|
رد: تغطيه الاحداث والتحاليل والاخبار لحظه بلحظه
اقتباس:
المطلب لازم يكون ثابت!!!؟؟ كلام جميل ...!! لكن !! ياترى بالشكل دة الطلب ثابت ؟ فى البداية كانت المظاهرات تدعوا لتغيير النظام وعندما تمت الاستجابة تبدل الطلب لاسقاط النظام!! اذا لا يوجد طلب ثابت .. الامر اصبح اشبة بالمثل الشعبى هبلة ومسكوها طبلة كل ما النظام يستجيب لطلب تجد العناد يزداد..الامر لن ينتهى فى ليلة وضحاها المظاهرات حققت نجاحات كثيرة على المستوى السياسى وهى بداية تأكدنا انة لا توريث تأكدنا ان مجلس الشعب فى طريقة للحل تأكدنا ان مبارك لن يترشح مرة اخرى هناك وجوة كثيرة تم الاطاحة بها وغيرة الكثير من الايجابيات.. تعالى بقى للسلبيات البلد باظت يا احمد البلد باظت بالامس اتصلت ببعض اصدقائى فى مصر.. اللى ارقامهم جمعت معايا اكثرهم كان يبكى حزنا على ماحدث فى مصر اطباء واصحاب مراكز عليا اصبحوا فجأة بلطجية يمسكون بأيديهم طبنجات وعصي وسكاكين.. الناس لا تنام فى مصر يا احمد الرعب ملاء القلوب الأمنة... من ضمن من اتصلت بهم ثلاث اصدقاء لي ظباط شرطة احدهم يسكن فى المهندسين واخر فى امبابة والاخير فى بنى سويف اتصلت بهم وجدتهم جميعا متواجدين تحت بيوتهم مع رجال المناطق التى يسكنون بها لحماية الاعراض والاملاك مافيش امن فى مصر خلاص كل واحد بيحمى نفسة بنفسة الفضائيات لاتظهر اى شىء منما يحدث ولا تهتم الا بالمظاهرات الجزيرة الفضائية ولعت مصر المتظاهرين تخلصوا من الخوف الذى ملاء صدورهم طيلة 30 عام ولكنهم نقلوة وبشكل اكبر وافظع الى صدور المصريين الأمنيين.. انتقال السلطة سوف يتم ولكن ليس بهذا الشكل الفوضوى !! وان حدث سوف تكون بداية النهاية لمصر وسوف نرجع الى عصور مظلمة ويكون قانون الغابة هو الحاكم والبقاء للأقوى.. الانتفاضة الشعبية حققت نجاحات علينا الصبر لكي نرى نتائجها.. |
رد: تغطيه الاحداث والتحاليل والاخبار لحظه بلحظه
انا بس عاوز القول كام حاجة كده حرقة دمي
اولا امريكا : مهتمه اوي و كلام من ده , هم مالهمو و حشرين نفسهم لــيــه , بلادنا و هندورها بنفسنا , حاجة تنرفز ثانياً البرادعي : انا رئي الشخصي ما بحبوش انا شايف انو زي زي اي مواطن , يبقي يقف زيو زينا و محدش فوضوا . ... |
رد: تغطيه الاحداث والتحاليل والاخبار لحظه بلحظه
اقتباس:
الرد هاتلاقيه أن شاء الله هنا http://www.masrmotors.com/vb/showthr...256#post349256 |
رد: تغطيه الاحداث والتحاليل والاخبار لحظه بلحظه
مانا قايلك يا ا جنيدي في التليفون مراتي قلبت بطني
في التليفون و انا حاسس بكل ده مع ملاحظة وجود مبالغة يعني اتقالي التجمع الخامس اتنهب بالكامل اكلم جاري في التجمع يقولي محصلشي حاجة في التجمع و الرحاب و انتا كنت بتقولي كده انهم بس مش واخدين علي كده طبعا احنا مش عايزين انهم ياخدوا علي ضرب النار و مين اساسا السبب في كده دلوقتي فيه طرفين ضد بعض شعب ضد فرد النهاردة المحترم اردوغان بيقول لمبارك كلنا فانون ما نوجه ندائتنا احسن للفرد الفاني المجرم سؤال هل تثق في مبارك هل تثق انه لن يعدم شباب الثورة و جميع الرموز اللي ساندتها هل تثق فعلا انه سيقود عملية انتقال سلمي ديمقراطي للسلطة و مش هيستعبط تاني لو تثق فانا معك لكن انا لا اثق في من اخرج البلطجية و المجرمين لترويع شعبه |
رد: تغطيه الاحداث والتحاليل والاخبار لحظه بلحظه
استاذ احمد عرفت تيجي وايه الاخبار
|
رد: تغطيه الاحداث والتحاليل والاخبار لحظه بلحظه
لقيت مكالمة تليفونية من صديق في ميدان التحرير
بيقولي نزلت اتفرج بيقولي مصر كلها في ميدان التحرير متصدقشي المصرية كل اطياف الشعب في الميدان متبرجات محجبات منقبات مشايخ فنانين فرافير شمحتجية صنايعية قلتله طيب يا بني هتمشوا امتي قالي مش هايمشوا ،، لو مشيوا هيتسحلوا ،، بيقولي حتي الشرطة بقت محترمة و مؤدبة مع الناس علي فكرة صاحبي ده اخر واحد في الدنيا ممكن تتخيلوا انه ينزل في مظاهرة بس مبسوط جدا و بيقولي خلينا نخلص بقه ،، إحنا مبسوطين اووي بالحرية و بالكرامة و أنا ما زالت عالق في باريس ،، رحلتي المفروض النهاردة من شارل ديجول الساعة 11.30 بالليل و توصل القاهرة الساعة 9 الصبح تاني يوم ،، غن شاء الله لو ما اتلغتشي المفروض من باريس للقاهرة ،، 4 ساعات فقط و لكن نظام اير فرانس دلوقتي ترانزيت بيروت !!!! قبل القاهرة ،،، خايف اعلق في بيروت بدلا من باريس و مصر للطيران قالتلي أول حجز رحلة من يوم الجمعة عموما اهيي قاعدة بفاعدة ،، قاعدة في باريس و لا قاعدة في بيروت حتي فولتلهم طب خلوها ترانزيت دبي ،، أهه لو علقت اروح اقعد مع أخويا ،، بس مفيش ،،، |
رد: تغطيه الاحداث والتحاليل والاخبار لحظه بلحظه
اقتباس:
ان شاء الله ترجع بالف سلامه وتريح اهلك وعائلتك ويكونو سالمين |
| الساعة الآن 11:16 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017