|
رد: هل توجد علاقة بين شخصيتك وسيارتك؟
تفسير الأمور من السطح أسهل شئ
ليه بعض الناس بيحب يعمل تعديل فى السيارة ويركب لها جناحات ويخرم الكبوت و و و و ؟؟؟؟ إحتياج وظروف شغل؟ ليه واحد معاه 65 ألف يرفض تماما شراء فيرنا جديدة ويجيب لانسر مستعملة؟ ليه واحد يرفض يجيب عربية أمريكى مهما كانت حالتها؟ ألف ليه إختصرتوها فى 3-4 أسباب طبعا الشخصية مش العامل الوحيد زى ما قال أخونا العهزيز أبو نورا لكن -عن نفسى - شايفه عامل مهم جدا لكنه غير جاذب لانتباه معظم الناس |
رد: هل توجد علاقة بين شخصيتك وسيارتك؟
اقتباس:
طب كل الأمثلة اللي بتقولها دي مالهاش أي علاقة بالشخصية اللي يفضل عربية لانسر مستعملة عن فيرنا زيرو عشان مبيحترمشي و لا بيثق في العربية الكورية او بيفضل انه يشتري عربية مستعملة من فئة أعلي عن عربية زيرو من فئة اقتصادية ( اسباب منطقية و ليست شخصية ) اللي بيرفض يجيب عربية امريكية مهما كانت حالتها عشان خايف يمشي وراها بمضحة بنزين و عشان هيدوخ في قطع غيارها و صيانتها ( اسباب منطقية و ليست شخصية ) هاقولك علي حاجة احنا هنا في مصر معندناش رفاهية الاختيار بالعواطف كله بالحسابات فلوسنا علي قدها انا لو معايا فلووس كتير هاجيب عربية 4×4 اطلع بيها الجبل ، و اجيب عربية سبور مكشوفه لزوم التمتع بالأداء ، و اجيب مرسيدس e عشان السفريات الطويلة و اجيب ميني كوبر صغيرة اتمشي بيها في القاهرة و عربية فان كبيرة تلم العيلة في السفر و المناسبات لكن احنا للاسف بفلوسنا القليله و عربياتنا الغالية مضطرين نشتري عربيات اكتر من عادية نطلع بيها الجبل و نسافر بيها و نستخدمها في المدينة و لو لزم الامر نسابق بيها برده و نجنطها و نخرم الكابوت و نعيش دور الريسر بالاونطه |
رد: هل توجد علاقة بين شخصيتك وسيارتك؟
اقتباس:
مساء الفل ، دايما فيه نقطة وسط الغريب إن البعض يتخيل إنى باقول أن الواحد بيشترى بناء على شخصيته وناسيين إنى بتساءل عن تأثير الشخصية على الاختيار والبعض فقط اللى بيتكلم فى النقطة دى |
رد: هل توجد علاقة بين شخصيتك وسيارتك؟
ثانية واحدة.... هو إيه تعريف الشخصية؟
|
رد: هل توجد علاقة بين شخصيتك وسيارتك؟
اقتباس:
طب قولي انت الأول..... هو ايه تعريف ***** ؟ |
رد: هل توجد علاقة بين شخصيتك وسيارتك؟
يا إدارة المنتدى ، ممكن حد منكم يبص على تقارير المشاركات؟؟؟؟؟؟؟؟؟
|
رد: هل توجد علاقة بين شخصيتك وسيارتك؟
اقتباس:
أكيد يا أستاذنا إن الشخصية ليها تأثير كبير مش على إختيارك لعربيتك بس لأ دية بتشمل كل إختياراتك المهم أنا بأة لما تيسر لى فلوس وحبيت أشترى عربية مالقيتش غير الفولكس واجن بيتلز اللى هزيت مشاعرى أولاً العربية تاريخ ومحققة أعلى نسبة مبيعات على مر التاريخ وخاصة موديل 1973 بالرغم من قدم تصنيعها وصغر حجمها نسبياً إلا إنك تشعر بقوتها وتسارعها لدرجة تخليك تستغرب ثانياً كانت سابقة زمانها وكفاية إنها تبريد هواء ولا ماية ولا وجع دماغ ماشوفتش حد راكبها إلا وهو مهووس بيها وصعب أوى يفرط فيها بسهولة وعلى فكرة العربية دية هية سبب شهرة ألمانيا فى صناعة السيارات ويسلم بورش وبينز وكل المهندسين اللى إشتركوا فى صناعتها وكفاية إنها جاية من ريحة هتلر مظبط اليهود وكايدهم إستهلاكها للبنزين نموذجى سهولة صيانتها وصيتها اللى مخلى الأوروبيين يعملوا فيها العجب ويغيروا من شكلها بشكل فظيع العربية دية حمالة أسية وأصيلة وتجبرك على إحترامها العربية دية مركز ثقلها فى وسط العربية فصعب جداً إنها تتقلب لا قدر الله ثباتها مالوش حل وكلنا عارفين إنها بتفرش عالطريق وشركة مرسيدس واخدة الحكاية دية منها سهولة المناورة لصغر حجمها سهولة صيانتها العربية دية كان مشهور بيها رجال المخابرات وأمن الدولة والدكاترة والقساوسة ثانياً أى تظبيط فيها بيان أوى عليها العربية دية ليها تجمعات عالفايسبوك ومواقع متخصصة ليها بس وأنا كان فى تجمع فى إسكندرية من أسبوعين كدة وكان نفسى أحضرة وإتجمع أكتر من 30 عربية ومعاهم ميكانيكية وفنيين وتبادلوا خبراتهم وأرائهم فى العربية بصراحة عربية حكاية وأنا بإذن الله لما ربنا يكرمنى وأجيب إن شاء الله عربية ألمانى مش هافرط فى البيتلز أبداً |
| الساعة الآن 07:04 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017