مصر موتورز مجتمع السيارات - ارجوكم افيدونى فى تغيير زيت الفتيس فعلا رايكم هيفيدنى جدا

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

رد: ارجوكم افيدونى فى تغيير زيت الفتيس فعلا رايكم هيفيدنى جدا

اقتباس:

المشاركة الأصلية كتبت بواسطة memodina1 (المشاركة 470872)

انا رحت التوكيل وقالى انى الزيت اللى موجود 80w\90
موبيل لون الجركن ابيض
والغريب انة قالى لازم يتغير وهو سخن وعندى طبة صغيرة تتفك الزيت ينزل كلة ولازم يكون سخن عشان يسهل النزول ويكون معاة الشوائب ولكن هنا فى المنتدى بيقولولى انة لازم يكون بارد طب مين الصح وممكن اعرف موبيل ممتاز واتوكل على الله ولا اروح القاهرة وادور واجيب شل وهل 80\90 عادى مع العلم فى الكاتالوج 75\90
هل دا فية مشكلة اصلى مش بثق فى التوكيل اوى يعنى وهل التغيير البارد دا بيكون للزيت اللى لازم تفكلة الكارتيرة زى اللانوس ولا لكل العربيات حتى اللى عندها طبة زى بالله عليكم افيديو عشان انا هروح الصبح الشغل وقبل ما اروح هشوف اجابتكم وعليها هغير لما اروح من الشغل
وشكرا ليكم مقدما

اخى الكريم ، التوكيل زى اى صنايعى مستعجل ، يعنى لما تروح والعربية سخنة الزيت هينزل بسرعة ومش هتضيع وقتهم ؟؟؟؟؟؟؟؟ هو دة السبب الوحيد لتغيير الزيت وهو ساخن ، ولمعلوماتك الزيت الوحيد الذى يتم تغيير وهو ساخن هو زيت الموتور فقط وكمان بنسيب العربية تهدى شوية ومنفتحش غطا الزيت بسرعة بعد ما نبطل العربية وذلك على سبيل الاحتياط ، وكمان مفيش فرق بين نوعين الزيت اللى بتقول عليهم الاتنين واحد المهم تشوف تاريخ الصلاحية وتشترية بنفسك من بنزينة موبيل او بنزينة شل ، وتتأكد من تاريخ صلاحيتة ، وياريت تروح لأى محل غيار زيوت عادى جداً وكبر دماغك عن السفاحين بتوع التوكيلات ، الوضوع دة عندهم هيكلفك على الاقل 100ج غير البقشيش
لكن برة هتجيب عبوتين موبيل تروس 90/85 او 75 مش هتفرق ب36ج واللى هيغيرة هياخد بالكتير 5 ج او 10 لو هتكرمة يعنى كلة مش هيكمل 50ج غير انك هتنجز مش هتستنى دورك زى التوكيل ويشربوك بيبسى فى الاستراحة يقف عليك ب 50 ج ومتشوفش عربيتك حصل فيها اية ، على الاقل عند الصنايعى هتتعرف على الحكاية وتعملها لوحدك بعد كدة زى كلنا دلوقتى ما بنعمل بعد التوكيلات والصنايعية ما سرقونا، وبعدين يا زميلى العزيز جمد قلبك مش هتقع فى البحر يعنى الموضوع بسيط ومتخافش قوى كدة على العربية علشان ما تكرهاش :Bravo:

رد: ارجوكم افيدونى فى تغيير زيت الفتيس فعلا رايكم هيفيدنى جدا

اقتباس:

المشاركة الأصلية كتبت بواسطة ايمن عبدالحميد (المشاركة 470972)

شكرا ليك اخى الفاضل وانا هغيرة انهاردة واقثولكم الاحساس اية واية النظام على العلم هغيرة موبيل 80\90
وهفضى مية الريداتير بالمرة واحط مية موبيل ونشوف

رد: ارجوكم افيدونى فى تغيير زيت الفتيس فعلا رايكم هيفيدنى جدا

انا يا جماعة غيرت خلاص واستنيت شوية كدة قبل ما احط الزيت بس كانت العربية سخنة بردة من تحت بس لدرجة انى اقدر احط ايدى واسيبها شوية على الفتيس يعنى سخنة مش اوى وطبعا عشان الوقت والتوكيل مش فاضيلى بقى اصلى عملتها فى التوكيل بصراحة حط عبوتين 2 لتر موبيل جركن ابيض وللعلم هو قالى انى عادى جدا انة يحط الزيت والعربية مولعة حتى ودا كلام المهندس اللى جوا
المهم جربت كدة حوالى 10 كيلو لحد البيت هو فية نعومة ملحوظة انما فى الاداء يعنى مثلا التسارع والسحب زى ما هو مش ملحوظ فية اى حاجة هو نعومة بس فى الفتيس ملحوظة
فانا انصح اى حد بدل ما يزود لاة حط جديد وهتحس بنعومة وفرق لكن السحب عادى جدا قدرة الفتيس مش متاثرة باى حاجة
لسة طبعا هجرب بكرة لانى ناس قالتلى انى لما اغيرة وهو سخن بيحصل زى خرفشة صوت كدة وونة مسموعة اوى فى الفتيس فلسة ربنا يسترها
بالنسبة للونة اللى غيرت الزيت بسببها مراحتش فممكن يكون العيب فى اى حاجة تانى
انما بصراحة الزيت طالع اسود اسود بجد وريحة امير بتاع اللزق دا فية اوى لدرجة انك تدمع لما تشمة لكن الجديد صراحة مفهوش الريحة دى خالص اصلى شميت الجركن هجرب بكرة تجربة جدية لانى كنت تعبان انهاردة شوية واقولكم الحكاية بالتفصيل
بص نصيحة غيروة بلاش تزويد الحكاية كلها حوالى ربع ساعة

رد: ارجوكم افيدونى فى تغيير زيت الفتيس فعلا رايكم هيفيدنى جدا

اقتباس:

المشاركة الأصلية كتبت بواسطة memodina1 (المشاركة 471660)

الف مبروك يا راجل وان شاء الله خير لا تقلق

رد: ارجوكم افيدونى فى تغيير زيت الفتيس فعلا رايكم هيفيدنى جدا

اقتباس:

المشاركة الأصلية كتبت بواسطة ايمن عبدالحميد (المشاركة 471732)

الف مبروك يا راجل وان شاء الله خير لا تقلق

بارك الله فيك وجزاك خير وان شاء الله كلة يبقى تمام ومتشكر لمتابعة حضرتك

رد: ارجوكم افيدونى فى تغيير زيت الفتيس فعلا رايكم هيفيدنى جدا

جزانا وإياك كل الخير واعطاك الله خيرها/، وكفاك شرها وكفى كل المسلمين ان شاء الله

رد: ارجوكم افيدونى فى تغيير زيت الفتيس فعلا رايكم هيفيدنى جدا

اقتباس:

المشاركة الأصلية كتبت بواسطة memodina1 (المشاركة 469397)

بسم الله الرحمن الرحيم
اولا يا جماعة انا معايا فيرنا 2007 عاملة 50 الف كيلو ودايما اسمع انك متغيرش زيت الفتيس المانيوال وزودة لو احتاج وانا كشفت علية كذا مرة لقيتة مش محتاج تزويد الوقتى فى زى صوت زنة بسيطة جدا مسموعة وانا رافع رجلى من على الدبرياج بتروح اول ما المس الدبرياج مجرد اللمس رحت ميكانيكى قلى الزيت ناقص شوية وكفاية كدة علية غيرة احسنلك وصدقنى الصوت هيروح
طب غيرة قالى بصراحة انا اغير بس اشترى لاة عشان مفيش حد عندة ضمير فى المدينة الصناعية فى السويس اشترى انت وانا تحت امرك
السؤال الاول ودا اجبارى
ما هو افضل زين فيتيس للفيرنا مانيوال وهل نوعة 90 ام 140 فى اللزوجة وكم لتر ياخذ فتيس الفيرنا
السؤال التانى اختيارى
هل فعلا يجب تغيير زيت الفتيس وليس تزويدة فقط اذا كانت الاجابة نعم فاغيرة كل كام الف مثلا
بالله عليكم تساعدونى لانى حاسس فعلا انى المشكلة فى نقص زيت الفتيس ارجو الرد
وشكرا لحضراتكم
تمنياتى لكم بالنجاح والتوفيق

اولا: اشير ان فى حاله وجود ونه تختفى مع استخدام الدبرياج هذا يعنى وجود خشونة فى البليه الخاصة بالفيتيس فسوف يزيد هذا الصوت مع الوقت حتى يستوجب تغير البلية.
[COLOR="rgb(139, 0, 0)"]ثانيا:[/COLOR] بالنسبة لزيت الفتيس فهو المفروض انه لا يزود لانه ليس من المفروض نقاصانة الا فى حالة وجود تسريب. فعملية تزويده غالبا تكون بعد اجراء صيانة فى الكبالن. يفضل تغير زيت الفيتيس كل 40-60 الف كيلو. وطبعا يفضل انه يكون 90 الا فى حالة تأكل فى التروس يستخدم 140 وده بعد عمر طويل للسيارة والغرض منه هو تخفيف الصوت.