|
رد: الحمد لله استلمت فيرنا 2011
مبروك يا باشا
|
رد: الحمد لله استلمت فيرنا 2011
الف مبروكGIFT4U وياريت نعرف تقييمك ليهاايه ياترى ومعلومات كافية عن موديل2011 وماذ يختلف عن الموديل السابق؟؟ ولا زى ما بنقول شالو الدو وجابو شاهين؟؟ 444546
|
رد: الحمد لله استلمت فيرنا 2011
مبروك عليك معلش انا جيت متاخر وفعلا خد بالك من السرعه لان الفيرنا مغريه بالجرى جدا
ربنا يباركلك فيهاGIFT4U |
رد: الحمد لله استلمت فيرنا 2011
ربنا يخليكم يا شباب و يكفينا كلنا شر عربياتنا
انا هكتبلكم تقرير صغير هي دلوقتي عاملة حوالي 260 كيلو اول حاجة هتكلم عليه الفتيش لأني اكتر حاجة كنت خايف منه في الفيرنا الفتيس الاوتوماتيك لحد دلوقتي مفيش فيه مشكلة الحمد لله كويس و مش بحس بالنقلات خالص نظرا طبعا لظروف بلدنا و نظرا لأني سواقتي الي حد ما هادية ال rpm مش بيعلي عن 3 و بعدها بينقل دة بصراحة لحد تقريبا الغيار التالت فرق العربية عن الموديلات السابقة ليها اعتقد مفيش فيها اي فرق من جوة و من برة مش لاقي اي فرق يذكر بالنسبة لسحب العربية انا لما بجيب علي ال D و بشيل رجلي من عالفرامل العربية بتبدأ تتحرك البنزين طبعا مع اقل تشعيره عليه العربية بتجريو دة في نظري بصراحة عيب مش ميزة نظراً لشوارعنا اللي عمرها مابتكون فاضية لدرجة اني اطير الفرامل الي حد ما كويسة انا برضو ماجيبتش بيها اكتر من 90 لحد السرعة دي الفرامل معقولة جدا ولو محتاج اقف فعلا بضغط جامد و بتقف هي اه ممكن ماتلحقنيش بس انا مش هقدر احكم علي الفرامل دلوقتي لأني اولا لسا ماجيبتش الف كيلو عشان اطلع بيها عن 100 و 120 حاجة تانية انا محتاج اظبط هواء الكاوتش و دة طبعا بيقلل في كفائة الفرامل الكاسيت رود ستار و اربع سماعات بصراحة انا شايف انهم كفاية و صوتهم معقول جدا ماا عتدش اني هغير الكاسيت لو فضل شغال تمام الفوجات تمام جدا بحب امشي بيها بالليل افضل من النور الواطي و مش بتضايق اي حد قدامي من اهم المميزات بصراحة في نظري في عربية تحت ال 80000 اوتوماتيك فول اوبشن مرايات كهربة راح زمن اني انام علي كرسي اللي جنبي عشان اظبط المراية الاربعة زجاج كهربة مش لاقي منه اي مشاكل اريال كهربة صوت الموتور ناعم معايا و العربية سحبها ممتاز اهم حاجات كانت نفسي تبقي في العربية او تتعدل في موديل احدث مفيش عداد في التابلوة او اي حاجة ديجيتال توضحلي انا علي النقلة الكام اهم حاجة كان نفسي بجد لما اقفل السنتر الازاز يطلع الهاند بريك مش بالكافئة اللي اعتقدها ' امبارح نزلت العربية في الجراج و ركنتها و اكتشف اني مانزلتش الهاند بريك الكراسي تبقي ا افضل من كدة شوية بس دي محلولة بفرش جلد غير كدة بصراحة انا شايف ان العربية مقولة جدا لسعرها 76000 عربية اوتوماتيك فول اوبشن فيها كل حاجة قطع غيار رخيصة و انت اولي بفرق السعر عن اي عربية اعلي منها لأن اعتقد في رأيي المحدود ان اي عربية تحت ال 100000 جنية مش هتوفر امكانيات اكتر من كدة كتير |
رد: الحمد لله استلمت فيرنا 2011
وجهة نظر برضه! بس الساجا ب 69 الف و اوتوماتيك برضه
|
رد: الحمد لله استلمت فيرنا 2011
يا باشا محنا اتكلمنا في مشكلة الساجا الأزلية في قطع غيرها اللي لسة مش موجودة بره التوكيل وعيب علبة الدركسيون اللي يعني ممكن يكون عيب منتشر 5 من كل 20 عربية مثلا (أو حتى من كل 100 زي ماتوكيل بيقول)
ده غير استهلاك البنزين العالي اللي لا يتماشى مع سيارة 1300 CC بس كده دي الخلاصة ومبروك مرة تانية |
رد: الحمد لله استلمت فيرنا 2011
بالهداوة شوية! الساجا ممكن استهلاكها اعلى شوية مقارنة بال 1300 سي سي بس ادائها يقارن لل 1500 و ال 1600 لان قدرة محركها 96 حصان!!! كامبرو مصنع بالتعاون مع شريك بروتون الاستراتيجي لوتس!! و هي تكنولوجيا منافسه و تتفوق على ال CVVT-i الكورية و اليابانية! موضوع علبة الدريكسيون كل اللي حصل عندهم قال ببساطة انه بيروح بيغير العلبة في التوكيل ببلاش! الصالون اوسع من الفيرنا و الثبات اعلى من الفيرنا و فيها ايرباج و سينسور بارك شكل و تكنولوجيا احدث
|
| الساعة الآن 04:25 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017