/i434/1111/e1/7f1d463c09ce.jpg

والله يا جماعة الصوت كان رخم جدا جدا فعلا كل ما تعلم الانسان ايقن انة يجهل الكثير
كل الشكر للاعضاء اللى ساعدونى وشكرا استاذ احمد وبارك الله فيكم جميعا