مصر موتورز مجتمع السيارات - لوجان ولا m 11 ولا افيو ( فئة السبعين الف المحيره )

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - لوجان ولا m 11 ولا افيو ( فئة السبعين الف المحيره ) (https://www.masrmotors.com/vb/showthread.php?t=69800)

رد: لوجان ولا m 11 ولا افيو ( فئة السبعين الف المحيره )

اقتباس:

المشاركة الأصلية كتبت بواسطة Mr.NoLoVe (المشاركة 532380)

ايوه اشترى الاسبرانزا الفقيره عربيه شكل وفخامه وبهرجه ملهاش حل بس خامات ال 128 انضف منها ميت مره يعنى من الاخر عربيه خيش وقش وكرانيش

ومن ناحيه اللوجان انا معاك ان شكلها مش عاجبك لان احنا للاسف شعب جاهل ويقولك الشكل وخطوط الايرودينامكس والتصميم الخ زى الانترا الجديده انا بس عايزك تبص على البى ام والمرسيدس الناس دى بتهتم بالايرودينامكس للتعليش والشاسيه مش البودى الخارجى وده اللى موجود فى اللوجان

بالنسبه للفيرنا والافيو عربيات فقيره جدا جدا جدا كفايه اوى انك تبقى ماشى والناس تفتكرك سواق تاكسى

ولو عايز النصيحه والله اللوجان جميله وخامات ممتازه امان عالى عربيه اوروبى وبمواصفات اوروبيه وسيبك من الشكل انا اقسم بالله انا لما بمشى ف الشارع الناس بتبقى عينيها هتطلع تركب معايا فى العربيه
يا عم والله اللوجان جميله ولو اشتريتها مش هتندم لانها افضل سياره فى الفئه دى

اولا فى اسلوب احسن من كدة لان دة نقاش مش خناقة و بالنسبة لموضوع التاكسى انا شفت 5 لوجان تاكسى ابيض يعنى اديه كام شهر و حتبقى زى الفيرنا و الفيرنا الى مش عجباك عملة اعلى مبيعات 2009 2010 و عربية احسن فى نظرى من 100 لوجان دة كفاية موضوع الشنطة و التنك ابو مفتاح و الكرسى ابو بكرة كانى راكب 128 HPPYBUSو بردو ارجع و اقول ان دى مش خناقة لاكن مش عشان عربيتى فيرنا اخش اشتم فى بتوع اللوجان و العكس

رد: لوجان ولا m 11 ولا افيو ( فئة السبعين الف المحيره )

اذا كنت محتارة بين الافيو او اللوجان يبقى خدي مني انا الخلاصة ..
انزلي هاتي اللوجان ..
و بدون تفكير ..
انا كان معايا افيو 2006 كوري زيرو و بعتها و جبت لوجان بعدها..
اللوجان احسن مليون مرة ..
لأ..
3 مليون مرة ..
الافيو عربية وحشة جدا ..
و جربي كده و ادخلي قسم الافيو هنا و اتفرجي على شكاوي الناس ..
ده الناس اختلفت هنا في المنتدى على كل حاجة و اتفقوا على سوء عفشة الافيو و ضعف تكييفها ..:fun_Meting:
و على فكرة اللوجان مليانة اوبشن يا اخوانا .. انا موش عارف ليه الناس بتقول عليها مفيهاش امكانيات ..
بس لو كارهة شكل العربية ( و دي بتبقى راحة نفسية) يبقى فكري في اللانوس احسن مليون مرة من الافيو و عن تجربة برده انا كان معايا لانوس قبل الافيو ..
و ممكن تبلبعي حكاية الشكل دي و تجيبي الساندرينو .. شكلها ارحم ..
الام 11 انا معرفش عنها حاجة الصراحة ..
و ربنا يوفقك .. :THE_PR~18: