مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- BYD (https://www.masrmotors.com/vb/forumdisplay.php?f=129)

- - صوت المحرك عالي (https://www.masrmotors.com/vb/showthread.php?t=44568)

رد: صوت المحرك عالي

اقتباس:

وليس بنزين 92 بل هو بنزين 60 مخلوط بالكركديه

بس ياباشا

لو بالفعل حطينا الكركديه على بنزين 60

حيديك بنزين 90

مش 92

لاحظ فرق الألوان

ولا أيه رأيك ............؟

ROSE4U

رد: صوت المحرك عالي

اقتباس:

لذلك يجب علينا أن نعرف المستوى الطبيعي لصوت موتور السيارة BYD F3 في أفضل حالاتها وعدم مقارنته مع مواتير اللانسر والكرولا فهذا ظلم له
وعندما نعرف المقياس الحقيقي لذلك الصوت في الحالة الطبيعية نجعله مرجع للحكم على السيارة هل هي طبيعية أم غير طبيعية

وهذا أمر لا يسبب الضيق لملاك السيارة
فلا يعني أن موتورها صوته عالي أنها لا تصلح
فصوت الموتور أحد مميزاته التصميمية

ده كلام رائع

وبسبب هذا الكلام

أنا بالفعل طلبت من الزميل قراءة موضوعى الخاص ببيانات السياره

http://www.masrmotors.com/vb/showthread.php?t=43049

لمعرفة موقفه من الصيانه بوجه عام

والله

لقيته عامل إللى عليه كجهة صيانه صح

يبقى صوت المكنه طبيعى فعلا

رد: صوت المحرك عالي

اقتباس:

المشاركة الأصلية كتبت بواسطة samirayad (المشاركة 326824)

بس ياباشا

لو بالفعل حطينا الكركديه على بنزين 60

حيديك بنزين 90

مش 92

لاحظ فرق الألوان

ولا أيه رأيك ............؟

ROSE4U

واخد بالي يا باشا من الألوان
بس ممكن حد من بتوع المحطات يفهمونا فيخلطوا بنزين 60 بعصير كنتالوب يبقى 92
وتبقى المشكلة إن الكنتالوب هيغلى كمان

رد: صوت المحرك عالي

اقتباس:

المشاركة الأصلية كتبت بواسطة samirayad (المشاركة 326682)

أنت حبيبى طبعا
علشان متزعلش من كلامى التالى

طبعاً حبيبي .. من أيام الجيزة ROSE4U... هههههه .. أنا مزعلش طالما في حد قالي على حاجة غلط قولتها .. مابكابرش يعني .

فالعكس هو الصح

فعمر المحرك أبو كامتين .................dohc engines

ماحتقون اهدأ من أبو كامه ..............sohc engines

لسبب هندسى بسيط جدا

وهو كثرة مكونات منظومة التاكيهات فى الكامتين عن الكامه الواحده

وده واضح جدا

بين مكونات تاكيهات النوبيرا ( ذات عمودى الكامه )

ومكونات الانوس ( ذات عمود الكامه الواحد فقط )

كلام حضرتك منطقي جداً وسليم .. وبفرض أني حتى لو مش مقتنع بيه فهو مقنع لأي حد .

بس اللي كان قصدي أقول أن تقنية المحرك نفسه (جيل أو تاريخ إنتاجه) قديمة .. والدليل على ذلك سيارات تويوتا المزدوجة الكامة صوتها أهدأ بكتير من صوت اللانسر أو البي واي دي .. والسبب في ذلك موديل المحرك والتقنية المستخدمة فيه .

ولو فيه غلط في كلامي .. أرجو تصحيحه .

رد: صوت المحرك عالي

اقتباس:

المشاركة الأصلية كتبت بواسطة ziabassem (المشاركة 326905)

.. والدليل على ذلك سيارات تويوتا المزدوجة الكامة صوتها أهدأ بكتير من صوت اللانسر أو البي واي دي .. والسبب في ذلك موديل المحرك والتقنية المستخدمة فيه .

ولو فيه غلط في كلامي .. أرجو تصحيحه .

لا ياباشا

كلامك مش غلط ولا حاجه

وعندك حق طبعا أنك تشك من خلال ملاحظاتك عن سيارات التويوتا ( ذات عمودى الكامه )

عند مقارنتها بفئات أخرى زى الانسر والبى واى دى

ولكن ......................... !!!!!!!!!!!!!!!!!!!

هل تعلم أن فى طرازات التويوتا بالذات

فأن اليابانيون وأخص بالذكر مصممى المحركات لشركة تويوتا

ناس غايه فى دقة التصاميم الهندسيه لكيفية التخلص من أصوات أى محرك أحتراق داخلى لديهم

وأخص بالذكر من خلال قرآتى ( نجاحهم المنقطع النظير )

وتفوقهم على شركة ج أم الأمريكيه

فى تصميم منظومة egr Exhaust gas re- circulation

تشمل على مكونات فى هذه الدايره الهندسيه ومنها معادل ضغط modulator

بيقدر من تنظيم عملية تدوير العادم لمجمع الهواء بصوره فائقة التنغيم

وبالتالى تحس أن المكنه شغاله ومش شغاله فى نفس الوقت

ودى من أهم مميزات شركة تويوتا

البحث عن كل ماهو جديد فى التكنولوجيا الفائقة الجوده

والوصول بالتصاميم الهندسيه لأعلى المراحل التقدميه

_________________________ ____

وبالفعل فدائرة ال egr فى التويوتا

أكثر من رائعه

وده سبب أحساسك بأن المحرك ال dohc فى التويوتا

أقل نغمة فى الصوت من مثيله فى الانسر أو خلافه

شركة تويوتا .............حاجه تانيه خااااااااااااااااالص

رد: صوت المحرك عالي

اقتباس:

المشاركة الأصلية كتبت بواسطة ahmed1981 (المشاركة 326807)

وبخصوص البحث عن التغير من نوع زيت لنوع آخر هو كالبحث عن السراب
فمسألة التغيير من زيت لزيت يخفض من صوت السيارة المفروض أنها لو هناك فرق حقيقي بين تلك الزيوت سيكون الفرق في الصوت لا يدرك بحس الإنسان لصغره

لا والله بيبقى فيه فرق ملحوظ (وإن مكنش كبير بس ملحوظ) .. وده عن تجربة شخصية معايا ( عربية 128) عند التغيير من زيت موبيل XHP إلى زيت شيل .. صوت الموتور انخفض بنسبة ملحوظة إلى حد ما .

الأمر الآخر أن موتور ال BYD F3 هو نسخة صناعة صينية لموتور اللانسر وليس هو موتور اللانسر
طبعاً الخامات هي السر الأكبر في صناعة المحركات تختلف
معتقدتش أن حيبقى فيه فرق في الخامات .. يعني لو الياباني على سبيل المثال حديد زهر مش حيبقى اللي معمول في الصين مثلاً من الأنتمونيا أو ما شابه .
والتشطيب يختلف
نفس خط الإنتاج (مكن الخراطة والروبوتات ومكن تجميع الموتور) اللي في اليابان بيبقى هو بالظبط في الصين لأنه بيتنقل من اليابان إلى الصين لتصنيع الموتور (المصنع بيشتري خط الإنتاج بكامل معداته) ومبيبقاش في تدخل للعنصر البشري سوي في ربط مسامير مثلاً أو تجميع وش السلندر مع البلوك .
وفي النهاية الصوت يختلف
عاوز أوضح حاجة بخصوص نقطة الصوت دي .. فهو موضوع نسبي بيختلف من واحد للتاني .

لذلك يجب علينا أن نعرف المستوى الطبيعي لصوت موتور السيارة BYD F3 في أفضل حالاتها وعدم مقارنته مع مواتير اللانسر والكرولا فهذا ظلم له

وعندما نعرف المقياس الحقيقي لذلك الصوت في الحالة الطبيعية نجعله مرجع للحكم على السيارة هل هي طبيعية أم غير طبيعية
كلام سليم جداً .. أنا سقت اللانسر كتير والكرولا برضه .. بس مركبتش البي واي دي علشان كدة مقدرش أحكم .. بس في تخيلي مش حتفرق عن صوت اللانسر .
لو حد ركب اللانسر والبي واي دي (لأنهم مزودين بنفس المحرك) .. يقولنا هل حس بفرق بين الاتنين ولا الاتنين واحد .

وهذا أمر لا يسبب الضيق لملاك السيارة
فلا يعني أن موتورها صوته عالي أنها لا تصلح
فصوت الموتور أحد مميزاته التصميمية
بالظبط كدة .. مش معنى أن صوت الموتور عالي يبقى وحش أو مش كفء

أسعدني الحوار معك يا أستاذ / أحمد

رد: صوت المحرك عالي

اولا احب اقول انه فعلا بيحصل زياده في الصوت بعد 100 ولكن الزياده بتحصل بدرجه واحده ولا تزيد مع زياده السرعه ثانيا احيانا بيكون علو الصوت بيدل علي قوه المحرك واعتقد ان عمليه العزل الداخلي للكا بينه لها دخل كبير اقصد انه في النهايه موضوع finish للسياره