مصر موتورز مجتمع السيارات
صفحة 3 من 3 12 3
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   منتدى الصيانة العام (https://www.masrmotors.com/vb/forumdisplay.php?f=4)
-   -   مشكلة تنظيف الحساسات (https://www.masrmotors.com/vb/showthread.php?t=50877)

hulck2000 23-04-2011 08:09 PM
رد: مشكلة تنظيف الحساسات
 
الاخوه الاعضاء جابولك المفيد.
  • يعنى كلامهم يتوجه ناحية عمل ريستارت لكمبيوتر العربيه عن طريق نزع كابلات البطاريه واعادة التوصيل مع فتح الكونتاكت بدون تدوير الماتور ....كما هو موضح سابقا من خلال كلام السيد مشرف قسم الصيانه وده كلام مظبوط جدا.
  • والخطوه السابقه تلى تنظيف البوابه وحساس الايدل بواسطة استخدام اسبراى Wd-40وده برضه عين العقل.
  • لكن من وجهة نظرى يتبقى لك تغيير البويجهات وليس مجرد تنظيفها عندى احساس انهم مرطبين وبكده الشراره المتولده بتكون ضعيفه مما يؤثر على العربيه فى وجود تنتيش بسيط وارتفاع عداد rpm.
  • معلش جرب تغيير البويجهات ومش حتخسر حاجه المهم يكونوا من نوع جيد ماركة Ngk والمقاس المناسب للعربيه.

ziours 03-05-2011 12:32 AM
رد: مشكلة تنظيف الحساسات
 
انا البوجيهات لسه مركبها من 3 اشهر ngk وانا بنضف الحساسات الميكانيكي قالي البوجيهات نظبطها على 70 وبعد كده لاقيتو بيدق عليها زي الاهبل مش عارف هل كده اجيب بوجيهات جديده واريح دماغي لان في اعتقادي انها سبب المشكلة كمان في اكلان البنزين هل فعلا اعتقادي صحيح؟
شكرا

احمد على 1999 03-05-2011 04:52 PM
رد: مشكلة تنظيف الحساسات
 
احتمال اكلان البنزين بسبب علو ال rpm عن ال واحد اثناء السلانسيه
لكن هل مازال يوجد تنتيش؟

عمرو سيف 19-05-2011 10:24 AM
رد: مشكلة تنظيف الحساسات
 
اقتباس:
المشاركة الأصلية كتبت بواسطة احمد على 1999 (المشاركة 384930)
ما هى اسماء الحساسات الى اتنضفت؟
غالبا الى تم مع تنضيف البوابة تنضيف صمام الايدل و ده مش حساس
و هل و ال rpm عالى و هى باردة (و ده طبيعى) و لا بعد ما بتسخن بتفضل عالية و بيبقى على كام؟
معلش يابشمهندس أحمد إيه هوه صمام الايدل وإيه هيه البوابة ؟ وإيه هوه حساس TPS معلش على السؤال ده لإن ممكن يكون ليه إسم تاني في السعودية , ومعلش تاني مرة على السؤال .

احمد على 1999 19-05-2011 06:54 PM
رد: مشكلة تنظيف الحساسات
 
صمام الايدل الى هو بينظم كمية دخول هواء السلانسيه و اسمه idle air control valve و اختصاره iac و ساعات بالبلدى يسموه أياك
و البوابه الى هى لما تدوس بنزين بتفتع باب فى الكاربراتير (الثروتل بدى فى العربيات الجديدة)
فصمام الايدل بيبقى راكب على جسم الثروتل و لما تكون دواسة البنزين مش متداسة فتبقى البوابة قافلة فالمفروض الهواء مش داخل فلو كده فعلا العربية حتبطل هنا بقى يجى دور صمام الايدل بيبقى عامل باىباص (مسار بديل) للهواء من قبل البوابة لبعد البوابة و الكنترول يونت هى الى بتتحكم في على حسب الوضع زى (العربية باردة - تكييف - انوار .....الخ)
ال tps الى هو حساس وضع البوابة throttle position sensor و ده راكب على اكس البوابة و عبارة عن مقاومة متغيرة فلما تدوس بنزين يقوم الحساس ينقل للكنترول قيمة المقاومة الى بتعبر عن زاوية فتح البوابة

و انا سعيد جدا بأسئلة حضرتك
و ارجو انى اكون افدتك:14369D~149:

عمرو سيف 21-05-2011 11:41 AM
رد: مشكلة تنظيف الحساسات
 
اقتباس:
المشاركة الأصلية كتبت بواسطة احمد على 1999 (المشاركة 432878)
صمام الايدل الى هو بينظم كمية دخول هواء السلانسيه و اسمه idle air control valve و اختصاره iac و ساعات بالبلدى يسموه أياك
و البوابه الى هى لما تدوس بنزين بتفتع باب فى الكاربراتير (الثروتل بدى فى العربيات الجديدة)
فصمام الايدل بيبقى راكب على جسم الثروتل و لما تكون دواسة البنزين مش متداسة فتبقى البوابة قافلة فالمفروض الهواء مش داخل فلو كده فعلا العربية حتبطل هنا بقى يجى دور صمام الايدل بيبقى عامل باىباص (مسار بديل) للهواء من قبل البوابة لبعد البوابة و الكنترول يونت هى الى بتتحكم في على حسب الوضع زى (العربية باردة - تكييف - انوار .....الخ)
ال tps الى هو حساس وضع البوابة throttle position sensor و ده راكب على اكس البوابة و عبارة عن مقاومة متغيرة فلما تدوس بنزين يقوم الحساس ينقل للكنترول قيمة المقاومة الى بتعبر عن زاوية فتح البوابة

و انا سعيد جدا بأسئلة حضرتك
و ارجو انى اكون افدتك:14369D~149:
شكرا شكرا شكرا والله حضرتك أفدتني كتير قوي بالمعلومات الحلوة دي


الساعة الآن 04:18 PM.
صفحة 3 من 3 12 3
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017