مصر موتورز مجتمع السيارات - بنزين 92 وتسقيف في المكنه

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - بنزين 92 وتسقيف في المكنه (https://www.masrmotors.com/vb/showthread.php?t=52903)

رد: بنزين 92 وتسقيف في المكنه

اقتباس:

المشاركة الأصلية كتبت بواسطة احمد على 1999 (المشاركة 428113)

من وصفك يبقى الاكسنت انجيكشن و كنترول يونت فمش حينفع تأخر الكهرباء و فعلا الموبينة طالع منها اربع سلوك بوجيهات و داخل عليها سلك بفيشة جى من الكنترول و البطارية و التحكم فى التقديم و التاخير بيبقى محدد مسبقا بسوفت وير مسجل بالكنترول
المشكلة فى البنزين بتاع بلدنا و لو عايز تتأكد جرب فول 95 لو راح التسقيف يبقى فعلا العيب فى ال 92 انه فى بلدنا مش 92 اكيد اقل
و اللانوس فيها ميزة ان فيها جمبر لظبط منحنى توقيت الاشعال و عمل الرشاشات فللى عنده لانوس يريح دماغه و يظبط الجمبر على 83 و يحط بنزين 92 اشك انها حتسقف

يعنى كدا تمام تمام تمام - زى منا بقول بالضبط وكان معايا قبل الاكسينت جوليت وشايل فيشه الاوكتين خالص ومريح دماغي

لاكن في الاكسينت مفيش

طيب انا دلوقتى بحط بنزين وواحد صاحبي معاه اخت عربيتى بفول من نفس المحطه ومعندهوش ادنى مشكله من تسقيف او كركره او خلافه

ممكن بس حضرتك تفيدنى في السؤالين دول

لو سير الكاتينه مقدم ايه اللي هيحصل او مأخر

حساس الكرنك فايدته ايه في العربيه

وشكرا ليك مره اخرى

رد: بنزين 92 وتسقيف في المكنه

بتهيألى لو السير مقدم او مأخر سنة حيخنق العربية لان التوقيتات بتاعة الصمامات خالفة
و سهل جدا اى ميكانيكى او لو انت غاوى تتاكد من صحة تركيبه
و فايدة حساس الكرنك انه بيدى الكنترول اشارة لما بتعدى السنة العريضة من قدامه لانه عبارة عن لاقط مغناطيسى فلما بتعدى السنة العريضة من قدامه بيتولد قوة دافعة كهربية (فولتية) بتوصل للكنترول و على اساسها الكنترول بيعرف وضع البساتم و الصمامات و بياخد قرار شرارة البوجيهات و عمل الرشاشات ففعلا ممكن يخليها تسقف لو مكانه مش مظبوط او المسافة بتاعته (الخلوص ما بينه و ما بين السنون بتاعة ترس الكرنك) مش مظبوطة

رد: بنزين 92 وتسقيف في المكنه

يا دي البنزين مضروب يا كهربه العربيه مش مظبوطه
كل ده طبعا في حاله عمل الصيانات الدوريه باستمرار

رد: بنزين 92 وتسقيف في المكنه

اقتباس:

المشاركة الأصلية كتبت بواسطة احمد على 1999 (المشاركة 428440)

انا بعد دراسه عميقه كدا ممكن يكون ان شاء الله من حساس الكرنك

لان الكهربائي غير البيجوهات وكمان السلك

طيب انا اغيره ولا هو بيظبط

رد: بنزين 92 وتسقيف في المكنه

اقتباس:

المشاركة الأصلية كتبت بواسطة ORGANIC_MAGIC (المشاركة 428576)

طيب انا اغيره ولا هو بيظبط

لأ جرب فول 95 الاول لو التسقيف راح يبقى حساس الكرنك مالوش ذنب
بعدين فى حاجات تانية تخلى العربية تسقف منها ارتفاع الحرارة (بس فى الطبيعى) يعنى ممكن تعمل نضافة بكومبريسور الهواء لسربنتينة التكييف و الرادياتير من بره
و لو العربية مزودة بصمام بيئة و ملغى ممكن يخليها تسقف (بتهيألى الاكسنت مفيهاش)
لو الشاكمان مكتوم حيسخن برضه و ممكن تسقف

لان الحساس بتاع الكرنك لو مكنش اتلعب فيه او العربية مكنتش خدت خبطة جامدة من تحت ناحيته ايه الى حيخليه يخرف و ده لو باظ العربية حتبرجس خالص مش مجرد تسقيف

رد: بنزين 92 وتسقيف في المكنه

اقتباس:

المشاركة الأصلية كتبت بواسطة احمد على 1999 (المشاركة 430411)

لأ جرب فول 95 الاول لو التسقيف راح يبقى حساس الكرنك مالوش ذنب

ماشي دي سهله نجربها ان شاء الله

بعدين فى حاجات تانية تخلى العربية تسقف منها ارتفاع الحرارة (بس فى الطبيعى) يعنى ممكن تعمل نضافة بكومبريسور الهواء لسربنتينة التكييف و الرادياتير من بره

ودي برضه في ايدينا سهله برضه

و لو العربية مزودة بصمام بيئة و ملغى ممكن يخليها تسقف (بتهيألى الاكسنت مفيهاش)

انا معايا اكسينت مواصفات امريكي انا عربيتى جايبها من بره من امريكا فمش عارف ممكن يبقي فيها ولا لا

لو الشاكمان مكتوم حيسخن برضه و ممكن تسقف

طيب اعرف منين ان الشكمان مكتوم ؟

لان الحساس بتاع الكرنك لو مكنش اتلعب فيه او العربية مكنتش خدت خبطة جامدة من تحت ناحيته ايه الى حيخليه يخرف و ده لو باظ العربية حتبرجس خالص مش مجرد تسقيف

هو مش الحساس دا في وش المكنه لتحت كدا شويه هو انا لبست مطب والعربيه اتهبدت جامد جدا بس الايربجات مفتحتش الخبطه كانت من تحت ووش العربيه خبط في المطب بس الحمد لله ربنا ستر مش عارف الخبطه دي ليها تاثير ولا لا

هو انا كنت مره مشيت بالعربيه من غير ميه خالص الريداتير كان فاضي نهائي وطبعا سمعت احلى صوت تسقيف - بس تقريبا التسقيف اللي عندي نفس الصوت دا لما العربيه سخنت ومكنش فيه ميه (مش كركره بنزين يعنى )

وفيه كهربائي لسه قايلي كهربا العربيه عاليه علشان المفاجي لما يشتغل يلقط علي طول - سيبك من تفسيره العلمي الممتاز اللي قله - بس هو قالى ان الصوت صوت كهربا مش كركره

معلش طولت عليك بس انا بحاول احصر المشكله علي اد مقدر

والف شكر ليك علي مساعدتك ليا

رد: بنزين 92 وتسقيف في المكنه

طالما العربية امريكى
بالنسبة للشكمان وارد يكون مزود بعلبة بيئة (كتاليزر) الى هو بيحول اول اوكسيد الكربون لثانى اوكسيد الكربون علشان البيئة متضرش فغالبا المادة المحفزة الى جوة العلبة بتسيح مع الزمن و تقلل مساحة المقطع فدى محتاجة لو موجودة تتفك و يتبص فيها و حيبان لو لبتدت تسيح و لا لسة سليمة و كده كده لغيها و استبدلها بماسورة عادية بيبقى مفيد للعربية بس مضر للبيئة

و برضه احتمال كبير تكون مزودة ب egr لان معظم الولايات الامريكية فارضة على مصنعى السيارات وسائل الحفاظ على البيئة كلها و فى ناس كتير فى مصر و ساعات فى امريكا (بس فى امريكا لو اتقفشوا سنتهم سودا) بيفكوا خرطوم الفيكم بتاع الصمام ده علشان يزودوا قدرة الماتور لانه فعلا بيقلل من قدرة الماتور بس ساعات لغيه بيزود الحرارة شوية و ممكن بالذات مع بنزين بلدنا العربية تسقف

اما موضوع المطب فبسهولة حد يبص من تحت على سلامة وضع الحساس
بس سؤالى هو قبل المطب مكنتش بتسقف و بعده ابتدت تسقف؟