مصر موتورز مجتمع السيارات - أشتريت ماروتى 2011 من 3 أيام وعندى كام أستفسار

اقتباس:

المشاركة الأصلية كتبت بواسطة Mido615 (المشاركة 410972)

السلام عليكم
الحمد لله ربنا وفقنا وجبت الماروتى 2011 من 3 أيام وعندى كام أستفسار عنها
1 العربيه لما بتدور الصبح أو وهى بارده خالص بتترج جامد وتقوم مبطله خالص وعشان أسخنها لازم أفضل دايس سنه بنزين لمده 40 لـ 60 ثانيه عشان تفضل دايره ومتبطلش بس بعد كده لما بتسخن وأمشى بيها زى الفل ومفيش أى مشكله خالص حتى لو بطلت منى مثلا بتدور فى أقل من ثانيه فيا ترى ده ليه ؟؟؟
2 الدبرياج حاسس أنه عالى شويه ممكن يوطى ولا أسيبه زى ماهوه وهل ده عيب فيها ؟؟
3 لما أبطل العربيه بحس أنها لسه مبطلتش أو بيقف الموتور بعديها بحوالى 3 ثوانى ليه كده دى كهربا عليا ولا أيه ويا ترى أظبطها إزاى ؟؟
أنا طولت عليكم أنا أسف وأرجو سرعه الرد لأنى والله قلقان أوى
ومعلش حاجه كمان ترخيص 3 سنين يكلف كام من أول الاستماره لغايه النمر على العربيه وشكرا

1- التسخين
العربية فيها فى المؤشرات فى العداد مؤشر على اليمين لدرجة الحرارة بتاعة الموتور
و اول ما تشغلها هتلاقية تحت علامة ال c و هى اختصار لكلمة cold و تعنى باللغة العربية بارد
اى ان العربية باردرة و تحتاج تسخين الى ان يصل المؤشر الى هذه الشرطة او ان يتحرك من مكانه شوية و يقترب منها
و لانجاز هذه العملية لديك ثلاثه طرق
الطريقة الاولى
شد الشفاط بس مش على الاخر لانى مرة شديته على الاخر و اضريت بدل ما اروح مشوارى روحت للميكانيكى
و خد بالك اوعى تمشى و الشفاط مشدود الا اذا كنت عاوز تروح لبتاع الشكمان يغير لك علبة البيئة الاصلية بعلبة فاضية و تدفع لك حوالى 70-120 جنية و تفضل تسمع صوت وحش للشكمان طوال ما انت ماشى بالعربية
و ذلك لان الشفاط بيخلى كمية البنزين المحترقة تزيد فبالتالى يكون السخونة اسرع لموتور العربية

الطريقة الثانية
عند بداية عملية التشغيل و العدادات بتتحرك تقوم بضغطه بنزين و تشغل العربية و تدوس بنزين بس بتوازن مع صوت الموتور ما يكونش عالى و لا بترجرج العربية بتوازن بحيث لا تسمع رجرجة
عيوب هذه الطريقة انها تاخذ وقت اطول
مميزاتها انها توفر فى البنزين

الطريقة الثالثة
و لا انصح بها نهائيا الا فى حالات الضرورة القصوى
و هى ان تشغل العربية و تجيب الغيار الاول و تنطلق بالعربية و هى باردة و لكن ان تخلى رجلك ثقيلة على البنزين حتى تسخن العربية

2- الدبرياج بلاش لعب فيه نهائى

3- الرجرجة عند تبطيل العربية
اصلا كهرباء العربية عالية و سيبها عالية ما تلعبش فيها لانه ده الصح بتاعها و لو وطيتها هتدخل فى مشاكل و مش هتعرف تعليها لنفس الدرجة بتاعة المصنع تانى و اشك كمان فى التوكيل انهم يقدروا يظبطوها زى المصنع

تنشا الرجرجة عند تبطيل العربية عند حدوث خلخلة فى الكهرباء
و تحدث نتيجة وجود المروحة بتاعة الريداتير شغالة اثناء تبطيل العربية
و المروحة شغالة مع الكونتاكت مش مع البطارية
و ذلك للحفاظ على عمر البطارية و كذلك ان البطارية صغيرة فليست مستعدة لحمل كهربائى زى المروحة يفضل شغال على البطارية و العربية واقفة
و بردوا امان للعربية ان المروحة مفيش مرة ممكن تعلق و تفضل شغالة تاكل البطارية
و لذلك فعليك ان تنتظر حتى تقف المروحة بتاعة الريداتير عن العمل و من ثم تغلق الكونتاكت و تبطل العربية

نسيت اقولك الف مبروك
و انا جارك فى المريوطية لو احتجت اى مشورة او استفسار

.