مصر موتورز مجتمع السيارات - انا إستلمت نيسان صني 2011

مصر موتورز مجتمع السيارات (https://www.masrmotors.com/vb/index.php)

- صنى SUNNY (https://www.masrmotors.com/vb/forumdisplay.php?f=205)

- - انا إستلمت نيسان صني 2011 (https://www.masrmotors.com/vb/showthread.php?t=53699)

رد: انا إستلمت نيسان صني 2011

الله يباركلك فيها يارب
وبالنسبة لموضوع الزجاج الخلفي يمين انا برضو عندي نفس القصه ونفس المكان ونسيت اقولهم في صيانة 1000 عليه وبيتهيألي انه من الكاوتشه بتاعت الزجاج وانها ضيقة شوية وبقول يمكن عشان انا اصلا مبشغلش الزجاج دا يكون ركن والكاوتشه دي الرطوبه عملت فيها كدا؟؟؟
مش عارف بصراحه
بس هي عربيه سحبها عااااالي جدااااا وبسم الله ماشاء الله يابااااااااااني زي ما قال الكتاب وعلى فكرة اللانسر برضو متتطورش حاجه فيها من 2001 المكوة الصالون زي ما هوا زي الصني بردو
والعربيه اجري بيها وميهمكش لانك هتحس وانت بتجري انك راكب ياباني سواء كان نيسان او لانسر او كورولا صدقني في القوة الياباني واحد ولا يعلى عليه
وبالنسبه للشكل الخارجي هتلاقي الشكل بتاعها شيك جدا والنواكل بتدي العربيه شكل كلاسيكي رائع يحسسك انك بتفتخر بعربيتك والفرامل هتتظبط معاك لان فراملها كلبوووووش في الارض
الباور بتاعها زي الفل وبالذات ع الطرق السريعه بجد اصلي جدا وجااااااامد
بالنسبه لصوت العربيه زيها زي اللانسر بالظبط نفس الصوت باختلاف انه اعلى حاجه قليله لان سير الكاتينه الجنزير بيعلي الصوت بس مش لدرجه انك راكب شاهين مثلا
عربيه ناعمه وشرسه وزي الوحش الف مبروك عليك العربيه اهتم بيها وحافظ عليها وربنا يباركلك يا ريس
عقبال الجاجوار ان شاء الله ههههههههههههه

رد: انا إستلمت نيسان صني 2011

الف مبروك على العربيه
ربنا يديك خيرها ويكفيك شرها
منتظرين تقريرك بعد 1000 كيلو وصور كمان للعربيه

رد: انا إستلمت نيسان صني 2011

الف مبروك وربنا يديك خيرها ويكفيك شرها

رد: انا إستلمت نيسان صني 2011

اقتباس:

المشاركة الأصلية كتبت بواسطة minabila (المشاركة 411679)

مساء الخير على جميع الاعضاء في هذا القسم .
دة طبعا اول موضوع اشارك بيه معاكم و أكيد دة شيئ يشرفني , انا اشتريت صني 2011 ex , abs و استلمتها في ساعتها و سعرها 93.500 الف .

تقريري المتواضع جدا و البسيط عن صني و بساطته ترجع لأني استلمتها اول امبارح ,,, العربية محترمة جدا و بتتميز بالفخامة بالنسبة لحجمها اللي معروف عنها ( و دي مشكلة بالنسبالي حتى الان لاني كان معاية عربية صغيرة ) و دي طبعا مشكلة مؤقتة نسبياً ,
الباور محترم جدا الدريكسيون مش تقيل زي ما ناس كتير كانت بتقوللي, الدريكسون باور مش ورقة توديها وتجيبها في اي حتة لأ في تحكم كويس و انا شايف ان دة افضل من الباور الكهرباء ,
المساحة من قدام واسعة جدا و من ورا متوسطة يعني مش ضيقة اوووووووي زي ما قريت في اماكن كتير ,
و الشنطة مساحتها هايلة ,
الاضاءة في مجملها كويسة جدا, تغطية المرايات عادية في عربيات افضل بكتير خصوصا ارتفاع الشنطة اللي رخم شويتين بالنسبالي ,
ارتفاع العربية عن الارض جميل ماتحسش بمطبات ولا انك لازم تعمل العربية زي التعبان و تفضل تتلوى و علو الصني جميل بس في المعقول يعني في الطباط المعقولة مش العليا قوي , صوت العربية عالي من الداخل بس مايخضش يعني ,
عزل العربية مش ممتاز عادي
,في المطبات سلسة و مش زي ما سمعت برضه ,
التسارع حلو مش وحش يعني قوية و سريعة و احسن من كتير اوي اوي ,
و ايه تاني يا ربي ؟؟ !!ايه ياترى,
الكيك داون مية مية و استجابة الدواسة مية مية ,
الفرمل مش جامدة و قالولة لسة ماطبعتش على التنبورة ,
الزجاج كله كويس من حيث سرعته لكن اللي ورا يمين في حكة بسيطة قالولي في التوكيل هتتظبط بسهولة ,
اماكن التخزين داخل العربية كويسة بس تحس ان المصممين اغبياء شوية يعني الولاعة مزنوقة تحتت حامل الاكواب و دي حجات تعدي يعني مش مميتة , المفتاح و الريموت بدائيييييييييييييييين جدا شكلهم مش مستوة العربية
المجمل العربية دي ممتازة جدا:THUMBS~220::14FEAD~15 1::Bravo::THUMB_~112:
و انا مبسوط ان انا جبتها .
و شكرا لمروركم و ازعاجكم .

ربنا يباركلك فيها ويكفيك شرها وحسد الناس
بس ليا سؤال بعد اذنك حضرتك جبتها منين المعرض اسمه ايه ومعاملتهم كويسة ولا لا عشان انا ان شاء الله ناوي اشتريها

رد: انا إستلمت نيسان صني 2011

- الف مبروك
- وربنا يديك خيرها ويكفيك شرها
- ويفضل ان تركب كسوة للكراسى للمحافظة عليها
- واضبط الكاوتش لانة فالغالب بيجى منفوخ زيادة

رد: انا إستلمت نيسان صني 2011

تقرير حيادى
الف مبروك ربنا يديك خيرها ويكفيك شرها
:fun_36_3_3[1]:

رد: انا إستلمت نيسان صني 2011

تقرير جميل لعربيه اجمل الف مليووون مبروك عليك