|
رد: الاتجاة المشاكس (شيرى وسبيرانزا) موضوع للنقاش حول تجربة السيارات الصينية فى مصر
اقتباس:
السوق المصرى مثل كل الأسواق الاخرى, تؤثر فيه الحملات الدعائية بشكل كبير, و معظم وكلاء السيارات الصينية شغالين بأسلوب واحد, عربية رديئة, كثير من الاعلانات, بيع كتير, و لما الناس تكتشف رداءة المنتج, هات عربية جديدة و قول انها تجاوزت عيوب الماضى, و معلش اصل الصينيين لسه فى الأول لازم نقف جنبهم و نشجعهم و كأنهم من بقية اهلنا!! و افتكروا الى حصل مع جيلى. الحاجة العجيبة بقى فى الموضوع كله, انو عدد الشركات و الموديلات الصينية ضخم جدا بدرجة تثير الريبة, يعنى تعودنا انو الشركات الجديدة غالبا ما تصنع موديل واحد او اتنين بكثير مثل بروتون أو يوجو مثلا معتمدة على موديلات سابقة من شركات أخرى, طب منين بقى الصينين جابوا كل هذه الشركات و الموديلات و التى أكاد أجزم انها تتجاوز عدد الموديلات و الشركات فى دولة كألمانيا مثلا, التى يعتمد اقتصادها على السيارات بشكل كبير؟! و ازاى يتم تطوير الطرازات بهذه السرعة, و منين الفلوس دى كلها, تطوير طراز ما و وضع خط انتاج له عمل يسلتزم فترة زمنية كبيرة و اموال كثيرة, طب منين و احنا كل يوم و لا اتنين نشوف طراز صينى جديد نازل؟! اعتقد انو فيه مافيا لسرقة مكونات السيارات الاخرى و اعادة تصنيعها و تركيبها فى سيارات صينية, ده التفسير الوحيد لما يحدث, خاصة انها لا تبيع كثيرا, و مبيعات السيارات الصينية كلها دون المستوى, و انتشارها يتركز أساسا فى اسواق الدول النامية فقط. |
رد: الاتجاة المشاكس (شيرى وسبيرانزا) موضوع للنقاش حول تجربة السيارات الصينية فى مصر
أكيد طبعا الصينين بيعتمدوا على أفكار الأخرين فى تطوير سياراتهم و منهم بيمشى قانونى و منهم بيسرق عينى عينك
أقصد بالقانونى إنه يستعين بمصمم أوروبى مثلا و يستعين بمكونات من شركات معروفة و يستعين بتكنولوجيا و إبتكارات شركات عريقة بالإتفاق معها. لكن أكيد فيه مصنعين تانين بيقلدوا أو بيقتبسوا إذا ما كانش بيسرقوا من أول تصميم السيارة لغاية أصغر مسمار. أمال مش عايزين يعترفوا بحقوق الملكية الفكرية ليه. كمان فى الصين عندهم استعداد يمطروا على الناس بالمنتجات من كل المستويات بس حد يقول هات بمعنى عندهم قدرة و طاقة إنتاجية هائلة - الظاهر إنهم لما بيعملوا صناعة من أى نوع بيبقوا عاملين حسابهم إن الطاقة الإنتاجية بتاعتها تغطى العالم كله بدون مشاكل بالإضافة إلى إن السوق بتاعهم الداخلى فى حد ذاته كير جدا و يقدر يكبر أى شركة بسهولة و بدون لإعتماد على أسواق التصدير ... زاى أمريكا (بدون تشبيه فى جودة الصناعه و الله - لكن فى حجم السوق بس) ..... أمريكا أسباب عظمتها إنها STAND ALONE يعنى الدولة الوحيدة اللى ممكن تكتفى ذاتيا (فيما عدا البترول) و ده اللى خلى شركاتها عملاقه رغم عدم اتنشارها خارجيا (فورد - جى إم - كرايسلار بالمقارنة بتيوتا و هوندا اللى بتعتمد على مبيعاتها فى أمريكا الشمالية علشان تقدر تتغلب على العمالقة الأمريكان) نتيجة لإن السوق الأمريكى من الضخامه اللى تخليه يستوعب الإنتاج المهول للشركات الأمريكية من غير ما تشغل بالها كتير بالتصدير ..... أسف الموضوع إتحول منى لكن أقصد إن السوق الصينى ممكن يكون شبه الأمريكى بس على أصغر يعنى يقدر يستوعب إنتاج كبير و تنوع كبير فى الموديلات و ده قبل ما يفكر فى التصدير بالنسبة للعدد الكبير للشركات الصينى برضه علشان الصناعة لسة فى بدايتها و ده حصل فى اوربا و أمريكا لغاية ما ابتدت تظهر كيانات عملاقة تقدر تضم عدد من الأسماء تحت جناحها (زى ما حصل لفولكس و بى إم و رينو و فيات عبارة عن سبع تمن أسماء فى بعض) (جى إم و كرايسلر عبارة عن خمس ست شركات أمريكانى قديمة) اللى يهمنى فى الموضوع ده إن الناس ما تستهونش بالصينى لأن بعد فترة ممكن يكون هو من أهم اللاعبين فى السوق و ممكن يكون قاعدة الصناعة فى العالم زى ما حصل فى اللإلكترونيات و الملابس مثلا - يا ترى لو إحنا فى مصر ممكن نستفيد إزاى من الأفكار و الخطوات دى. |
رد: الاتجاة المشاكس (شيرى وسبيرانزا) موضوع للنقاش حول تجربة السيارات الصينية فى مصر
انا عن نفسى جربت الاكسبلوجان مو2008 عربية متوسطة على اد فلوسها بس مش وحشة
|
رد: الاتجاة المشاكس (شيرى وسبيرانزا) موضوع للنقاش حول تجربة السيارات الصينية فى مصر
ايه ياعم اللي انت بتقوله ده ليه بتكلم كده بدون علم وكانك متاكد ... لاحول ولا قوة الا بالله خليك موضوعي ومنطقي في كلامك
|
رد: الاتجاة المشاكس (شيرى وسبيرانزا) موضوع للنقاش حول تجربة السيارات الصينية فى مصر
صناعة السيارات في طريقها للإنتقال إلى الصين بصورة شبه كاملة يعني اللي معوش صيني النهاردة بعد خمس سنين هيركب ماركته المفضل ولكن صينية الصنع هناك سيارات صينية الآن تنافس السيارات الكورية رغم أنها رضيعة بالنسبة للسيارات الكورية لكن زمن التلاعب بالعملاء إنتهى الكل كان من قبل يصنع في الصين ويجمع في كوريا وغيرها ويصدر لنا آن الأوان للصين لكي تصدر مباشرة للأسواق وسياراتها درجات كل حسب سعره البيع بناءاً على التاريخ والسمعة الماضية بدون جدين إنتهى إنتهى زمن ال 128 والشاهين أمام الهجوم الصيني وللأسف فقد بدأنا صناعة السيارات قبل الصين بحوالي 30 سنة على الأقل لكن إيه مش عارف الآن أرى أنه مثلاً: سبيرانزا إم 11 تنافس شيفورليه أفيو بي واي دي إف3 تتحدى الفيرنا واللانوس إكسبلوجن زويت تنافس لادا نيفا والأفضل قادم في الطريق أما أن يقول قائل إن الشعب المصري سهل الضحك عليه في السيارات بمظهر جذاب أو بمقدمة ملتوية فهذا قول بعيد عن الحقيقة فالمستهلك المصري قوي الذكاء ولا تستطيع الضحك عليه بمظهر جذاب أو بحديث ممل عن أصالة سيارة من العصر الحجري يتم طباعتها حتى الآن |
رد: الاتجاة المشاكس (شيرى وسبيرانزا) موضوع للنقاش حول تجربة السيارات الصينية فى مصر
لأ ماأعتقدش إن لو معايا 65 - 70 ألف جنيه إني ممكن أشتري عربية صيني بأي حال من الأحوال! ده انا صاحبي معاه الجالينا اللى ب 160 ألف جنيه وخامات البلاستيك وطلاؤه وتقفيله جوه العربية سئ بشكل ملحوظ!. انا لو معايا المبلغ ده أشتري يا جيتا يا فانتازيا!
وفي حدود 65 - 70 ألف أشتري ياأفيو يا نوبيرا وبلاش شغل العك الصيني ده. تحياتي. |
رد: الاتجاة المشاكس (شيرى وسبيرانزا) موضوع للنقاش حول تجربة السيارات الصينية فى مصر
أنا أريد النصيحه لوجة الله تعالى هل أشترى إسبرانزا M11 أم لا رجاء الرد السريع للهميه
|
| الساعة الآن 05:52 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017