|
رد: استفسارات للبشمهندس سمير عياد بخصوص الماروتي...
اقتباس:
لأنه تبين لى اليوم أن العكس هو الصح فمع البنزين المنخفض الأوكتان ....يتم تقديم زاوية أطلاق الشراره بلف الأسبراتير سنه بسيطه فى أتجاه تزويد الكهرباء للتخلص من ظاهرة التسقيف التى ستنتج من أستعمال بنزين منخفض فى نسبة الأوكتان |
رد: استفسارات للبشمهندس سمير عياد بخصوص الماروتي...
اقتباس:
عليته أزاى .............وبتستعمل بنزين أيه .........؟ والمكنه مفروض لها بنزين أيه ............؟ |
رد: استفسارات للبشمهندس سمير عياد بخصوص الماروتي...
اقتباس:
بالنسبه للبنزين كنت بستعمل 92 علطول والاخوة ملاك السياره قالولي ان ال80 مفيهوش مشكله اطلاقا معاها وسألت احد الاخوه هنا اللي كان عامل موضوع عن نسبة انضغاط المحركات واكدلي انه ال 80 مناسب جدا ليها فقلت التجربه خير برهان وفعلا جربته نفس الاداء بالظبط نفس السحب نفس التسارع نفس كل حاجه نفس صوت المكنه نفس النتشه المذكوره نفس شكل حرق البوجيهات نفس كل حاجه بجد... لم اجد اي فرق اطلاقا وده اعتقد سببه حاجه من اتنين اما فعلا المكنه يناسبها ال 80 وال 92 كانت المكنه مبتستفيدش منه... او ان صاحبها الاولاني كان ظابطها عليه رغم انه اكدلي انه مكنش بيستخدم غير 92 وهوا صادق ان شاء الله لانه معرفة.... اما عن المفروض ليها ايه فده مش في علمي والله يابشمهندس سألت عالموضوع ده كتير ومحدش افادني فيه لكن هيا نسبة انضغاط محركها 8.9 لو انا فاكر صح..... في معلومه كمان الكربيراتير انا منظفه بالاسبراي كما تعلمت منك في احد الاستشارات زمان وعلمتني ازاي بليه بيعمله وازاي يتعمل صح هههههههههههههههههههه وانا من وقتها والحمد لله بعمله تنظيفه كل 10 آلاف كيلو... هنزل كمان شويه اجرب موضوع الشرز باذن الله... انا فتحت كتالوج السياره ووجدت ان ثغرة البوجيه من من 0.8 - 0.9 ملليميتر يعني اقل من واحد شيكت على احد البوجيهات الجديده اللي جبتهم النهارده ووجدته مظبط على كده (شيكت بمسطره ومفك,,, الحاجه ام الاختراع) يارب اكون اعطيتك كل التفاصيل الوافيه... ROSE4UROSE4UROSE4U |
رد: استفسارات للبشمهندس سمير عياد بخصوص الماروتي...
اقتباس:
لا ده ولا ده مناسب للماروتى والمناسب هو NGK DCPR7E والثغره المفروض تبأه من 0.8 إلى 0.9 مم ( وليست واحد مم ) واضح أن إللى باعلك العربيه كان مغير بوجيهات بالبركه |
رد: استفسارات للبشمهندس سمير عياد بخصوص الماروتي...
اقتباس:
أرتبط بأه بكلام الكتالوج لأن البوجيه أبو رقم 6 ساخن عن أبو رقم 7 ( الموصف لدايرة الأشعال ) |
رد: استفسارات للبشمهندس سمير عياد بخصوص الماروتي...
السلام عليكم
أحب اشكر الزملاء جميعا وخصوصا المهندس سمير والدكتور حازم والله انا بستفيد منكم كتير حبيت احكي عن موقف حصل معايا اعربيتي ماروتي 2010 عاملة حوالي 11000 كم قولت اعمل الصيانة العادية عند 10000 رحت لميكانيكي ثقة انا اعرفه، قالي طقم الكهرباء عايز يتغير (البوجيهات والابلاتين كان لادع والكوندنسر) جبت الابلاتين والكوندنسر من وسط البلد (الشركة اليابانية في التوفيقيه) وجبت البوجيهات من فيصل جنبي لاحظت حاجة اولا: البوجيهات اللي طلعتها من العربية (أول مرة أغيرهم من الزيرو) كان نوعهم NGK BPR5ES ياباني اللي لقيته جنبي عند أكتر من محل هو NGK BP6EY ياباني الميكانيكي قالي مش هاتفرق كتير هاتهم غيرنا كل حاجة وتمام مشيت اربع او خمس أيام تقريبا (حوالي 150 كم) وعلى كوبري 6 أكتوبر اذ فجأة العربية بتنتش ومبرجلة ربنا ستر وركنت على جنب وجبت ميكانيكي وانا على الكوبري، فك العمة وفك الاسبراتير وفك الأبلاتين وقالي الأبلاتين لادع (اللي لسة بقاله 5 أيام بالظبط) ولازم نغيره رحت جبت الأبلاتين الجديد وركبته اشتغلت شوية كدة وبعدين اتبرجلت تاني قلت للراجل شكرا وكلمت حد جه قطرني بالعربية ركنتها في الدقي وتاني يوم رحت التوكيل قلت مابدهاش اعمل الصيانة عندهم (خصوصا اني كنت عامل الألف والخمسة آلاف) ويركبولي قطع الغيار الأصلية سبت العربية الصبح ورجعت اخر اليوم كدة قالولي انت غيرت طقم الكهرباء برة بس احنا ركبنالك طقم الكهرباء الأصلي بتاع العربية (أبلاتين وكوندنسر وبوجيهات) بصيت على البوجيهات (اللي انا لسة مركبها مافيش 5 أيام اللي هي نوعها NGK BP6EY ) لقيتها متفحمة ولونها اسود وحاجة وحشة خالص، دا البوجيهات اللي طالعة من العربية وكان بقالها 10000كم كان حالهم احسن منهم برضه الأبلاتين (اللي لسة برضه مغيره من 5 أيام) لقيته لادع حاليا بفضل الله الأمور بقت احسن والعربية ماشية تمام، وخلاص هتابع مع التوكيل الصيانات الجاية عشان أضمن قطع الغيار. انا بس عندي كام استفسار: * هل اختلاف نوع البوجيهات يأثر على العربية بالشكل دا؟ * الكتالوج بتاعنا دا بتاع العربية اللي هي بتنزل في الهند بموتور انجكشن، هل دا يفرق في نوع البوجيهات؟ * بالنسبة للأبلاتين: الأولاني قعد قد 10000 كم ولقيته لادع والثاني ماكملش حاجة ولدع، انا احيانا بسيب الكونتاكت مفتوح عشان ببقى مشغل الكاسيت (لأنه مرتبط بالكونتاكت)، هل دا سبب يخلي الأبلاتين يلدع؟ آسف على الإطالة وجزاكم الله خيرا |
رد: استفسارات للبشمهندس سمير عياد بخصوص الماروتي...
اقتباس:
هههههههههههههههههههه اوعى يكون الاخير (مع اعتذارنا للفنان حكيم) زمان سألتك وقلتلي ان اكيد في حاجه غلط لان اللي في الكتالوج مختلف تماما عن اللي راكب ومينفعش ده يكون مكان ده واتفقنا ان اللي في الكتالوج ده اكيد مش لينا وانما للانجكشن اللي في الهند... والمشكله مش هنا المشكله اني تقريبا لفيت كل مكان في القاهره العظمى وملقتش وجود للبوجيه المذكور في الكتالوج اطلاقا لفيت في التوفيقيه عند كل اللي بيبيعو ان جي كي ولفيت شارع دمشق ولفيت عند نادي الشمس لغاية اما اقتنعت ان مفيش وجود للبوجيه ده يا بشمهندس (what)(what) ومستبعدش تماما ان اللي باعلي العربية لف عليه ولما ملقاهوش باع العربية ههههههههههههههههههههههههه هه اقتباس:
البوجيه المذكور مش موجود كمان في حاجه كنت قلتلي انه اساسا مينفعش يكون ده مكان ال bp6ey لان قطره اكبر من اللي في الكتالوج حاجه كده مش فاكر.... انا متأكد من كلامك يا بشمهندس وهسمعه وهنفذه بالحرف الواحد ان شاء الله واهي كلها احتمالات ومفيش مشكله من التجارب لحد ما نوصل للوضع الصحيح ان شاء الله... انتا وراك حاجه يا هندسه؟؟؟ ههههههههههههههههههههههههه ههه فلوس كتيرفلوس كتير اقتباس:
طيب ربنا بعتك لينا حاليا التوكيل حطلك بوجيهات كودها كام؟؟؟ موضوع ان الكتالوج ده بتاع الانجكشن اللي هيفيدنا فيه هوا بشمهندس سمير... ياترى هتفرق؟؟؟ ويابشمهندس لو ملاحظ اخونا بيقول البوجيهات الفبريكا كانت BPR5ES واللي الفني اللي ركبهالي كانت BPR6ES هل الفرق بينهم كبير؟؟؟ وهل بأي حال من الاحوال ممكن نركب بوجيهات انجكشن على كربيراتير؟؟ خصوصا واني بأكدلك ان النتشه المذكوره احتفت مع البوجيهات بتاعة الانجكشن دي؟؟؟؟ وبرضو سؤال عالطاير دلوقتي عربيتي مغيرتلهاش ولا ابلاتين ولا كوندنسر من ساعة ما اخدتها فهل ياترى لازم يتغير؟؟ وايه الاعراض اللي لازم بعدها اغيرهم؟؟؟ وعيش ياهندسه احلى دعوات ليك قبل الفجر وباذن الله يستجيب (هدعيلك بظهر الغيب),,, تحياتي |
| الساعة الآن 06:34 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017