مصر موتورز مجتمع السيارات - محتاج مساعده ضرورى فى الm11

السلام عليكم ... يااخ ابو الاسعاد ويااخ عماد ارجوكم وضحولنا اكتر .. انا شايف قدامى اتنين بيتخانقوا واحد عاجبة العربية والتانى مش طايقها ولا طايق اللى شار عليه بيها واخ تالت قالهم ادى اخرة الى يجيب صينى , ياجماعه انا كنت خلاص قربت اقتنع بالسيارة دى وبقالى فترة كبيرة عماله اعمل ابحاث وسيرش عليها وشوفت كلام اتقال فيها زى الفل من الى جربوها وشوفت شتايم من الى بيشتموا لمجرد الشتايم فى الصينى رغم انى بحترم الصينى جدا وخصوصا فى الفترة الاخيرة لانه اعتقد غزا العالم كله وفرض نفسة انا اللاب توب بتاعى توشيبا اعلى مواصفات
وصينى وشغال بكفاءة عالية جدا بالاضافة للموبايل بتاعى ويف سامسونج s8500 بردة صينى جايبة ب 2500 بينافس الاى فون بفضل الله يعنى ياجماعه من الاخر كان ممكن الصينين ينزلوا العربية دى ب 40 الف او حتى 50 الف وكدة كدة بقى مش هيشتغلوا فى مصر زى مابتقولوا .. لكن الى حصل العكس والناس نزلت باسعار تعادل الفرنسى زى اللوجان والسانديرو وكمان تعادل الكورى زى الشفرولية اللانوس
وحققوا نجاح كبير وخدوا ثقة لدى جمهور كبير من الناس حتى اللى مش اقتصاديين زى الى يشتروا a620 ام 95 الف .. انا حبيت بس ارد على الى بيتكلم عالصينى لمجرد انه صينى ومجربوش لكن انا عاوز استفسر عن العربية دى تحديدا بعيدا عن كونها صينى اوغيره .. انا اسف انى طولت عليكم بس انا كدة او كدة هصلى استخارة زى مابعمل دايما قبل ماشترى اى حاجة ولكن ارجوكم ادونى رايكم بكل حيادية وبدون تحيز اى فيكم لرأية .. الى شايف عيب فردى يعرفنى ولو العيب جماعى ياريت تفيدونى بردة انا بجد مش لاقى حد يمتلك السيارة يفهمنى وتعبان جدا من الموضوع دة والشعب المصرى هيفضل متعصب لراية دايما وكل واحد عاوز يثبت انه الصح حتى لو شاف الغلط فتوهونى اكتر مانا تايه وده حصل فى منتديات تانية اتمنى هنا الاقى خلاصة الكلام من المجربين للسيارة والى مجربهاش ياريت يديهم فرصة .. وشكرا جزيلا