رد: كل ماتريد أن تعرفه عن هوندا سيفيك 2005
 

تقرير ممتاز فعلا ولي سؤال ضروري اعمل في شركة كمبيوتر صاحبها معاه هوندا سيفيك 2005 exi خليجي قالي شامم ريحة عفونة في التكييف ودتها مركز بتاع عمي للتكييف قالي الفلتر عايز يتنضف المهم مطولش عليك قالي اتعلم ازاي يتفك وبعد ما فكينا ملقناش الفلتر لاقينا العلب فاضية - العربية دي فلترها قطعتين اتصلت بالوكيل (الفطيم) تقريبا رد عليا واحد الله اعلم بيه قالي العربية دي ملهاش فلتر هي نازلة من بلادها كدة!!! طبعا انا مش مقتنع بكلامه لان لاقيت الفلتر دة بيتباع ف المواقع الاجنبية الخاصة بالسيارات الهوندا - عايز اعرف ممكن الاقي قطع الغيار بتاعتها والفلتر دة في مصر ولا لاء؟ جزاك الله كل خير

ومن ناحية تقيمي الشخصي للعربية دي هي فعلا بسم الله ما شاء الله من اجمل العربيات اللي سوقتها بس عيب واحد لمسته فيها ان سحبها مش قد كدة يمكن الفيرنا طلعتها احسن منها لكن يمكن السبب في وزن الفيرنا اخف بكتير من الهوندا


ادعولي اجيب عربية مازدا 3 زووم بحب العربية دي اوووووووووووووووي

رد: كل ماتريد أن تعرفه عن هوندا سيفيك 2005
 

فعلا الموديل ده من السيفيك الخليجي لا يوجد به فلتر تكييف (علشان تزويد قدرة البلاور على نفخ الهواء بدون عوائق للمساعده على جعل الهواء في دول الخليج الحارة يبرد بأسرع وسيلة)
الريحة الوحشة لها اسباب كثيره
1- لو الراجل صاحب العربية بيشرب سجاير و سايب دايرة التهوية مغلقة
2- ممكن يكون جزء من حيوان ميت لازق في السربنتينه

يجب تنظيف السربنتينه الداخلية و الخارجية مع إعادة شحن الفريون ب 134

رد: كل ماتريد أن تعرفه عن هوندا سيفيك 2005
 

لاء انا دايما بوديها البنزينة تتغسل ومفيش حاجة فيها وف مرة فتحت علب الفلتر لاقيتها فاضية بس لما جيت انضف مكان الكول نزلت طينة كتيييييييييييييييير وطبعا قايلو اقفل زرار دخول الهواء من الخارج بس برضو الريحة موجودة والحل اكيد ف الفلتر ومش لاقيه في مصر خاااااااالص ولا حتى التوكيل لو في حد هيجيبه من امريكا يقولي

رد: كل ماتريد أن تعرفه عن هوندا سيفيك 2005
 

انا من بورسعيد ورايح اخلص واحده 2005 exi على الف جنيه 85 ماشيه عامله88 الف كيلوا بسم الله ماشاء الله مافيهاش خربوش واحد وتحس انها زيرو دى تبقى كويسه وسعرها حلو ؟؟؟؟ عاوز رد وقتى عشان نازل ارفعها دلوقتى اه صح لونها اسود ملاكى

رد: كل ماتريد أن تعرفه عن هوندا سيفيك 2005
 

لو كشفت عليها كويس و عجبتك ممكن تنزل الفين جنيه

رد: كل ماتريد أن تعرفه عن هوندا سيفيك 2005
 

السلام عليكم ممكن اسعار قطع الغيار خارج التوكيل لو ينفع علشان انا ناوى اشترى واحدة بس خايف من قطع الغيار

رد: كل ماتريد أن تعرفه عن هوندا سيفيك 2005
 

شكرا على التقرير الجيد