المشاركة الأصلية كتبت بواسطة Ahmed Anwer (المشاركة 29302)

طب حضرتك لازم تحدد اولوياتك في العربية

عائلية - لشاب - اعادة البيع - الاصيانة كده يعني

و كمان ليه حاصر نفسك في عروض ابو غالي

فيه عربيات تانية برده كويسه بالاسعار دي

زي البروتون عموما

عموما انا كنت مكانك و كنت حاصر نفسي في مبلغ معين

و لو كنت مكانك ما بين اللي حضرتك حاصر نفسك فيهم دوول كنت اختار الصني

رغم اني علي فكرة مبحبهاش خااالص

بص هيا في النهاية هتكون اعلي قيمة ممكن تشتريها بالمبلغ ده

يعني عربية 1600 و كل الاوبشنز و عوامل الامان و علامة تجارية ليها وزن

و علي قد الفلوس بالضبط

و تتكل علي الله في انه يعفيك من عيوب التجميع المحلي

و رأيي الشخصي انك مش هتشتري عربية كل يوم

فاضغط علي نفسك علي قد ما تقدر و اشتري اكتر حاجة بتحبها و مقتنع بيها

المشاركة الأصلية كتبت بواسطة mohamed ab (المشاركة 29326)

["]السلام عليكم ورحمة الله وبركاته[/
اولا من افتى بغير علم فقد اساء ptmnlo123per1127
انا مستغرب جدا للاخ اللى بستبعد الاوبترا ليه مش عارف وايه هيه اسباب استبعادك ليها برضه ما وضحشى
مع ان الاوبترا محققه مبيعات مرتفعه جدا فى 2008 وده على حساب عربيات ليها فى السوق سنيين ذى الل نسر والالنترا والصنى والياريس وعلشان تتاكدوا من كلامى ارجعوا لتقرير ايمك السنوى عن 2008 هتلاقوا ان شيفورليه تاتى رقم 2 فى مبيعات سيارات الركوب 13.55% بعد هيونداى 25% وطبعا شيفى بتناقس بمودلين فقد لاكن الهيونداى ليها يجى 30 موديل طبعا بالمقارنه هتلاقى الاوبترا بيعه ضعف الالنترا
واليكم النقاط التاليه فانا امتلك اوبترا 2008 عامله دلوقتى 26000 كيلو
1-افضل توكيل فى مصر بلا منافس وافضل اداره فى الشرق الوسط عن 2007-2008 منصور شيفورليه
2-افضل خدمه مابعد البيع ودى مهمه جدا جدا
3-اكبر مراكز خدمه على مستوى الجمهوريه ولاحظ اسامى مراكز الخدمه هتلاقيها جامده جدا ذى المنصور -اخوان مقار"بتوع الامريكانى"-اوتو ماستر-وغيرها كتير وفى كل محافظه هتلاقى مركز خدمه
4-بالنيبه للعربيه بقالها معايا سنه وخمس شهور كل الى باعمله احط بنزين واغير زيت فر التوكيل واعمل صيانه عاديه وغيرت التيل بس بمزاجى كان ممكن يقعد اكتر من كدا لاكن انا باسافر كتير وبعدين باستخدم الفرامل كتير جدا لان سواقتى سريعه جدا
5-متوسط سرعتى فى السفر 140 وده باليل علشان الرادار وده يثبت ان الثبات بتاع العربيه جميل جدا واعتقد ان ثباتها افضل بكثير من الكورولا والصنى والالنترا واللنسر وان مش مجرب دول لكن عند اصحابى وانا عارف ده منهم
6-سفرت اسكندريه مرة وجبت بالعربيه 180ك والله صاحبى كان معايا ماكنشى مصدق لانك من ثبات العربيه لاتشعر بسرعتها الحقيقيه
7-الغريب ان انا مازوتش ميه العربيه الا مرة واحده بس وده كان منى لانى فتحت الفربه وهيه سخنه ومن ساعتها الميه لا تنفص
8-بالنسبه للتسارع فهى الافضل فى فئتها 10.8 ثانيه/100ك وانا مجربها على الطريق مع الالنترا والانسر فالاوبترا افضل
9-التكييف افضل من اللنسر بمراحل فعلا تلاجه والثالث فيه يعادل الرابع فى اللنسر وده انا مجربه وهوه ذى الكورولا وطبعا الكل عارف ان الكورولا تكيفها جامد
10- استهلاك البنزين فى السفر بتعمل معايا فوق ال300ك فى الصفيحه وداخل القاهره بتعدى ال200ك فى الصفيحه ده طبعا ياجماعه بالنسبه لعربيتى وهى عاديه مانيوال
معلشى انا مستعجل لسه فيه كلام كتير اوى عن الاوبترا بس الوقت على فكره العربيه اتزانها عالى جداجدا ومع ذلك فهى عاليه عن الارض وطبعا ده مناسب للطرق عندنا
اخيرا احب اعرفكوا سر الثبات العالى جدا ونفس الوقت التسارع الافضل بالرغم من علو الاوبترا وده راجع للايرودينمك بتاع العربيه وتصميمها الفريد الذى يقلل من مقاومه الهواء
احب اعرفكوا ان مصمم الاوبترا هو الايطالى الشهير pininfariraوده هو مصمم العربيه الفيرارى
وانصح الاخ بالاوبترا ثم الاوبتراثم اللنسر ثم الصنى
وبكره هبقى اكمل
والسلام عليكم ورحمة الله وبركاتة[/b]

المشاركة الأصلية كتبت بواسطة mobinilo (المشاركة 29500)

بص يابابشا انا مش هفيدك في نوع العربية
بس هفيدك بمعلومة تانية كويسة جدا

انت عارف فرع ابو غالي اللي في شارع الميرغني؟
فيه بجواره على نفس الصف بنك التمويل السعودي المصري بجوار أبو شقرة مباشرة

البنك ده عنده ميزة جامدة جداااااااا الفائدة 7% بس

وتقدر تاخد من اي معرض يعجبك
كل المطلوب منك عرض اسعار معتمد بالعربية اللي انت عايزها من اي معرض يعجبك

وانت هتدفع عندهم في البنك المقدم وهم هيدولك شيك كامل موجه للمعرض ده
وتقسط معاهم هم

أعتقد 1% زيادة تديلك فرصة انت أفضل انت تختار بشكل افضل

لكن لو روحت ابوغالي يبقى لازم تكون رايح عن اقتناع مش اجبار عن سعر الفائدة

المشاركة الأصلية كتبت بواسطة dr.darsh (المشاركة 29508)

هحاول أسأل ان شاء الله في البنك ولو كان الكلام مظبوط والعرض يناسبني يبقى حضرتك خدمتني خدمة كبيرة جدا
و مليون شكر لحضرتك على تعاونك معايا وعلى اهتمامك

المشاركة الأصلية كتبت بواسطة dr.darsh (المشاركة 29454)

مش فاهم قصدك يا باشمهندس!
انت قصدك جنرال موتورز بتاعة منصور؟
الناس دي على ما أعتقد في السوق من السبعينات ويعتبروا من عمالقة سوق السيارات في الشرق الأوسط كله
وكمان ناس مسنودين جدا يعني من الآخر لو في حد ممكن يوقع في الأزمة دي يبقى أكيد مش هما


وشكرا جزيلا على توضيحك بالنسبة للصني