مصر موتورز مجتمع السيارات - حادثة بالفيرنا بتاعتي بالصور ... ياريت رأي الخبراء

اقتباس:

المشاركة الأصلية كتبت بواسطة El-masry (المشاركة 484409)

النهاردة عملت اول حادثة ب الفيرنا بتاعتي
و اللي متابع ردودي اكيد عارف انا بحبها اد اية بس الحمد لله انها جت علي اد كدة

تفاصيل الحادث
ماشي في جسر السويسفي الحارة اليمين علي سرعة 40 تقريبا و جة واحد ابن حرام حسبي الله و نعم الوكيل فيه جاي من الحارة اللي عالشمال رامي نفسه عشان يدخل شارع جانبي و الرفرف اليمين ورا عنده خلاص بيخبطني هديت لقيته بيهدي قومت كسرت سنة يمين كان جنبي موتوسيكل جاي بسرعته من علي يميني الراجل بتاع الموتوسيكل كان معاه ابنه بس الحمد لله الراجل و ابنه سلام
طبعا اللي كسر عليا سمع صوت الخبط و طار ماشوفتهوش بس الحمد لله الناس اللي كانت واقفة شافته و الراجل لما قام قالي مش ذنبك انا شفته وهو رامي نفسه
( كنت هقوله طب واقفتش لية يا حاااااج طلاما شايفه بس قولت بلاش ليقلب عليا )

الاضرار عندي
1-المراية اليمين وقعت و دي كانت كهربا ربنا يسهل و اعرف هتنفع تاني ولا لأ
2-الباب اليمين قدام واخد لون ابيض محترم
3-الباب اليمين ورا اتطبق زي ورقة الجرنال
4-جالي صدااااااااااااااااااااااع رهيب من الموقف ربنا مايكتب الخضة دي علي حد

و ادي الصور ياريت اراء الاعضاء الخبطة دي هتترد ازاي و هتضطر اسخن و ارش ولا اية ؟

دة الباب اليمين قدام
http://imageshack.us/photo/my-images...072011079.jpg/

,و دة الشمال
http://imageshack.us/photo/my-images...072011082.jpg/

قلبى معاك وربنا يعوض عليك لانى نفس المشكلة
كنت سيابها فى امان الله ونزلت اشترى حاجة ورجعت لقيت الباب اليمين قدام مخبوط نفس خبطتك دى وتوقعت انه موتوسكيل اللى خبطها وجرى حسبى الله ونعم الوكيل وقبل كده فى الاول خالص كنت لسة مستلمها 2011 وفى اقل من شهر لقيت الكبوت منقور ومن عند العظم اكن حاجة وقعت عليها وبعدها بشهر وانا ماشى فى نفق الهرم عيل ابن حرام حدف طوبة من فوق ونزلت جنب مكان النقرة القديمة وتنقرت نقرة جديدة حسبى الله ونعم الوكيل ومؤخرا من اسبوعين كنت راكنها فى ش جامعة الدول وطلعت اكل فى مطعم نزلت لقيت عيل ابن كلب مجرحها بمسمار فى الشنطة والرفرف الشمال الخلفى
المهم رحت ل2 سمكرية قلولى حرام متعملهاش وسيبها كدة تاخد العين اللى عايزة فقعها بدل ما ترشها حرام وادين ماشى بيها كدة وقولت والله ما انا عاملها غير لما تيجى تتفحص ... وعلى فكرة انا بركنها علطول فى جراج وبادفع 100 جنيه فى الشهر برضه مفيش فايدة !!!! :pty: