|
رد: حلوه بلادي
اسمحلى اجاوبك بطريقه اللى قاعد قدام مفيد فوزى
بلدنا يا تامر باظت بجد مبقاش فيها مستقبل لاى حد الجيل الجديد طالع فاشل وليه عزره بص انا بشتغل على اد ما بشتغل وبيطلع عينى ومش عارف اشيل فلوس برغم ان انا مرتبى كويس كل حاجه مولعه نار ولو جبت ورقه وقلم وحسبت ابسط حقوق الانسان انو يتجوز هتلائيه محتاج نص مليون جنيه علشان بس يتجوز مستور حتى العربيات بره بتراب الفلوس على بال ما تيجى بلدنا من غير كماليات تلائيها بقت بميت الف وشويه قولى والنبى انا اقعد هنا اعمل ايه غير الناس اللى بقت وحشه اوى كلوا بيدور على مصالحه الشخصيه فكر معايا وقولى ايه حلو ف مصر يخلينى اصبر عليها صدقنى هتقول لنفسك ولا حاجه |
رد: حلوه بلادي
فيه مقوله بعتبرها من المقولات الذهبيه وهي :
اذا كنت ملزما فاستمتع يعني اذا كان الزامي عليا وعليك وعلى المصريين الاقامه في مصر بظروفها الحاليه فالصح اننا ستمتع بالاقامه فيها لحد ما تيجي فرصة سفر طيب استمتع ازاي في ظل كل اللي بتقول عليه ؟ الدنيا غاليه مولعه نار والناس بقت غريبه والمستقبل مش واضح انا عن نفسي بواجه صدمتي في الفلوس لما بلاقيها بتطير اني بقول الحمد لله اني معايا اصرف ومش مضطر استلف والناس الغريبه اللي حواليا اللي مش هاممهم الا مصلحتهم بتعلم منهم ازاي اهتم بمصلحتي وما اهملش فيها اما المستقبل فانا ما بديش ودني ابدا للشائعات وعارف ان مستقبلي بعمله دلوقتي شوفت ياسيدي الدنيا بسيطه ازاي ؟ اصل لو معملتش كده ممكن اطق اموت ياللا استمتع بقى |
رد: حلوه بلادي
عندك حق... فعلا الغلاء وزياده الاسعار في كل السلع بياكل اللي الواحد بيوفره....
|
رد: حلوه بلادي
اقتباس:
بس فعلا انا مبقتش عارف اتاقلم مع الوضع الحالى خصوصا ان انا شاب من حقى احلم بس انا بطلت احلم من كتر السواد اللى حوليا ف كل حته عمار يا مصر |
رد: حلوه بلادي
اقتباس:
من جشع التجار ف جميع المجالات وكلوا بيركب الموجه بجد ربنا يعينا على اللى احنا فيه |
رد: حلوه بلادي
اقتباس:
الغلاء ده موجود في كل حته ف العالم و بصوا على اسبانيا واليونان مثلا ولو ان الكلام ده ممكن حد يفتكره بره الموضوع لان الموضوع اساسا عن اكتوبر لكن فيه لمحه مهمه اضافها ايمن crime ان مافيش طعم السنه دي لذكرى اكتوبر فالموضوع اتحول دلوقتي للسؤال ليه زعلان من مصر ؟ عاوز اقول حاجه كمان رغم ان الدنيا غاليه نار الا ان برضه المصري طلباته كتير شويه يعني النهارده فيه ناس محدودة الدخل جدا وتلاقيه شايل موبايل ؟ بعض من اصحاب الدخول المتوسطه لازم يشتري هدوم في جميع المناسبات طيب هيوفر ازاي ؟ دا غير التنافس الشرس في اقتناء السيراتو (والكورولا والانترا كأمثله بس مش اكتر ) والاسراف الشديد في استهلاك المواد الغذائيه ماشي ماشي فيه ناس مش لاقيه ماشي لكن بص لكمية الناس اللي لاقيه وبتصرف بتهور زايد هما دول اللي بيغلوا الاسعار بدون ما ياخدوا بالهم وفيه زيهم كتير على مستوى العالم بيعملوا نفس الازمه والاسعار بتزيد بجنون هاشوف لكم اغنيه حلوه اسمعهالكم |
رد: حلوه بلادي
يا مصري ليه دنياك لخابيط و الغُلب محيط
و العنكبوت عشش عالحيط و سرح عالغيط يا مصري قوم هش الوطاويط كفاياك تبليط صعبة الحياة و الحل بسيط حبة تخطيط.. فتحت باب استيرادك.. و صرفت فوق ضعف إيرادك حلي للخواجة استكرادك.. سابك بتقرا في أورادك و ده قشَطّكْ و نزل تشفيط.. و مهولاتي تحب تزيط... ساعة الفرح زغاريط تنطيط... و في المياتم هات يا صويت.. و في المظاهرات سخن تشيط .. و في الإنتخاب تنسي التصويت... و ليه بترشي و تتساهل ... و تضيع حقوقك بالساهل تستاهل النار تستاهل.. يا غويط و يحسبك الجاهل ساهل و ساهي و غبي و عبيط.. يا مصري ياللي الغلا عاصرك... و النهب في عصرك حاصدك قوم للحياة و اسبق عصرك.. و لا حاجة حترجع مصرك إلا ان تكون شغال و نشيط. |
| الساعة الآن 09:17 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017