رد: نيسان ألتيما
 

طب قول كده يا باشا
الالتيما لا تقارن بالكابريس نهائيا
الكابريس دي اسطوره الامريكي مالهاش حل و من الموديلات القليله اللي داخله دماغي في الامريكي كله
كان ليا واحد قريبي معاه واحده قديمه و كانت تحفه
كنت الف الدركسيون و احاول اطلع بيها امريكاني الاقي العربيه بتزحف بضهرها و وشها ما يتحركش
ههههههههههههههه
كنت غاوي العب بيها
الالتيما حاجه تانيه ولا تقارن بيها
بالضبط كده يا باشا
كنت عاوز اكتب البقين دول

رد: نيسان ألتيما
 

صباحكو عسل يا رجالة مصر موتورز استاذ حازم و استاذ يوكو

كلامكو صح و مقنع جدا يا رجالة

استاذ حازم ... انا ان شاء الله هنزل بيها فى الصيف يا باشا و تحت امرك لو عاوز تجربها

بس يا استاذ يوكو انا متضايق من الالتيما غالبا علشان انا متعود على سواقة الخلفى و ثباته لأنى متأكد ان الالتيما دى كانت سليمة

و بعدين انا اول ما جبت الكابريس كنت مخنوق منها شوية برده لأن كان معايا قبلها مرسيدس زلمكة 1992 وكان ثباتها احسن من الكابريس 2004 فا تخيل بقى لما تيجى بعدهم الالتيما

اعذرونى يا شباب

رد: نيسان ألتيما
 

أنا على فكره سوقت الكابريس بس 2006 وهيا حلوة جدا ربنا يباركلك فيها
وأنا أول ما إتعامت إتعلمت على الفورد بس أنا بحب الأمامي أو بالأصح العربيات الصغيره وبكره العربيات ال4*4 العليه مبطقش الGMC
وهيا بصراحه كل سواق بيستريح في عربيات وبيكره عربيات وده مش معناه إن العربيه حلوة أو وحشة

ومعلش عندي سؤال هيا سعرها كام دلوقتي
من كام سنه أخر سنه في الموديل الشكل القديم كان سعر ال2500 سي سي ب 89000 ريال
وال3500 سي سي ب110000 ريال

رد: نيسان ألتيما
 

ربنا يخليك يا باشا

و انا معاك فى كلامك يا باشا كل واحد بيرتاح فى عربيات و بيتعب فى عربيات بس فيه اكيد معايير كل الناس بتتفق عليه يعنى مثلا عمرى ما شفت حد طلع تعليق على مرسيدس ولا بى ام فى السواقة ... و على فكرة انا كمان بكرة الجيبات و مابرتاحش فى سواقتها (لولا اختلاف الاذواق لبارت السلع)

اخر حاجة فى الشكل القديم من الالتيما يا باشا كانت 2007
وطبعا كل الموجود منها مستعمل (مفيش زيرو استوكات)

و سعر 2007 مستعمل ال 2500 سى سى = 3700 دينار كويتى او اكتر او اقل حاجة بسيطة

بس بصراحة مش عارف سعر ال 3500 سى سى كام

رد: نيسان ألتيما
 

شكرا وأنا لولا الجمارك كان إختياري الأول للكابريس وبعدين الألتيما بس الجمارك خلتني أجيب كورولا وهنزلها مصر وأفيو بدل ال128
* ال128 لسه معايا بس مش مستحمله مشاوير جامده

رد: نيسان ألتيما
 

مشكلتنا العظمى فى مصر الجمارك... ربنا يرحمنا منها.

ربنا يبارك فى عربياتك يا باشا و يديك خيرهم و يكفيك شرهم

رد: نيسان ألتيما
 

تيجي بالسلامه يا باشا
و اكيد طبعا تشرفنا في مقابلتنا نتمني نشوفك:)
اما بالنسبه للتجربه فشكرا علي دعوتك و ان شاء الله اكيد حجربها
بس علي الهادي ما تقلقش مش حفتري عليها :)