|
رد: نعم ... كلُّنا مبارك
مشكور فعلا موضوع رائع
|
رد: نعم ... كلُّنا مبارك
تسلم يا تيمو |
رد: نعم ... كلُّنا مبارك
اقتباس:
طيب يا دوك لو قلت لحضرتك انه لا يوجد مبرر ايا كان لتغير النفوس والحق لا يمكن انه يتقلب فى يوم من الايام لباطل مهما كانت الاسباب مش عارف هيبقى راى حضرتك ايه؟ |
رد: نعم ... كلُّنا مبارك
اقتباس:
النفوس تتغير عندما تجد واحد مريض ومعهوش حق العلاج وشايف غيره بيتمتع فى القصور . النفوس تتغير عندما تجد فقير معدم شايف غيره بيعمل حفله عشاء بملايين الجنيهات . النفوس تتغير عندما يهاجر الشباب ويموتوا غرقا وأراضى بالدهم بتتباع . العدل أساس الملك ياميدو |
رد: نعم ... كلُّنا مبارك
اقتباس:
مش عارف يا دوك انت حبيبى وانا دايما بتفق معاك فى ارائك بس المرادى مش هقدر اقول مخالفك بس... ممكن يكون عندك حق فى ان دا يعمل حاجه جوه نفس البنى دام لاننا كلنا بنى ادمين وبنحب ونكره وساعات كمان بنحسد ونبص للى فى ايد غيرنا ولكن .. اعتقد ان النفوس القويه مابيغيرهاش اللى حضرتك بتقوله دا طيب راى بقيت الناس ايه؟ |
رد: نعم ... كلُّنا مبارك
اقتباس:
اقتباس:
فى الجول فى هذا التعليق بالذات |
رد: نعم ... كلُّنا مبارك
مبسوط كده يعنى خليتنى أعيط ... عموما أنا مش هقولك إنى مثالى فى شغلى وبراعى ربنا فى الأمانه إللى أنا مؤتمن عليها حيث أعمل أخصائى مكتبات فى مدرسه للتعليم الأساسى أبنى وأشكل فكر و وجدان الطلبه والطالبات مستقبل مصر بلدنا ولكننى أحاول قدر إستطاعتى ومن خلال موقعى ... وكنت بحس معظم الوقت إنى غريب فى وسط إللى حواليه ومش كتير بيفهمو إللى بحاول أرسخه فى حصصى وفى تعاملاتى وأكاد أسمع همسات زملائى ( عبيط بكره يعقل ) وده بيخلينى أصمم أكتر و أكتر على إنى ماضعفشى وأكمل زى مانا ماشى يمكن غيرى يعمل زيى ونبدأ نكتر برغم محاولات الحكومه الجاهده لتغييرى عن مسارى وتحويلى لمجرد موظف روتينى متكاسل.. ماتستغربش ماهو لما يكون مرتبى 105 جنيه فى الشهر ( مائه وخمسه جنيهات فقط لا غير ) ومواصلاتى من وإلى المدرسه 6 مواصلات يوميا رايح وجاى بصرف فيهم حوالى خمسة جنيهات ونصف فى كل يوم يعنى حوالى 165 جنيه فى الشهر بالزمه مش دى حاجه تضحك ؟ يعنى بكمل من جيبى الخاص علشان بس أعرف أروح شغلى وأنا متزوج وأعول وأسكن فى شقه إيجار وطبعا مطلوب منى إنى أروح شغلى كل يوم وأنا يملأنى الأمل فى الغد المشرق البسام و ذهنى صافى من أى مشاكل ماديه حتى أستطيع القيام بوظيفتى على أكمل وجه ولا يتأثر التلاميذ بحالتى المزاجيه والتى ليس لهم فيها ذنب طبعا ده بعد ما أكون رجعت من شغلى التانى إللى بشتغله من العصر لقرابة الصباح حتى استطيع الوفاء بمتطلبات بيتى الضروريه ... متأسف للإطاله بس لما يكون دا موقف الحكومه من شاب بيحب شغله وعايز يشتغل وكل طموحه إنه يعيش ده يبقى إسمه إيه ؟؟؟ وغيره كتيييييييييييير بس كفايه كده .... إللى عايز أقوله إن ومع وجود العذر بل الأعذار الكافيه لضميرى حتى لا يشعر بالوخز إذا لم أعمل إلا أننى أبدا لم أتقاعس عن أداء مهام وظيفتى التى أحبها و أعلم جيدا مدى خطورتها و أهميتها فى إعداد جيل أحمله أنا وليا الشرف بما أريده أن يكون فى مصر مستقبلا من قيم واداب وسلوكيات وعادات لطالما إفتقدناها ... معذرة مره أخرى للإطاله إنما قصدت شيئين من سردى هذا أولهما تدعيم مبدأ ( إبدأ بنفسك والبقيه تأتى ) وثانيهما توصيل رسالة لمن يهمه الأمر مضمونها إن مصر جايه وإن مش كلنا مبارك وأعرف أن الشرفاء فى مصر كثيرون سيدفعون مصرنا الحبيبه إلى مراتب العظماء ما دام القلب ينبض .. وختاما أقول ( تحيا مصر بس والنبى خلوها تحيا )
|
| الساعة الآن 01:54 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017