مصر موتورز مجتمع السيارات - بصوا يا جماعه الصوره دى هيا دى عقدتى اللى منكده عليا فى السواقه

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

رد: بصوا يا جماعه الصوره دى هيا دى عقدتى اللى منكده عليا فى السواقه

اقتباس:

المشاركة الأصلية كتبت بواسطة فادي مكرم (المشاركة 547752)

لا عادي
وانا زيك بس بقيت واخد بالي يعني انا شايف ان هخبط بس انا عارف ان فيه مسافه ف بطلع سنة

وحتة التقاطعات دي وحشة قوي
لان فى شوارع ضيقة مهما عملت تروح وترجع وهتحرق دمك وهي اصلا متجيبش ماروتي تعدي فيها
للامان وراحة البال امشي 5 دقايق زيادة احسن ما تقف ساعتين تعدل العربية ولاقدر الله تتحك منك
ومتخفش كلنا كدة ^^ :)
تحياتي

شكرا يا استاذ فادى واللهى انتوا رفعتوا من روحى المعنويه والواحد مستنى العربيه تيجى من عند الميكانيكى بعد عمره كبيره فى الموتور و عندى امل انى انزل واسوق كتير زى باقى الناس
وانا فعلا كنت ساعات لما بلاقى الشارع ضيق اوى والدنيا ورايا زحمه كنت باخد القرار انى الف من حته تانيه وخلاص

رد: بصوا يا جماعه الصوره دى هيا دى عقدتى اللى منكده عليا فى السواقه

طب سؤال اخير بقى هل ممكن تكون المشكله دى بسبب انى بسوق جيب شيروكى وهيا عربيه كبيره ؟؟

رد: بصوا يا جماعه الصوره دى هيا دى عقدتى اللى منكده عليا فى السواقه

اقتباس:

المشاركة الأصلية كتبت بواسطة ahmedraafat00 (المشاركة 547754)

طب سؤال اخير بقى هل ممكن تكون المشكله دى بسبب انى بسوق جيب شيروكى وهيا عربيه كبيره ؟؟

طبعا انت لو فضلت تسوق الجيب و جربت تسوق عربية سيدان لانوس ولا فيرنا هتحس بفرق شاسع ف المقاسات والابعاد

الجيب عالية وكبوتها طويل
بس دى مش مشكلة , المشكلة لو متعودتش على ابعادها

رد: بصوا يا جماعه الصوره دى هيا دى عقدتى اللى منكده عليا فى السواقه

اقتباس:

المشاركة الأصلية كتبت بواسطة فادي مكرم (المشاركة 547765)

هوا انا مش بسوق باستمرار فبالتالى مش حافظ ابعادها كويس
وساعات بحس ان العربيات الواطيه بتبقى اسهل مش عارف احساسى ده صح ولا غلط

رد: بصوا يا جماعه الصوره دى هيا دى عقدتى اللى منكده عليا فى السواقه

اقتباس:

المشاركة الأصلية كتبت بواسطة ahmedraafat00 (المشاركة 547748)

شكرا يا باشا على ردك واهتمامك و ان شاء الله هنفذ النصايح دى بس عندى سؤال بما اننا لسه جداد فى السواقه انا ساعات بحس ان بوظ العربيه خلاص هيخبط ولو نزلت بصيت بلاقى فى مسافه كافيه انها تعدينى هل انا لوحدى كده ولا حضرتك واغلب اللى الناس مروا بالمرحله دى ؟

لا طبعا مريت بالموضوع ده وكان مجنني , بس عملتله حل حلو أوي
بص يا سيدي تعالي في حتة فاضية شوية فيها عربية راكنة وخش وراها اول ما تحس انك هتخبط هدي السرعة على الأخر خالص ( يعني يدوب امشي دبرياج بس ) واعد اطلع شوية شوية , لحد ما بوز العربية يلصق في ضهر العربية التانية بس اوعا تخش جامد فيها ههههههههههههه , لو خايف هات حاجة تانية غير العربية بس انا بفضل عربية عشان الاسباب اللي هقولهالك دي
اول ما تسمع صوت التصاق عربيتك بالعربية التانية تقف على طول وخد بقى وقتلك وبص قدامك وانت قاعد , كدة هتعرف ان المسافة دي معناها ان العربية لصقا في العربية , بعد كدة ادي مرشدين وارجع شوية صغيرة وبص برضة , لحد ما تظبط مسافاتك , اعمل الموضوع ده في الرجوع برضه , هتلاقي انك عرفت ان المسافة دي معناها كام (سم ) من العربية اللي قدام واللي ورا وهكذا وبالممارسة هتلاقي نفسك لوحدك بتقدر المسافات , بس حاول تسوق كتير , مع تحياتي

رد: بصوا يا جماعه الصوره دى هيا دى عقدتى اللى منكده عليا فى السواقه

الحل في الموضوع ده هو إنك تحفظ أبعاد عربيتك وتقدر أبعادها كويس، وكويس إنك راكب عربية كبيرة لأنك كده بتتعلم على الأصعب، وبعد كده لو ركبت عربية أصغر حتبقى السواقة أسهل بكتير

أنا اتعلمت على عربية كبيرة شوية وكنت بسوق في شوارع ضيقة وكلها دورانات زي ما إنت راسم كده، والحمد لله... مرة بعد مرة بقى الموضوع مش مشكلة أبدا، لدرجة إن باقدر أدخل بالعربية في أماكن في ناس كتير بتخاف تخشها بعربيات أصغر

بس زي ما قالولك كده... حاول تتمرن في أوقات وشوارع رايقة، وفي الأول خد حد معاك عشان يقف برة العربية ويساعدك

...

رد: بصوا يا جماعه الصوره دى هيا دى عقدتى اللى منكده عليا فى السواقه

اقتباس:

المشاركة الأصلية كتبت بواسطة SHERIF MARLBORO (المشاركة 547395)

مش عارف اقولها ازاى!!
بص انت تاخدها على وسع بمعنى لو انت داخل يمين زى الصورة ده تمسك شمال على أد ما تقدر و عند أخر نقطة ممكنة تكسر عجلك كله يمين سعتها هتجيبك حتى لو على مرتين!!

الله ينور عليك زى ما ئال الاستاذ شريف امسك شمال و اكسر العجل كله يمين بس خد بالك اول ما تحس ان العربيه هتعدى رد العجل تانى بسرعه احسن تبهدل اللى على اليمين