رد: سرقة علامات ماركة السيارات ظاهرة عجيبة
 

رد: سرقة علامات ماركة السيارات ظاهرة عجيبة
 

انا سعيد بردودكم يا اخوان
انا كنت باعمل صيانة النهاردة فى غبوربالصدفة وسالت عن العلامات - تخيلوا العلامتين ب 130 جنية مصرى :) - كنت خلاص اشتريتهم لكن كان فيه مشكلة فى الفاتورة ورحت وجيت ما بين المخزن والمبيعات والخزنة 4 مرات - فى الأخر اتخنقت وقمت زعقت واخدت فلوسى وقلت يا فكيك - بجد غبور بقى لا يطاق - بنوعية الناس الى بيشتغلوا عنده - دول هايخسروه الكتير- بس العربية شكلها بقى اقرع خالص زلبطة يعنى :)
وفعلا هاجيب علامتين من وسط البلد من ام ثلاته صاغ - علشان احرق دم اللى هايسرقها تانى وكمان علشان بتوع التوك توك ينبسطوا :)

رد: سرقة علامات ماركة السيارات ظاهرة عجيبة
 

انا راي سيبها من عير علامه وخليها كدة أو ارسم العلامه على العربية
انا بهرج طبعا عشان اخفف عنك :)

رد: سرقة علامات ماركة السيارات ظاهرة عجيبة
 

انا فكرت ارسم العلامات علشان متتسرقش زى احمد ما قال :) المهم انى جبت علامات الجوز ب15 جنية من محل اكسسوارات فى شبرا ولزقتهم و مستنى يتشالوا :)
والله شكلهم ما يفرق عن الأصليين اللى ب 130 جنية
والعربية خلاص ما بقتش زلبطة و ما بقتش قرعة :)
شاكر لتعليقاتكم الحلوة

رد: سرقة علامات ماركة السيارات ظاهرة عجيبة
 

رد: سرقة علامات ماركة السيارات ظاهرة عجيبة
 

احسن حل للموضوع ده انك تحل العلامتين بنفسك وخليهم فى التابلوه أو شنطة العربيه لحد مانلاقى حل للظاهره العجيبه دى .....العلامه اللى تمنها 120 جنيه على الاقل بتتسرق ويبهدلك الدهان بتاع العربيه عشان يبيعها ب5أو10 جنيه أويعلقها على التوكتوك أوالتاكسى اعتقد انها ظاهره حقد نفسى اكتر من انها سرقه.........لانى ملاحظ ان اغلب السيارات الجديده بدون العلامات ....

رد: سرقة علامات ماركة السيارات ظاهرة عجيبة
 

كان عندي اقتراح لحل ازمه سرقه العلامات من السيارات
وهو طرح هذه العلامات كهديه مع السيارة وجعلها مجانا دون اي مقابل
وبالتالي لن يسرقها احد لانه لن يبيعها

ولن تكون هناك تكلفه
لان هذه العالمات ممكن تدخل ضمن ميزانيه الدعايه للموديل وممكن التوكيلات يطلبو من الشركات الام دعمها ولن تكون هناك مشكله

وفعلا العربيات البي ام دبليو و المرسيدس و البورش و اللمبورجيني
و الاستون مارتن هي صاحبه علامات مميزة غاليه جدا علي التوالي


ايه رايكوا في الحل ده

وبعدين حد يروح يشتري العلامات من التوكيل
دا اسمه كلام برده يا راجل

دا انا بصرخ يا جماعه في قطع غيار لازم تكون اصلي لكن مش لازم كل قطعه غيار اروح اجيبها من التوكيل
المرايا و العلامات و المساحات و ....
مش كده يعني
ولا ايه .... ايه شكلكوا هتودوني في داهيه
يالا
ويجعلوا عامر